Gangubai Kathiawadi : 'ഗംഗുഭായ്'ആയി തകര്ത്താടി ആലിയ ഭട്ട്; വീഡിയോ ഗാനം പുറത്ത്, റിലീസ് 25ന്
Synopsis
'പദ്മാവതി'നു ശേഷം എത്തുന്ന സഞ്ജയ് ലീല ബന്സാലി ചിത്രമാണ് 'ഗംഗുഭായി കത്തിയവാഡി'.
ആലിയ ഭട്ടിനെ(Alia Bhatt) കേന്ദ്ര കഥാപാത്രമാക്കി സഞ്ജയ് ലീല ബന്സാലി സംവിധാനം ചെയ്ത ചിത്രമാണ് 'ഗംഗുഭായി കത്തിയവാഡി'(Gangubai kathiawadi). കാമാത്തിപ്പുര പശ്ചാത്തലമാക്കുന്ന ചിത്രത്തിന്റെ ടീസർ ഏറെ ശ്രദ്ധിക്കപ്പെട്ടിരുന്നു. ചിത്രം 25ന് തിയേറ്ററുകളില് എത്തും. ഇപ്പോഴിതാ ചിത്രത്തിലെ ആദ്യ ഗാനം പുറത്ത് വിട്ടിരിക്കുകയാണ് അണിയറ പ്രവർത്തകർ.
ജാന്വി ശ്രീമങ്കറും ഷൈല് ഹദയും ചേര്ന്നാണ് 'ധോലിഡ' എന്ന ഗാനം ആലപിച്ചിരിക്കുന്നത്. കുമാറിന്റെ വരികള്ക്ക് സംഗീതം നല്കിയിരിക്കുന്നത് സഞ്ജയ് ലീല ബന്സാലി തന്നെയാണ്.
'പദ്മാവതി'നു ശേഷം എത്തുന്ന സഞ്ജയ് ലീല ബന്സാലി ചിത്രമാണ് 'ഗംഗുഭായി കത്തിയവാഡി'. ഹുസൈന് സെയ്ദിയുടെ 'മാഫിയ ക്വീന്സ് ഓഫ് മുംബൈ' എന്ന പുസ്തകത്തിലെ ഗംഗുഭായ് കൊത്തേവാലി എന്ന സ്ത്രീയുടെ ജീവിതകഥയില് നിന്നും പ്രചോദനം ഉള്ക്കൊണ്ടതാണ് ചിത്രം.
2019 അവസാനം ആദ്യ ഷെഡ്യൂള് ആരംഭിച്ച ചിത്രീകരണം കൊവിഡ് പശ്ചാത്തലത്തില് മാസങ്ങളോളം മുടങ്ങിയിരുന്നു. പിന്നീട് കഴിഞ്ഞ വര്ഷം ഒക്ടോബറിലാണ് ഷൂട്ടിംഗ് പുനരാരംഭിച്ചത്. ബന്സാലി പ്രൊഡക്ഷന്സിന്റെ ബാനറില് സഞ്ജയ് ലീല ബന്സാലിയും പെന് സ്റ്റുഡിയോസിന്റെ ബാനറില് ഡോ. ജയന്തിലാല് ഗാഡയും ചേര്ന്നാണ് നിര്മ്മാണം. ചിത്രം ഫെബ്രുവരി 25ന് പ്രേക്ഷകർക്ക് മുന്നിലെത്തും.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ