പേട്രിയറ്റ് സിനിമയുടെ വിലക്ക് നീക്കി, ചർച്ചയിൽ തർക്കപരിഹാരം, സർക്കുലറിലൂടെ അറിയിച്ച് ഫിയോക്

തിയറ്ററിൽ നിന്നുള്ള സിനിമയുടെ കളക്ഷന്‍റെ നിർമാണ-വിതരണ വിഹിതം നിർമാതാവ് കൂട്ടി ചോദിച്ചതിനാണ് വിലക്ക് ഏർപ്പെടുത്തിയത്. 

തിരുവനന്തപുരം: മമ്മൂട്ടി-മോഹൻലാൽ ചിത്രം പേട്രിയറ്റിന് ഫിയോക്ക് ഏർപ്പെടുത്തിയ വിലക്ക് നീക്കി. നിർമ്മാതാവ് ആൻ്റോ ജോസഫും നിർമ്മാതാക്കളുടെ സംഘടനാ പ്രതിനിധികളും ഫിയോക്കുമായി നടന്ന ചർച്ചയിലാണ് തർക്ക പരിഹാരമായത്. തിയറ്ററിൽനിന്നുള്ള സിനിമയുടെ കളക്ഷന്‍റെ നിർമാണ-വിതരണ വിഹിതം നിർമാതാവ് കൂട്ടിചോദിച്ചതിന്‍റെ പേരിലായിരുന്നു ഫിയോക്ക് വിലക്ക് ഏർപ്പെടുത്തിയത്. ചിത്രവുമായി കരാറിലേര്‍പ്പെടുരുതെന്ന് തിയറ്ററുകൾക്ക് ഫിയോക് നിർദേശം നൽകുകയും ചെയ്തിരുന്നു. ഈ തർക്കങ്ങളാണ് ചർച്ചയിലൂടെ പരിഹരിച്ചത്. അന്തിമ തീരുമാനം ഫിയോക്ക് സർക്കുലറിലൂടെ അറിയിച്ചു.