തീ പാറും, ക്യാപ്റ്റൻ മില്ലറിന്റെ ആദ്യ റിവ്യു പുറത്ത്

ധനുഷ് നായകനാകുന്ന ക്യാപ്റ്റൻ മില്ലറിന്റെ ആദ്യ റിവ്യു പുറത്ത്.

ധനുഷ് ആരാധകര്‍ ആകാംക്ഷയോടെ കാത്തിരിക്കുന്ന ചിത്രമാണ് ക്യാപ്റ്റൻ മില്ലര്‍. ക്യാപ്റ്റൻ മില്ലര്‍ ഒരു ആക്ഷൻ ചിത്രമായിരിക്കും എന്ന് നേരത്തെ റിപ്പോര്‍ട്ടുകളുണ്ടായിരുന്നു. എന്നാല്‍ നടൻ എന്ന നിലയിലും ചിത്രം ധനുഷിന് മികച്ച ഒരു അവസരമായിരിക്കും എന്നാണ് സംവിധായകൻ അരുണ്‍ മതേശ്വരൻ വ്യക്തമാക്കിയിരുന്നു. ക്യാപ്റ്റൻ മില്ലര്‍ മികച്ച ഒരു ചിത്രമായിരിക്കും എന്ന് സൂചിപ്പിച്ച് ജി വി പ്രകാശ് കുമാര്‍ എത്തിയത് ആദ്യ റിവ്യുവായാണ് ആരാധകര്‍ കണക്കാക്കുന്നത്.

തീ ഇമോജിയാണ് ചിത്രത്തെ കുറിച്ച് സൂചിപ്പിക്കാൻ ജി വി പ്രകാശ് കുമാര്‍ ഉപയോഗിച്ചിരിക്കുന്നത്. ക്യാപ്റ്റൻ മില്ലറിലെ ഇൻട്രോ മ്യൂസിക്കും ചിത്രത്തില്‍ ആവേശമുണ്ടാക്കുന്നതാകും എന്നും ജി വി പ്രകാശ് കുമാര്‍ സൂചിപ്പിക്കുന്നു. ഛായാഗ്രാഹണം സിദ്ധാര്‍ഥാണ് നിര്‍വഹിക്കുക. ജി വി പ്രകാശ് കുമാര്‍ സംഗീതം നിര്‍വഹിക്കുന്ന ക്യാപ്റ്റൻ മില്ലെറില്‍ ധനുഷിനും പ്രിയങ്ക അരുള്‍ മോഹനുമൊപ്പം സുന്ദീപ് കിഷൻ,  ശിവരാജ് കുമാര്‍, ജോണ്‍ കൊക്കെൻ, നിവേധിത സതിഷും പ്രധാന കഥാപാത്രങ്ങളായി എത്തുമ്പോള്‍ റിലീസ് ജനുവരി പന്ത്രണ്ടിനാണ്.

വാത്തിയാണ് ധനുഷ് നായകനായി വേഷമിട്ടവയില്‍ ഒടുവില്‍ പ്രദര്‍ശനത്തിന് എത്തിയതും വൻ ഹിറ്റായി മാറിയതും. വെങ്കി അറ്റ്‍ലൂരിയായിരുന്നു വാത്തി തിരക്കഥയെഴുതി സംവിധാനം ചെയ്‍തത്. മലയാളി നടി സംയുക്തയായിരുന്നു ധനുഷ് ചിത്രത്തില്‍ നായികയായത്. സംഗീതം ജി വി പ്രകാശ് കുമാറായിരുന്നു. വംശി എസും സായ് സൗജന്യയും ചേര്‍ന്നാണ് 'വാത്തി' നിര്‍മിച്ചിരിക്കുന്നത്. ജെ യുവരാജാണ് വാത്തിയുടെ ഛായാഗ്രാഹണം. നായകൻ ധനുഷിനും നായിക സംയുക്തയ്‍ക്കുമൊപ്പം ചിത്രത്തില്‍ സമുദ്രക്കനി .പ്രവീണ എന്നിവരും പ്രധാന കഥാപാത്രങ്ങളായി ഉണ്ടായിരുന്നു. ചിത്രത്തിലെ ഗാനങ്ങളും ആരാധകര്‍ ഏറ്റെടുത്തിരുന്നു.

വാത്തി വൻ ഹിറ്റായി മാറിയിരുന്നു. ആഗോള ബോക്സ് ഓഫീസില്‍ 100 കോടി ക്ലബില്‍ വാത്തി ഇടംനേടിയിരുന്നു. ധനുഷിന്റെ മികച്ച പ്രകടനവും ആകര്‍ഷകമായിരുന്നു. ധനുഷ് നായകനായ വാത്തി മികച്ചൊരു സിനിമ എന്നാണ് കണ്ടവര്‍ അഭിപ്രായപ്പെട്ടതും.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക