വില്ലുമായി ധ്യാൻ ഗദയെടുത്ത് അജു; പൊട്ടിച്ചിരിപ്പിക്കാന് 'നദികളില് സുന്ദരി യമുന', ഫസ്റ്റ് ലുക്ക്
Synopsis
ചിരിയുടെ ഉത്സവം തീര്ക്കുന്നതായിരിക്കും ചിത്രമെന്ന സൂചനയാണ് പോസ്റ്റര് തരുന്നത്.
വെള്ളം സിനിമയിലെ യഥാര്ത്ഥ കഥാപാത്രമായ വാട്ടർമാൻ മുരളി അവതരിപ്പിക്കുന്ന പുതിയ ചിത്രം 'നദികളില് സുന്ദരി യമുന' എന്ന സിനിമയുടെ ഫസ്റ്റ് ലുക്ക് പോസ്റ്റര് പുറത്തിറങ്ങി. നവാഗതരായ വിജേഷ് പാണത്തൂര്, ഉണ്ണി വെള്ളാറ എന്നിവരാണ് ചിത്രത്തിന്റെ തിരക്കഥ രചിച്ച് സംവിധാനം ചെയ്യുന്നത്.
ചിരിയുടെ ഉത്സവം തീര്ക്കുന്നതായിരിക്കും ചിത്രമെന്ന സൂചനയാണ് പോസ്റ്റര് തരുന്നത്. അജു വര്ഗീസും ധ്യാനും നേര്ക്ക് നേര് വരുന്ന പോസ്റ്റര് ആദ്യ കാഴ്ചയില് തന്നെ ചിരിയുണര്ത്തുന്നുണ്ട്. കണ്ണൂരിലെ നാട്ടുമ്പുറങ്ങളാണ് ഈ ചിത്രത്തിന്റെ പശ്ചാത്തലം.ഇവിടുത്തെ സാധാരണക്കാരായ മനുഷ്യര്, അവര്ക്കിടയിലെ കണ്ണന്, വിദ്യാധരന്, എന്നീ രണ്ട് യുവാക്കളുടെ കഥയാണ് ചിത്രം പറയുന്നത്. സിനിമാറ്റിക്കയുടെ ബാനറില് വിലാസ് കുമാര്, സിമി മുരളി എന്നിവരാണ് ചിത്രം നിര്മ്മിക്കുന്നത്.
കണ്ണനെ ധ്യാന് ശ്രീനിവാസനും, വിദ്യാധരനെ അജു വര്ഗീസും അവതരിപ്പിക്കുന്നു. സിനിമാറ്റിക് ഫിലിംസ് എല്എല്.പി.യുടെ ബാനറില് വിലാസ് കുമാര്, സിമി മുരളി എന്നിവരാണ് ഈ ചിത്രം നിര്മ്മിക്കുന്നത്. സുധീഷ്, നിര്മ്മല് പാലാഴി, കലാഭവന് ഷാജോണ്, നവാസ് വള്ളിക്കുന്ന്, അനീഷ്, പാര്വ്വണ, ആമി, ഉണ്ണിരാജ, ഭാനുപയ്യന്നൂര് ദേവരാജ് കോഴിക്കോട്, രാജേഷ് അഴിക്കോടന്, സോഹന് സിനുലാല്, ശരത് ലാല്, കിരണ് രമേശ്, വിസ്മയ ശശികുമാർ എന്നിവരും നിരവധി പുതുമുഖങ്ങളും ഈ ചിത്രത്തില് അണിനിരക്കുന്നു. മനു മഞ്ജിത്തിന്റെയും ഹരിനാരായണന്റെയും വരികള്ക്ക് അരുണ് മുരളീധരന് ഈണം പകര്ന്നിരിക്കുന്നു. ശങ്കര് ശര്മയാണ് ബി.ജി.എം.
നീ കാണണ്ട, എന്റെ പഴയ രൂപം മതി നിന്റെ മനസിൽ'; ഇന്നസെന്റിന്റെ ഓർമയിൽ ഇടവേള ബാബു
ഫൈസല് അലി ഛായാഗ്രഹണവും രതിന് രാധാകൃഷ്ണന് എഡിറ്റിംഗും നിര്വ്വഹിക്കുന്നു. കലാസംവിധാനം -അജയന് മങ്ങാട്. മേക്കപ്പ് -ജയന് പൂങ്കുളം കോസ്റ്റ്യും - ഡിസൈന് -സുജിത് മട്ടന്നൂര്,ചീഫ് അസ്സോസ്സിയേറ്റ് ഡയറക്ടര് - പ്രിജിന് ജെസ്സി. പ്രോജക്ട് ഡിസെെന് അനിമാഷ്, വിജേഷ് വിശ്വം. ഫിനാന്സ് കണ്ട്രോളര്. അഞ്ജലി നമ്പ്യാര്. പ്രൊഡക്ഷന് മാനേജര് - മെഹമൂദ് പ്രൊഡക്ഷന് എക്സിക്കുട്ടീവ്സ് - പ്രസാദ് നമ്പ്യാങ്കാവ്., അനീഷ് നന്ദി പുലം. പ്രൊഡക്ഷന് കണ്ട്രോളര്- സജീവ് ചന്തിരൂര്, പി.ആര്.ഒ - വാഴൂര് ജോസ്. ആതിര ദില്ജിത്ത്. ഫോട്ടോ - സന്തോഷ് പട്ടാമ്പി. ഡിജിറ്റൽ മാർക്കറ്റിംഗ് യെല്ലോ ടൂത്ത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ