ധ്യാൻ ശ്രീനിവാസൻ നായകനാകുന്ന 'സൂപ്പർ സിന്ദഗി', ചിത്രീകരണം പൂർത്തിയായി

ധ്യാൻ ശ്രീനിവാസൻ നായകനാകുന്ന ചിത്രത്തിന്റെ സംവിധാനം വിന്റേഷ് ആണ്.

ധ്യാൻ ശ്രീനിവാസൻ നായകനായെത്തുന്ന 'സൂപ്പർ സിന്ദഗി'യുടെ ചിത്രീകരണം പൂർത്തിയായി. വിന്റേഷ് ആണ് സംവിധാനം ചെയ്യുന്നത്. വിന്റേഷും പ്രജിത്ത് രാജ് ഇകെആറും തിരക്കഥ എഴുതുന്നു. പാർവതി നായർ, മുകേഷ്, ജോണി ആന്റണി, സുരേഷ് കൃഷ്‍ണ, കലേഷ്, ശ്രീവിദ്യ മുല്ലശ്ശേരി, ഡയാന ഹമീദ്, മാസ്റ്റർ മഹേന്ദ്രൻ തുടങ്ങി ഒട്ടനവധി താരങ്ങളാണ് അണിനിരക്കുന്നത്.

ലിജോ പോളാണ് ചിത്രത്തിനറെ എഡിറ്റര്‍. സൂരജ് എസ് കുറുപ്പാണ് സംഗീതം നിര്‍വഹിക്കുന്നത്. എൽദോ ഐസകാണ് ചിത്രത്തിന്റെ ഛായാഗ്രഹണം. അഭിലാഷ് ശ്രീധരനാണ് സംഭാഷണം ഒരുക്കിയിരിക്കുന്നത്.

ചിത്രം '666 പ്രൊഡക്ഷൻസ്'ന്റെ ബാനറിൽ ഹസീബ് മേപ്പാട്ട്, സത്താർ പടനേലകത്ത് എന്നിവരാണ് ധ്യാൻ ശ്രീനിവാസന്റ ചിത്രം നിർമിക്കുന്നത്. 666 പ്രൊഡക്ഷൻസ്'ന്റെ ബാനറിലുള്ള ചിത്രമാണ് 'ലാൽ ജോസും'. പ്രൊഡക്ഷൻ കൺട്രോളർ ഷെമിൻ എസ് ആർ ആണ്. വസ്ത്രാലങ്കാരം സുജിത്ത് മട്ടന്നൂർ ആണ്. ക്രിയേറ്റീവ് പ്രൊഡ്യൂസർ സങ്കീത് ജോയ്‍യാണ്. കലാസംവിധാനം ഹംസ വള്ളിത്തോട്.  ചീഫ് അസോസിയേറ്റ് വിഷ്‍ണു ഐക്കരശ്ശേരി. മേക്കപ്പ് അരുൺ ആയുർ, കോറിയോഗ്രഫി ഭൂപതി, ആക്ഷൻ ഫൊണെക്സ് പ്രഭു, ഡിജിറ്റർ പിആർ വിവേക് വിനയരാജ്, പിആർഒ ശബരി, സ്റ്റിൽസ് റിഷ് ലാൽ ഉണ്ണികൃഷ്‍ണൻ എന്നിവരാണ് കണ്ണൂർ, മൈസൂർ, ബാംഗ്ലൂർ എന്നിവിടങ്ങളിലായി ചിത്രീകരിച്ച ഈ ചിത്രത്തിന്റെ മറ്റ് പ്രവര്‍ത്തകര്‍.

ധ്യാൻ ശ്രീനിവാസൻ പ്രധാന കഥാപാത്രമായതില്‍ ഒടുവില്‍ എത്തിയത് 'ഹിഗ്വിറ്റ' ആണ്. ഹേമന്ത് ജി നായരാണ് സംവിധാനം. ഹേമന്ത് ജി നായരുടേതാണ് തിരക്കഥയും. സുരാജ് വെഞ്ഞാറമൂട് ആയിരുന്നു നായകൻ. മോശമല്ലാത്ത പ്രതികരണം ചിത്രത്തിന് നേടാനായി. ഫൈസല്‍ നാസറായിരുന്നു ഛായാഗ്രാഹണം നിര്‍വഹിച്ചത്. രാഹുല്‍ രാജാണ് സംഗീത സംവിധാനം.

മങ്ങിയ തുടക്കം; ഒടുവിൽ ശോഭയോടെ ഫിനാലെയിൽ തിളങ്ങി ശോഭ വിശ്വനാഥ്