ധ്യാനും ദുര്‍ഗ്ഗാ കൃഷ്‍ണയും ഒന്നിക്കുന്ന ചിത്രം, അയ്യർ ഇൻ അറേബ്യയിലെ ഗാനം പുറത്ത്

അയ്യർ ഇൻ അറേബ്യ എന്ന സിനിമയിലെ ഗാനം പുറത്ത്.

മുകേഷും ഉര്‍വശിയും ധ്യാനും ഒന്നിക്കുന്ന ചിത്രമാണ് അയ്യര്‍ ഇൻ അറേബ്യ. ഫെബ്രുവരി രണ്ടിനാണ് റിലീസ് ചെയ്യുക. മുകേഷും ഉർവശിയും അവതരിപ്പിക്കുന്ന കഥാപാത്രങ്ങളുടെ മകനായി ധ്യാൻ ശ്രീനിവാസൻ പ്രത്യക്ഷപ്പെടുന്ന അയ്യര്‍ ഇൻ അറേബ്യയില്‍ ദുര്‍ഗാ കൃഷ്‍ണ, ഡയാന ഹമീദ്, ഷൈൻ ടോം ചാക്കോ, മണിയൻ പിള്ള രാജു, കൈലാഷ്, സുധീർ കരമന, സോഹൻ സീനുലാൽ, ഉല്ലാസ് പന്തളം, ജയകൃഷ്‍ണൻ, സിനോജ് സിദ്ധിഖ്, ജയകുമാർ, ഉമ നായർ, ശ്രീലത നമ്പൂതിരി, രശ്‍മി അനിൽ, വീണ നായർ, നാൻസി, ദിവ്യ എം നായർ, ബിന്ദു പ്രദീപ്, സൗമ്യ തുടങ്ങിയവും വേഷമിടുന്നു. അയ്യർ ഇൻ അറേബ്യ എന്ന ചിത്രത്തില്‍ ധ്യാൻ ശ്രീനിവാസനും ദുർഗ്ഗാ കൃഷ്‍ണയും പ്രണയ ജോഡികളായി പ്രത്യക്ഷപ്പെടുന്ന  'മഴവിൽ പൂവായ്' എന്ന ​ഗാനം വിജയ് യേശുദാസും നിത്യ മാമേനും ആലപിച്ചത് പുറത്തുവിട്ടു.

സംവിധാനം എം എ നിഷാദാണ്. സംഗീതം ആനന്ദ് മധുസൂദനനാണ്. സിദ്ധാര്‍ഥ് രാമസ്വാമിയും വിവേക് മേനോനുമാണ് ചിത്രത്തിന്റെ ഛായാഗ്രാഹണം. തിരക്കഥയും എം എ നിഷാദാണ്.

വിഘ്‌നേഷ് വിജയകുമാറാണ് നിര്‍മാണം. ചിത്രം വെല്‍ത്ത് ഐ പ്രൊഡക്ഷൻസിന്റെ ബാനറിലാണ് നിര്‍മിക്കുന്നത്. ഉള്ളടക്കത്തിന് പ്രധാന്യം നല്‍കിയുള്ള മലയാള സിനിമകള്‍ നിര്‍മിക്കാനുള്ള ഒരുക്കത്തിലാണ് പ്രവാസി വ്യവസായിയായ വിഘ്‍നേശ് വിജയകുമാര്‍. വിഘ്‍നേശ് വിജയകുമാറിന്റെ നിര്‍മാണത്തിലുള്ള ആദ്യ ചിത്രമാണ് അയ്യർ ഇൻ അറേബ്യ.

ഗാനരചന പ്രഭാ വർമ്മയ്‍ക്കും റഫീഖ് അഹമ്മദിനുമൊപ്പം ഹരിനാരായണൻ, മനു മഞ്ജിത് എന്നിവരും നിര്‍വഹിക്കുന്നു. ശബ്‍ദലേഖനം ജിജുമോൻ ടി ബ്രൂസ്. രാജേഷ് പി എം ആണ് ചിത്രത്തിന്റെ  സൗണ്ട് ഡിസൈൻ. കലാസംവിധാനം പ്രദീപ് എം വി, വസ്ത്രാലങ്കാരം അരുൺ മനോഹർ, മേക്കപ്പ് സജീർ കിച്ചു, പ്രൊഡക്ഷൻ കണ്‍ട്രോളർ ബിനു മുരളി, അസ്സോസിയേറ്റ് ഡയറക്ടർ പ്രകാശ് കെ മധു, സ്റ്റിൽസ് നിദാദ്, ഡിസൈൻ യെല്ലോടൂത്ത്, പിആർ& മാർക്കറ്റിങ് തിങ്ക് സിനിമ മാർക്കറ്റിങ് സൊല്യൂഷൻസ്, പിആർഒ എ എസ് ദിനേശ് എന്നിവരുമാണ്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക