അമ്പരപ്പിക്കുന്ന മേക്കോവറില്‍ ദിലീപ്; ഇതാണ് നാദിര്‍ഷയുടെ 'കേശു'

അമർ അക്ബർ അന്തോണി, കട്ടപ്പനയിലെ ഹൃതിക്  റോഷൻ, മേരാ നാം ഷാജി തുടങ്ങിയ സിനിമകളുടെ  ഹാട്രിക് വിജയത്തിനു ശേഷം നാദിർഷ ഒരുക്കുന്ന ചിത്രമാണ് 'കേശു ഈ വീടിന്റെ നാഥൻ.' സജീവ് പാഴൂരിന്റേതാണ് തിരക്കഥ.  

മിമിക്രി വേദിയിൽ നിന്ന് മലയാള സിനിമയിലെത്തിയ നാദിർഷയും ദിലീപും പ്രേക്ഷകരുടെ ഒരുപാട് നാളത്തെ കാത്തിരിപ്പിന് ശേഷം ഒന്നിക്കുന്ന ചിത്രമാണ് 'കേശു ഈ വീടിന്റെ നാഥൻ.' അമർ അക്ബർ അന്തോണി, കട്ടപ്പനയിലെ ഹൃതിക്  റോഷൻ, മേരാ നാം ഷാജി തുടങ്ങിയ സിനിമകളുടെ വിജയത്തിനു ശേഷം വീണ്ടും ഒരു ഹിറ്റ് ചിത്രം ഒരുക്കാൻ തയ്യാറെടുക്കുകയാണ്  നാദിർഷ തന്റെ പുതിയ ചിത്രമായ കേശു ഈ വീടിന്റെ നാഥനിലൂടെ. ചിത്രത്തിന്റെ ഫസ്റ്റ് ലുക്ക്‌ പോസ്റ്റർ പുറത്തിറങ്ങി.

കുടുംബ പ്രേക്ഷകരെ ലക്ഷ്യം വയ്ക്കുന്ന ഫാമിലി എന്റെർറ്റൈനെർ ആണ് 'കേശു ഈ വീടിന്റെ നാഥൻ.'  

തൊണ്ടി മുതലും ദൃക്‌സാക്ഷിയും, സത്യം പറഞ്ഞാ വിശ്വസിക്കുവോ? എന്നീ ചിത്രങ്ങളുടെ തിരക്കഥാകൃത്ത്  സജീവ് പാഴൂർ തിരക്കഥയെഴുതി നാഥ് ഗ്രൂപ്പ്‌ നിർമ്മിക്കുന്ന ചിത്രത്തിന്റെ ഛായാഗ്രഹണം അനിൽ നായർ ആണ് . നാദിർഷ തന്നെ സംഗീതം ചെയ്യുന്ന  ചിത്രത്തിന് വരികൾ എഴുതുന്നത് ഹരിനാരായണനാണ്. എഡിറ്റർ സാജൻ, പ്രൊഡക്ഷൻ കൺട്രോളർ രഞ്ജിത്ത് കരുണാകരൻ.