'റാമി'ൽ ഭയമുണ്ട്, ഡ്യൂപ്പിനോട് ലാൽ സാറിന് താല്പര്യമില്ല, അതെല്ലാം തനിയെ ചെയ്തു; ജീത്തു ജോസഫ്

എന്നാകും ചിത്രം റിലീസ് ചെയ്യുക എന്ന കാത്തിരിപ്പിലാണ് ഓരോ സിനിമാ പ്രേമിയും.

മോഹൻലാലിന്റേതായി വരാനിരിക്കുന്ന സിനിമകളിൽ ഏറെ ശ്രദ്ധേയമാണ് 'റാം'. ജീത്തു ജോസഫിന്റെ സംവിധാനത്തിൽ ഒരുങ്ങുന്ന ചിത്രം ഏറെ കാലമായി അണിയറയിൽ ഒരുങ്ങുകയാണ്. എന്നാകും ചിത്രം റിലീസ് ചെയ്യുക എന്ന കാത്തിരിപ്പിലാണ് ഓരോ സിനിമാ പ്രേമിയും. റാം പ്രഖ്യാപിച്ചതിനും ഷൂട്ടിം​ഗ് ആരംഭിച്ചതിന് ശേഷവും മോഹൻലാൽ- ജീത്തു കോമ്പോയിൽ ഏതാനും സിനിമകൾ റിലീസ് ചെയ്തിരുന്നു. എന്നിട്ടും റാമിന്റെ റിലീസ് സംബന്ധിച്ച വിവരങ്ങൾ ഒന്നും തന്നെ പുറത്തുവന്നിരുന്നില്ല. ഇപ്പോഴിതാ റാം വൈകുന്നതിനെ കുറിച്ചും സിനിമയെ ആക്ഷൻ രം​ഗങ്ങളെ കുറിച്ചും സംസാരിക്കുകയാണ് ജീത്തു ജോസഫ്. 

റാം റിലീസ് വൈകുന്നതിൽ ഭയമുണ്ടെന്നും സാഹചര്യങ്ങൾ അനുകൂലമായി വരണ്ടേ എന്നും ജീത്തു ജോസഫ് പറയുന്നു. ഒരു യുട്യൂബ് ചാനലിനോട് ആയിരുന്നു സംവിധായകന്റെ പ്രതികരണം. ഡ്യൂപ്പിനോട് മോഹൻലാലിന് താൽപര്യം ഇല്ലെന്നും എല്ലാ അക്ഷനും അദ്ദേഹം തന്നെ ചെയ്തതാണെന്നും ജീത്തു പറയുന്നു. 

"റാം ഡിലേ ആകുന്നിൽ ഞങ്ങൾക്ക് ഭയമുണ്ട്. വലിയ രീതിയിൽ അത് ദോഷങ്ങൾ ഉണ്ടാകും. പക്ഷേ സാഹചര്യങ്ങൾ ഞങ്ങൾക്ക് അനുകൂലമായി വരണ്ടേ. റാം എന്നത് സോ കോൾഡ് ടൈപ്പ് ക്യാരക്ടർ അല്ല. അതിനകത്തും ഇമോഷനുണ്ട്. അതിലെ കഥാപാത്രം സാധാരണ ഒരു മനുഷ്യനാണ്. ഒരു മനുഷ്യന് ചെയ്യാൻ പറ്റുന്ന ഫൈറ്റ് സ്വീക്വൻസുകൾ മാത്രമെ അതിൽ ഉൾക്കൊള്ളിച്ചിട്ടുള്ളൂ. അല്ലാതെ ഒരേസമയത്ത് പതിനഞ്ച് പേരെ ഇടിച്ച്, അവരിങ്ങനെ തെറിച്ച് പോകുന്ന സ്ലോ മോഷൻ, ഹീറോ ബൈക്കിൽ ജംമ്പ് ചെയ്യുന്നു അങ്ങനെ ഒന്നുമല്ല. അത്യാവശ്യം എന്റർടെയ്നിം​ഗ് ആയിട്ടുള്ള ത്രില്ലിം​ഗ് മൊമൻസ് ഉണ്ട് അതിനകത്ത്. പക്ഷേ അതും കാണുമ്പോൾ റിയൽ ആണെന്ന് ആൾക്കാർക്ക് തോന്നുന്ന തരത്തിലാണ് ചെയ്തിരിക്കുന്നത്. ആക്ഷൻ കൊറിയോ​ഗ്രഫി ചെയ്യുന്ന സമയത്ത് ലാൽ സാർ വന്ന് റിഹേഴ്സൽ നടത്തി. വേണമെങ്കിൽ ഡ്യൂപ്പിനെയൊക്കെ വച്ച് ചെയ്യാം. പക്ഷേ അദ്ദേഹത്തിനും അത് താല്പര്യം ഇല്ല. എല്ലാവരും ഫോറിൻ ഫൈറ്റേഴ്സ് ആണ്. അവർക്കും റിഹേഴ്സൽ വേണം. അതുകൊണ്ട് തലേദിവസമൊക്കെ വന്ന് റിഹേഴ്സൽ ചെയ്തിട്ടാണ് ലാൽ സർ ആക്ഷൻ ചെയ്തിട്ടുള്ളത്", എന്നാണ് ജീത്തു ജോസഫ് പറഞ്ഞത്. 

ഏഷ്യാനെറ്റ് ന്യൂസ് വാർത്തകൾ തത്സമയം അറിയാം..