'സലിം കുമാറിൻ്റെ വേർപാട് വേദന ഉണ്ടാക്കുന്നു'; അനുസ്മരിച്ച് സംവിധായകൻ കമൽ

സലിം കുമാറിൻ്റെ വേർപാട് വേദന ഉണ്ടാക്കുന്നുവെന്നും ഒരുപിടി ഓർമകൾ ഉണ്ടെന്നും സംവിധായകൻ കമൽ. പറവൂർ ടൗൺഹാളിൽ സലിം കുമാറിനെ അനുസ്മരിച്ച് സംസാരിക്കുകയായിരുന്നു കമൽ

കൊച്ചി: സലിം കുമാറിൻ്റെ വേർപാട് വേദന ഉണ്ടാക്കുന്നുവെന്നും ഒരുപിടി ഓർമകൾ ഉണ്ടെന്നും സംവിധായകൻ കമൽ. മഴക്കാലത്താണ് സലിം മടങ്ങുന്നത്. സലിമിനെ കാണുന്നത് ഒരു മഴക്കാലത്താണ്. മഴ നനഞ്ഞാണ് സലിം ആദ്യമായി വീട്ടിലേക്ക് വന്നതെന്നും സിനിമയിൽ അവസരം ചോദിച്ചായിരുന്നു വന്നതെന്നും കമൽ പറഞ്ഞു. പറവൂർ ടൗൺഹാളിൽ പൊതുദർശനത്തിനെത്തിയ കമൽ മാധ്യമങ്ങളോട് സംസാരിക്കുകയായിരുന്നു.

സിനിമയിൽ ഏത് റോൾ ചെയ്യാനും സന്നദ്ധമായിരുന്നു സലിംകുമാർ. അഭിപ്രായങ്ങൾ മുഖം നോക്കാതെ തുറന്നു പറയാറുണ്ടായിരുന്നു. സംവിധാനം ഉൾപ്പെടെ ചെയ്തു. സിനിമ ചെയ്യുമ്പോഴും കാഴ്ചപ്പാടുകൾ പ്രധാനമായിരുന്നുവെന്നും കമൽ പറഞ്ഞു.