Geetu Mohandas : ഭാവനയ്ക്കൊപ്പം ഗീതു മോഹൻദാസ്, ഫോട്ടോ ഏറ്റെടുത്ത് ആരാധകര്
Synopsis
ഭാവനയ്ക്കും സംയുക്ത വര്മയ്ക്കും ഒപ്പമുള്ള ഫോട്ടോ പങ്കുവെച്ച് ഗീതു മോഹൻദാസ്.
മലയാളത്തിന്റെ പ്രിയപ്പെട്ട താരങ്ങളില് ഒരാളാണ് ഗീതു മോഹൻദാസ് (Geetu Mohandas). നടിയായി മാത്രമല്ല സംവിധായികയായും ഗീതു മോഹൻദാസ് മികവ് കാട്ടുന്നു. അത്ര സജീവമല്ലെങ്കിലും സാമൂഹ്യമാധ്യമത്തില് ഗീതു മോഹൻദാസ് ഇടപെടാറുണ്ട്. ഗീതു മോഹൻദാസ് പങ്കുവെച്ച ഫോട്ടോയാണ് ഇപ്പോള് ആരാധകര് ചര്ച്ചയാക്കുന്നത്.
ഭാവന, മഞ്ജു വാര്യര്, സംയുക്ത വര്മ, ഗീതു മോഹൻദാസ് തുടങ്ങിയവര് അടുത്ത സുഹൃത്തുക്കളാണ്. വിശേഷ ദിവസങ്ങളില് ഇവര് ഒന്നിച്ചുള്ള ഫോട്ടോകള് പങ്കുവയ്ക്കാറുണ്ട്. ജന്മദിനത്തില് പരസ്പരം ആശംസകള് നേര്ന്ന് മനോഹരമായ കുറിപ്പുകളുമായിട്ടാണ് ഇവര് എത്താറുള്ളതും. ഭാവനയ്ക്കും സംയുക്ത വര്മയ്ക്കും ഒപ്പമുള്ള ഫോട്ടോ ഇപ്പോള് ഗീതു മോഹൻദാസ് സാമൂഹ്യ മാധ്യമത്തില് പങ്കുവെച്ചിരിക്കുന്നത് താരങ്ങളടക്കം ഏറ്റെടുത്തിരിക്കുകയാണ്.
ഗീതു മോഹൻദാസ് ആദ്യം ബാലതാരമായിട്ടായിരുന്നു വെള്ളിത്തിരയുടെ ഭാഗമായത്. 'ഒന്ന് മുതല് പൂജ്യം വരെ' എന്ന ചിത്രത്തിലൂടെയായിരുന്നു തുടക്കം. ഗീതു മോഹൻദാസിന് ചിത്രത്തിലെ അഭിനയത്തിന് മികച്ച ബാലതാരത്തിനുള്ള കേരള സംസ്ഥാന ചലച്ചിത്ര അവാര്ഡും ലഭിച്ചിരുന്നു. 'അകലെ' എന്ന ചിത്രത്തിലെ അഭിനയത്തിന് മികച്ച നടിക്കുള്ള സംസ്ഥാന ചലച്ചിത്ര അവാര്ഡും ഗീതു മോഹൻദാസിന് ലഭിച്ചു.
'കേള്ക്കുന്നുണ്ടോ'യെന്ന ഹ്രസ്വ ചിത്രത്തിലൂടെയാണ് ഗീതു മോഹൻദാസ് സംവിധായികയായത്. 'ലയേഴ്സ് ഡയസെ'ന്ന ചിത്രം ഹിന്ദിയിലും ഗീതു മോഹൻദാസ് സംവിധാനം ചെയ്തു. 'ലയേഴ്സ് ഡയസ്' ചിത്രത്തിന് മികച്ച നടിക്കുള്ള പുരസ്കാരം ഗീതാഞ്ജലി താപ്പയ്ക്കും മികച്ച ഛായാഗ്രാഹകനുള്ള അവാര്ഡ് രാജീവ് രവിക്കും ലഭിച്ചിരുന്നു. 'മൂത്തോൻ' എന്ന ചിത്രമാണ് ഗീതു മോഹൻദാസിന്റെ സംവിധാനത്തില് ഏറ്റവും ഒടുവില് പ്രദര്ശനത്തിനെത്തിയത്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ