'10 വർഷം പ്രണയിച്ചു, വിവാഹത്തിന് മുന്‍പ് ഒരിക്കൽ പോലും ഒരുമിച്ച് താമസിച്ചിട്ടില്ല'; തുറന്നുപറഞ്ഞ് ജെനീലിയ

Genelia d'souza about her love life with ritesh deshmukh. ബോളിവുഡ് താരദമ്പതികളായ ജെനീലിയയും റിതേഷ് ദേശ്മുഖും പത്ത് വർഷത്തെ പ്രണയത്തിന് ശേഷമാണ് വിവാഹിതരായത്.

ബോളിവുഡ് പ്രേക്ഷകർക്ക് പ്രിയപ്പെട്ട താരദമ്പതികളാണ് ജെനീലിയയും റിതേഷ് ദേശ്മുഖും. നീണ്ട പത്ത് വർഷങ്ങൾക്ക് ശേഷമാണ് ഇരുവരും വിവാഹിതരായത്. ഇപ്പോഴിതാ തങ്ങളുടെ പ്രണയത്തെ കുറിച്ചും വിവാഹത്തിന് മുൻപുള്ള നിമിഷങ്ങളെ കുറിച്ചും ജെനീലിയ പറഞ്ഞ വാക്കുകളാണ് ചർച്ചയാവുന്നത്. വിവാഹത്തിന് മുൻപ് ഒരിക്കൽ പോലും, തങ്ങൾ ഒരുമിച്ച് ഒരു മുറിയിൽ താമസിച്ചിട്ടില്ല എന്നാണ് ജെനീലിയ പറയുന്നത്.

"പത്ത് വർഷത്തോളം ഞങ്ങൾ പ്രണയിച്ചു, നിരവധി യാത്രകൾ പോയിരുന്നു. പക്ഷേ വിവാഹത്തിന് മുൻപ് ഒരിക്കൽ പോലും ഒരുമിച്ച് താമസിച്ചിരുന്നില്ല. ഞങ്ങൾ എപ്പോഴും കൂട്ടുകാരുമായി ഒത്തുകൂടുമായിരുന്നു. അവധി ദിവസങ്ങളിൽ പോലും ഞങ്ങൾ എപ്പോഴും വേറെ വേറെ മുറികളിലാണ് താമസിച്ചിരുന്നത്. ഷൂട്ടിങ് സമയത്തും ഞങ്ങൾ വേറെ മുറികളിലായിരുന്നു." ജെനീലിയ പറയുന്നു.

"പിന്നീട് വിവാഹിതരായതിനു ശേഷമാണ് ഞങ്ങൾ ഒരുമിച്ച് താമസിക്കാൻ തുടങ്ങിയത്. അതൊരു പുതിയ ജീവിതത്തിന്റെ തുടക്കമായിരുന്നു. ജെനീലിയ പറഞ്ഞു. തങ്ങളുടെ ജീവിതത്തിൽ എന്ത് നടന്നാലും അത് പരസ്പരം പങ്കുവെക്കുമായിരുന്നെന്നും എല്ലാം തുറന്നുസംസാരിക്കുമായിരുന്നെന്നും റിതേഷ് ദേശ്മുഖും കൂട്ടിച്ചേർത്തു. സാനിയ്യ് മിർസയുമായുള്ള പോഡ്കാസ്റ്റിലായിരുന്നു ഇരുവരുടെയും പ്രതികരണം.

ജൂനിയർ

തുജേ മേരി കസം എന്ന ചിത്രത്തിലൂടെ 2003 ലായിരുന്നു ജെനീലിയ ബോളിവുഡിൽ അരങ്ങേറ്റം കുറിച്ചത്. പിന്നീട് തമിഴ് ചിത്രം ബോയ്സിലൂടെ തെന്നിന്ത്യയിലും ജെനീലിയയ്ക്ക് മികച്ച ആരാധകരെ സൃഷ്ടയ്ക്കാനായി. 2011 ൽ പുറത്തിറങ്ങിയ സന്തോഷ് ശിവൻ- പൃഥ്വിരാജ് ചിത്രം ഉറുമിയിലെ അറയ്ക്കൽ ആയിഷ എന്ന ശക്തമായ കഥാപാത്രമായി ജെനീലിയ മലയാളത്തിലും സാന്നിധ്യമാറിയിച്ചിരുന്നു. കഴിഞ്ഞ വർഷം പുറത്തിറങ്ങിയ ജൂനിയർ എന്ന ചിത്രമായിരുന്നു ജെനീലിയയുടുതായി അവസാനമിറങ്ങിയ ചിത്രം.