തേജ സജ്ജ നായകനാകുന്ന ചിത്രത്തിന്റെ ഫസ്റ്റ് ലുക്ക് വീഡിയോ പുറത്തുവിട്ട് ദുല്‍ഖര്‍.
കല്‍ക്കി, സോംബി റെഡ്ഡി തുടങ്ങിയ ചിത്രങ്ങളിലൂടെ പ്രേക്ഷകപ്രീതി നേടിയ തെലുങ്ക് സംവിധായകനാണ് പ്രശാന്ത് വര്‍മ. പ്രശാന്ത് വര്‍മയുടെ സംവിധാനത്തിലുള്ള ചിത്രമായ ഹനുമാന്റെ ഫസ്റ്റ് ലുക്ക് വീഡിയോ ദുല്‍ഖര്‍ പുറത്തുവിട്ടു. പ്രശാന്ത് വര്‍മ തന്നെയാണ് ചിത്രത്തിന്റെ തിരക്കഥയും എഴുതുന്നത്. തേജ സജ്ജ ആണ് ചിത്രത്തില്‍ നായകനായി എത്തുന്നത്.
ആദ്യത്തെ പാൻ ഇന്ത്യ സൂപ്പര്‍ ഹീറോ സിനിമ എന്ന വിശേഷണത്തോടെയാണ് ഹനുമാൻ എത്തുന്നത്. ശിവേന്ദ്രയാണ് ഹനുമാൻ എന്ന ചിത്രത്തിന്റെ ഛായാഗ്രാഹകൻ. നായകന്റെ പേര് മാത്രമാണ് അഭിനേതാക്കളുടെ വിവരങ്ങളില്‍ ഉള്ളത്. റിലീസ് തിയതി പ്രഖ്യാപിച്ചിട്ടില്ല.
പ്രൈംഷോ എന്റര്‍ടെയ്‍ൻമെന്റിന്റെ ബാനറില്‍ ചിത്രം നിര്‍മിക്കുന്നത് കെ നിരഞ്‍ജൻ റെഡ്ഡി ആണ്.
മികച്ച പ്രതികരണങ്ങള്‍ ആണ് ചിത്രത്തിന്റെ ഫസ്റ്റ് ലുക്ക് വീഡിയോക്ക് ലഭിക്കുന്നത്.