ഡീ ഏജിംഗ് ബിഗ് ബി: യുവ അശ്വത്ഥാമാവിന് കൈയ്യടി, ഗംഭീരമെന്ന് മകനും കൊച്ചുമകളും

ഞായറാഴ്ച രാത്രി അശ്വത്ഥാമാവിനെ പരിചയപ്പെടുത്തുന്നു' എന്ന പേരിൽ ഒരു പുതിയ ടീസര്‍  കൽക്കി 2898 എഡി നിർമ്മാതാക്കൾ പുറത്തുവിട്ടിരുന്നു.

ദില്ലി: നാഗ് അശ്വിന്‍റെ സയൻസ് ഫിക്ഷൻ ചിത്രം കൽക്കി 2898 എഡിയിൽ അമിതാഭ് ബച്ചൻ അശ്വത്ഥാമാവായി അഭിനയിക്കുമെന്നു എന്ന വിവരം ടീസര്‍ വഴി അണിയറക്കാര്‍ പുറത്തുവിട്ടത് ഞായറാഴ്ചയാണ്. ഇന്ത്യൻ പുരാണത്തിലെ ഈ കഥാപാത്രം ചിരഞ്ജീവിയാണ് എന്നാണ് വിശേഷിപ്പിക്കപ്പെടുന്നത്. എന്നാല്‍ ടീസറില്‍ ഡീ ഏജിംഗ് വഴി അമിതാഭ് ഒരു യുവാവായി മാറിയതാണ് സോഷ്യല്‍ മീഡിയ ചര്‍ച്ച. 

ഞായറാഴ്ച രാത്രി അശ്വത്ഥാമാവിനെ പരിചയപ്പെടുത്തുന്നു' എന്ന പേരിൽ ഒരു പുതിയ ടീസര്‍  കൽക്കി 2898 എഡി നിർമ്മാതാക്കൾ പുറത്തുവിട്ടിരുന്നു. പ്രായമായ അമിതാഭ് ഒരു കുട്ടിയുമായി സംസാരിക്കുന്നത് ടീസറില്‍. ടീസറിലെ ഒരു പ്രത്യേക സ്റ്റിൽ ബിഗ് ബിയുടെ ചെറുപ്പകാലം കാണിക്കുന്നുണ്ട്. മീശയും നീളമുള്ള കറുത്ത മുടിയുമുള്ള അമിതാഭ് തൻ്റെ ഒപ്പ് ബ്രൂഡിംഗ് ലുക്ക്. പ്രസരിക്കുന്ന, മഞ്ഞ കല്ല് അവൻ്റെ നെറ്റിയെ ധരിച്ചതും കാണാം. 

സോഷ്യല്‍ മീഡിയയില്‍ ഈ ചിത്രം വേഗം വൈറലായി. അമിതാഭിന്‍റെ മകന്‍ അഭിഷേകും കൊച്ചുമകള്‍ നവ്യ നന്ദയും എല്ലാം ഈ ഡീ ഏജ് അമിതാഭിനെക്കുറിച്ച് സോഷ്യല്‍ മീഡിയയില്‍ സംസാരിച്ചു. 

ദേശീയതലത്തില്‍ അംഗീകരിക്കപ്പെട്ട പ്രശസ്‍ത തെലുങ്ക് സംവിധായകൻ നാഗ് അശ്വിൻ ഒരുക്കുന്ന കല്‍ക്കി 2898 എഡിയുടെ ടീസറിന് ഒരു മിനിട്ടും 23 സെക്കൻഡുമാണ് ദൈര്‍ഘ്യമെന്നും വൈകാതെ റിലീസ് ചെയ്യുമെന്നാണ് റിപ്പോര്‍ട്ട്. പ്രഭാസ് നായകനാകുന്നത് ടൈം ട്രാവല്‍ സിനിമ അല്ല എന്ന് സംഭാഷണ രചയിതാവായ സായ് മാധവ് ബുറ നേരത്തെ വ്യക്തമാക്കിയിരുന്നു. സംവിധായകൻ നാഗ് അശ്വിൻ തിരക്കഥാകൃത്തുമായ ചിത്രത്തിന്റെ പിആര്‍ഒ ശബരിയാണ്.

സി അശ്വനി ദത്താണ് പ്രഭാസ് ചിത്രത്തിന്റെ പ്രധാന നിര്‍മാതാവ്. പ്രഭാസിന്റെ കല്‍ക്കി 2898 എഡി സിനിമ എപിക് സയൻസ് ഫിക്ഷനായി എത്തുമ്പോള്‍ നിര്‍മാണം വൈജയന്തി മൂവീസിന്റെ ബാനറിലായിരിക്കും. തമിഴകത്തെ നിരവധി ഹിറ്റ് ഗാനങ്ങള്‍ക്ക് സംഗീതം നല്‍കിയ സന്തോഷ് നാരായണനായിരിക്കും 'കല്‍ക്കി 2898 എഡി'യുടെയും പാട്ടുകള്‍ ഒരുക്കുകയെന്നാണ് റിപ്പോര്‍ട്ട്. എന്തായാലും കല്‍ക്കി 2898 എഡി സിനിമയ്‍ക്കായി കാത്തിരിക്കുകയാണ് നടൻ പ്രഭാസിന്റെ ആരാധകര്‍.