'ഡെമോൺ ഹണ്ടേഴ്സ്' സൗണ്ട്ട്രാക്കിന് തിരിച്ചടി; ടെയ്‌ലർ സ്വിഫ്റ്റ് ഒന്നാമത്

നെറ്റ്ഫ്ലിക്സിന്റെ ഹിറ്റായ ആനിമേറ്റഡ് ചിത്രം “കെ-പോപ്പ് ഡെമോൺ ഹണ്ടേഴ്സ്ൻ്റെ” സൗണ്ട്ട്രാക്ക് ആൽബം യുഎസ് ബിൽബോർഡ് 200 ചാർട്ടിൽ ഒന്നാം സ്ഥാനത്ത് നിന്ന് മൂന്നാം സ്ഥാനത്തേക്ക് പിന്തള്ളപ്പെട്ടു.

ആഗോള സംഗീത ചാർട്ടുകളിൽ കെ-പോപ്പ് ആധിപത്യം തുടരുന്നതിനിടയിൽ, ഒരു മുന്നറിയിപ്പുമായി ഏറ്റവും പുതിയ ബിൽബോർഡ് 200 ചാർട്ട്. നെറ്റ്ഫ്ലിക്സിന്റെ വൻ ഹിറ്റായ ആനിമേറ്റഡ് ചിത്രം "കെ-പോപ്പ് ഡെമോൺ ഹണ്ടേഴ്സ്ൻ്റെ സൗണ്ട്ട്രാക്ക് ആൽബം, മുൻപുള്ള ഒന്നാം സ്ഥാനത്ത് നിന്ന് പിന്തള്ളപ്പെട്ട്, നിലവിൽ മൂന്നാം സ്ഥാനത്തേക്ക് എത്തിയിരിക്കുകയാണ്. കെ-പോപ്പ് ആരാധകരെ അമ്പരപ്പിച്ചു കൊണ്ട്, ബിൽബോർഡിൻ്റെ പ്രധാന ആൽബം ചാർട്ടിൽ ഇത്തവണ ഒന്നാം സ്ഥാനം സ്വന്തമാക്കിയത് പോപ്പ് രാജ്ഞി ടെയ്‌ലർ സ്വിഫ്റ്റ്ന്റെ "ദി ലൈഫ് ഓഫ് എ ഷോഗേൾ" എന്ന ആൽബമാണ്. രണ്ടാം സ്ഥാനത്ത് മോർഗൻ വാലൻ്റെ "ഐ ആം ദി പ്രോബ്ലം" എന്ന ആൽബവും ഇടം നേടി. "കെ-പോപ്പ് ഡെമോൺ ഹണ്ടേഴ്സ്" സൗണ്ട്ട്രാക്കിന് ഈ വീഴ്ച ഒരു തിരിച്ചടിയാണെങ്കിലും, ചാർട്ടിലെ അതിൻ്റെ മുൻകാല പ്രകടനം ശ്രദ്ധേയമായിരുന്നു: രണ്ടാഴ്ച തുടർച്ചയായി ഒന്നാം സ്ഥാനം നേടി. തുടർന്ന്, ടൈലർ സ്വിഫ്റ്റിന് മുന്നിൽ അഞ്ച് ആഴ്ച തുടർച്ചയായി രണ്ടാം സ്ഥാനം നിലനിർത്തി.

ടിഎക്സ്ടി താരം യോൻജുൻ ആദ്യ പത്തിൽ

"ഡെമോൺ ഹണ്ടേഴ്സ്" മൂന്നാം സ്ഥാനത്തേക്ക് പിന്തള്ളപ്പെട്ടപ്പോൾ, കെ-പോപ്പ് ലോകത്തിന് ആശ്വസിക്കാൻ വക നൽകിക്കൊണ്ട് ടുമോറോ എക്‌സ് ടുഗെദറിലെ താരം യോൻജുൻ്റെ അരങ്ങേറ്റം ബിൽബോർഡിൻ്റെ ആദ്യ പത്തിൽ ഇടം നേടി. യോൻജുൻ്റെ ആദ്യ സോളോ ആൽബമായ "നോ ലേബൽസ്: പാർട്ട് 01" പത്താം സ്ഥാനത്ത് എത്തി. "കെ-പോപ്പ് ഡെമോൺ ഹണ്ടേഴ്സ്" ആൽബം ഗ്രാമി നോമിനേഷനുകളും നേടിയിരുന്നു എന്ന വസ്തുത, കെ-പോപ്പ് കമ്മ്യൂണിറ്റിക്കുള്ളിലെ അതിൻ്റെ ശക്തമായ സ്വാധീനം അടിവരയിടുന്നു. ചിത്രം വലിയ വിജയമായതിനെ തുടർന്ന് നെറ്റ്ഫ്ലിക്സ് ഇതിൻ്റെ തുടർഭാഗത്തിനായി 15 മില്യൺ ഡോളർ ബോണസ് നൽകിയെന്ന റിപ്പോർട്ടുകളും നേരത്തെ പുറത്തുവന്നിരുന്നു.