'മുകുന്ദൻ ഉണ്ണി'യുടെ സക്സസ് ഫോര്മൂല പഠിക്കണോ ? നിങ്ങള് ചെയ്യേണ്ടത് ഇത്രമാത്രം; പുതിയ ഓഫറുമായി സുരാജ്
Synopsis
'മുകുന്ദൻ ഉണ്ണി അസോസിയേറ്റ്സ്' 11ന് തിയറ്ററുകളിലെത്തും.
ജീവിതത്തില് സക്സസ് ആഗ്രഹിക്കുന്നവരാണോ നിങ്ങള്?. എങ്കില് 'അഡ്വക്കേറ്റ് മുകുന്ദൻ ഉണ്ണി'യുടെ സക്സസ് ഫോര്മുല പഠിക്കാം. ഓഫര് മുന്നോട്ട് വെയ്ക്കുന്നത് വേറെ ആരും അല്ല. നടന് സുരാജ് വെഞ്ഞാറമൂട് ആണ്.
'അഡ്വക്കേറ്റ് മുകുന്ദൻ ഉണ്ണി'യുടെ സക്സസ് ഫോര്മൂല പഠിക്കുന്നതിനായി ചെയ്യേണ്ടത് ഇത്രമാത്രമാണ്. നവംബര് പതിനൊന്നിന് വിനീത് ശ്രീനിവാസന് നായകനാവുന്ന 'മുകുന്ദൻ ഉണ്ണി അസോസിയേറ്റ്സ്' എന്ന ചിത്രം ടിക്കറ്റെടുത്ത് കാണുക. നിങ്ങള്ക്കും 'മുകുന്ദൻ ഉണ്ണി'യുടെ സക്സസ് ഫോര്മൂല പഠിക്കാം എന്നാണ് സുരാജ് പറയുന്നത്. ചിത്രത്തിന്റെ വ്യത്യസ്തങ്ങളായ പ്രെമോഷന് പരിപാടികള് ഇതിനോടകം ചര്ച്ചയായിട്ടുണ്ട്.
അഭിനവ് സുന്ദര് നായക് സംവിധാനം ചെയ്യുന്ന ചിത്രത്തില് വിനീത് ശ്രീനിവാസനാണ് 'അഡ്വക്കേറ്റ് മുകുന്ദൻ ഉണ്ണി'യായി എത്തുന്നത്. ജോയ് മൂവി പ്രൊഡക്ഷന്സിന്റെ ബാനറില് ഡോക്ടര് അജിത് ജോയ് ആണ് ചിത്രം നിര്മ്മിക്കുന്നത്. വിമല് ഗോപാലകൃഷ്ണനും സംവിധായകനും ചേര്ന്നാണ് ചിത്രത്തിന്റെ രചന. വിനീത് ശ്രീനിവാസനും സുരാജ് വെഞ്ഞാറമൂടിനുമൊപ്പം സുധി കോപ്പ, തന്വി റാം, ജഗദീഷ്, മണികണ്ഠന് പട്ടാമ്പി, ബിജു സോപാനം, ജോര്ജ് കോര, നോബിള് ബാബു തോമസ്, അല്ത്താഫ് സലിം, റിയ സൈറ, രഞ്ജിത്ത് ബാലകൃഷ്ണന്, സുധീഷ്, വിജയന് കാരന്തൂര് എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്.
എക്സിക്യൂട്ടീവ് പ്രൊഡ്യൂസര്മാര്: പ്രദീപ് മേനോന്, അനൂപ് രാജ് എ. പ്രൊഡക്ഷന് കണ്ട്രോളര്: മനോജ് പൂങ്കുന്നം. സൗണ്ട് ഡിസൈന്: രാജ് കുമാര് പി. കല: വിനോദ് രവീന്ദ്രന്, ശബ്ദമിശ്രണം: വിപിന് നായര്, ചീഫ് അസോ. ഡയറക്ടര്: രാജേഷ് അടൂര്, അസോ. ഡയറക്ടര് : ആന്റണി തോമസ് മംഗലി, വേഷവിധാനം: ഗായത്രി കിഷോര്, മേക്കപ്പ്: ഹസ്സന് വണ്ടൂര്, കളറിസ്റ്റ്: ശ്രീക് വാരിയര്, ഫൈറ്റ്: സുപ്രീം സുന്ദര്, മാഫിയ ശശി, വിഎഫ്എക്സ് സൂപ്പര്വൈസര് : ബോബി രാജന്, വിഎഫ്എക്സ് ഐറിസ് സ്റ്റുഡിയോ, ആക്സല് മീഡിയ, ലൈന് പ്രൊഡ്യൂസര്മാര്: വിനീത് പുല്ലൂടന്, എല്ദോ ജോണ്, സ്റ്റില്സ്: രോഹിത് കെ സുരേഷ്, വിവി ചാര്ലി, മോഷന് ഡിസൈന്: ജോബിന് ജോസഫ് (പെട്രോവ ഫിലിംസ്), ട്രെയിലര്: അജ്മല് സാബു, ഡിസൈനുകള്: യെല്ലോടൂത്ത്സ്.
Read More: പുതുമുഖങ്ങള്ക്കൊപ്പം ഗുരു സോമസുന്ദരം, 'ഹയ' ട്രെയിലര്
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ