'ഞാൻ ആ ചിത്രത്തില്‍ ഇല്ല', വാര്‍ത്ത നിഷേധിച്ച് മാളവിക മോഹനൻ

സൂപ്പര്‍താരം നായകനാകുന്ന ചിത്രത്തില്‍ സെക്കൻഡ് ഹീറോയിനാകുന്നുവെന്ന വാര്‍ത്ത നിഷേധിച്ച് മാളവിക മോഹനൻ.

പവൻ കല്യാണ്‍ ചിത്രത്തില്‍ നായികയാകുന്നുവെന്ന വാര്‍ത്ത നിഷേധിച്ച് മാളവിക മോഹനൻ രംഗത്ത്. പവൻ കല്യാണിനോട് തനിക്ക് അതിരറ്റ ബഹുമാനമുണ്ടെന്നും എന്നാല്‍ 'ഉസ്‍ദാത് ഭഗത് സിംഗി'ല്‍ ഭാഗമാകുന്നില്ലെന്ന് വ്യക്തമാക്കുന്നതായും മാളവിക അറിയിച്ചു. ഒരു തെലുങ്ക് സിനിമയില് താൻ അഭിനയിക്കുന്നുണ്ടെന്നും അത് നായികയായിട്ടാണെന്നും മാളവിക വ്യക്തമാക്കി. തെലുങ്കിലെ അരങ്ങേറ്റ സിനിമയായതിനാല്‍ ആവേശഭരിതയാണ് താനെന്നും മാളവിക പറയുന്നു.

'ക്രിസ്റ്റി' എന്ന ചിത്രമാണ് മാളവിക മോഹനന്റേതായി അവസാനമായി പ്രദര്‍ശനത്തിനെത്തിയത്. നവാഗതനായ ആല്‍വിൻ ഹെൻറിയാണ് ചിത്രം സംവിധാനം ചെയ്‍തത്. ആനന്ദ് സി ചന്ദ്രൻ ആണ് ചിത്രത്തിന്റെ ഛായാഗ്രാഹണം നിര്‍വഹിച്ചിരിക്കുന്നത്. ഗോവിന്ദ് വസന്തയാണ് സംഗീത സംവിധാനം.

അക്ഷരങ്ങളുടെ 'ലോകത്തെ പ്രതിഭാധനന്മാർ എന്നു വിശേഷിപ്പിക്കാവുന്ന ബെന്യാമനും ജി ആർ ഇന്ദുഗോപനും ഒത്തുചേർന്ന് തിരക്കഥ രചിക്കുന്ന ചിത്രത്തിന്റെ പ്രഖ്യാപനം വലിയ ശ്രദ്ധയാകര്‍ഷിച്ചിരുന്നു. കഥ ആൽവിൻ ഹെൻറിയുടേത് തന്നെ. ജോയ് മാത്യു, വിനീത് വിശ്വം രാജേഷ് മാധവൻ, മുത്തുമണി, ജയാ എസ് കുറുപ്പ് , വീണാ നായർ, മഞ്ജു പത്രോസ്, സ്‍മിനു സിജോ, എന്നിവരും ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. പ്രൊഡക്ഷൻ എക്സിക്യൂട്ടീവ് പ്രദീപ് ഗോപിനാഥ്.

ഒരിടവേളയ്‍ക്ക് ശേഷം മാളവിക മോഹനൻ മലയാളത്തില്‍ അഭിനയിച്ച ചിത്രം എന്ന പ്രത്യേകതയുണ്ട്. 'പട്ടം പോലെ', 'ഗ്രേറ്റ് ഫാദർ' എന്നീ ചിത്രങ്ങൾക്കു ശേഷം മാളവികാ മോഹനൻ മലയാളത്തിൽ അഭിനയിക്കുന്ന ചിത്രമാണിത്.  കലാസംവിധാനം സുജിത് രാഘവ് ആണ്. ഗാനരചന അൻവർ അലി, വിനായക് ശശികുമാർ, മേക്കപ്പ് ഷാജി പുൽപ്പള്ളി, ചീഫ് അസ്സോസ്സിയേറ്റ് ഡയറക്ടർ ഷെല്ലി ശ്രീസ്, വിജയ് ജി എസ്, പ്രൊഡക്ഷൻ കൺട്രോളർ ദീപക് പരമേശ്വരൻ, പിആര്‍ഒ വാഴൂർ ജോസും ആണ്.