'മേഘ്‌നയുടെ ഒരു ദിവസത്തെ ഭക്ഷണം ഇത്രയും സിമ്പിൾ ആണോ?' : ഇതാണ് കഴിക്കുന്നതെന്ന് വെളിപ്പെടുത്തി നടി

ചന്ദനമഴയിലൂടെ പ്രശസ്തയായ മേഘ്‌ന വിന്‍സെന്റ് തന്റെ ഫിറ്റ്നസ് രഹസ്യം വെളിപ്പെടുത്തി. ഒരു ഷൂട്ടിങ് ദിവസത്തെ ഡയറ്റ് വിശദമാക്കുന്ന വീഡിയോയിലൂടെയാണ് താരം ഇക്കാര്യം പങ്കുവെച്ചത്.

കൊച്ചി: ചന്ദനമഴ എന്ന സീരിയലിലൂടെയാണ് മേഘ്‌ന വിന്‍സന്റ് എന്ന നടി ശ്രദ്ധിക്കപ്പെട്ടത്. ഇന്നും സോഷ്യല്‍ മീഡിയയിലെ ആ സീരിയലിലെ കഥാപാത്രങ്ങള്‍ ട്രെന്റിങ് ആണ്. ഇപ്പോള്‍ മേഘ്‌ന തിരക്കിലാണ്, ഹൃദയം എന്ന സീരിയല്‍ ചെയ്യുന്നുണ്ട്, അതിനൊപ്പം യൂട്യൂബ് ചാനലിലും സജീവമാണ്. 

അഭിനേത്രി എന്നതിനപ്പുറം നര്‍ത്തകി കൂടെയാണ്. സ്റ്റേജ് ഷോകള്‍ ചെയ്യുന്നത് കുറവാണെങ്കിലും, കിട്ടുന്ന അവസരങ്ങളിലെല്ലാം ഒട്ടും പിന്നോടട് നില്‍ക്കാറുമില്ല. ഇപ്പോള്‍ അഭിനേത്രിയും നര്‍ത്തകിയും മാത്രമല്ല, കര്‍ഷക കൂടെയാണ്. തന്റെ കൃഷിയിടത്തിലെ വിശേഷങ്ങലാണ് മേഘ്‌ന അധികവും ഇപ്പോള്‍ സോഷ്യല്‍ മീഡിയയിലൂടെ പങ്കുവയ്ക്കുന്നത്.

ഏറ്റവും പുതിയ വീഡിയോയില്‍ തന്റെ ശരീര സൗന്ദര്യം നിലനിര്‍ത്തുന്ന രഹസ്യമാണ് മേഘ്‌ന വെളിപ്പെടുത്തിയിരിക്കുന്നത്. മറ്റൊന്നുമല്ല, ഒരു ഷൂട്ടിങ് ദിവസം എന്തൊക്കെ കഴിക്കുന്നു എന്ന്. രാവിലെ ഒരു ബ്ലാക്ക് കോഫി കുടിക്കുന്നതില്‍ തുടങ്ങുന്നു നടിയുടെ റുട്ടീന്‍. അത് ഒരു എനര്‍ജി നല്‍കും എന്നാണ് പറയുന്നത്. അതിന് ശേഷം റാഗി കൂള്‍ കുടിക്കും. ഉച്ചയ്ക്ക് ചപ്പാത്തിയാണ് കഴിക്കുന്നത്.

അതിനിടയില്‍ നട്‌സ് കഴിക്കും. വൈകുന്നേരം പോപ്‌കോണും ചായയും. രാത്രി ഫ്രൂട്‌സും സലാടും കഴിച്ച്, നിറയെ വെള്ളവും കുടിച്ചാല്‍ ഒരു ദിവസത്തെ ഡയറ്റ് കഴിഞ്ഞു. ഇഷ്ടമുള്ള ഭക്ഷണങ്ങള്‍ വേറെയാണെങ്കിലും ഒരു നടിയായതുകൊണ്ടും, ശരീരത്തിന് അതാണ് നല്ലത് എന്നതുകൊണ്ടും ഈ രീതിയില്‍ തുടരുന്നു എന്നാണ് മേഘ്‌ന പറഞ്ഞത്.

പണ്ട് ഒരു സ്റ്റേജില്‍, കാറിലിരുന്ന് മേക്കപ്പിടുന്നതിനെ കുറിച്ച് പറഞ്ഞതിന്റെ പേരില്‍ ഒരുപാട് ട്രോള്‍ ചെയ്യപ്പെട്ടിട്ടുള്ള നടിയാമ് മേഘ്‌ന. അതിന്റെ പേരില്‍ കേള്‍ക്കാത്ത കളിയാക്കലുകളില്ല. പക്ഷേ പിന്നീടുള്ള അഭിമുഖങ്ങളിലും പൊതുപരിപാടി കൂടുതല്‍ ശ്രദ്ധിച്ച് സംസാരിക്കാന്‍ മേഘ്‌നയ്ക്ക് സാധിച്ചു.