Mohanlal : സ്റ്റൈലിഷ് ലുക്കില് മോഹന്ലാല്; 'ബറോസ്' ലൊക്കേഷന് ക്ലിക്ക് വൈറല്
Synopsis
12ത്ത് മാന് ആണ് മോഹന്ലാലിന്റെ അടുത്ത റിലീസ്.
കരിയറില് ഏറെ പ്രത്യേകതകളുള്ള ഒരു ചിത്രത്തിന്റെ പണിപ്പുരയിലാണ് മോഹന്ലാല് (Mohanlal) ഇപ്പോള്. സംവിധായകനായി അരങ്ങേറ്റം കുറിക്കുന്നതിനൊപ്പം ടൈറ്റില് കഥാപാത്രത്തെയും അവതരിപ്പിക്കുന്ന ബറോസ് (Barroz) ആണ് ആ ചിത്രം. 3 ഡിയില് ഒരുങ്ങുന്ന സിനിമയുടെ ഷൂട്ടിംഗ് പുരോഗമിക്കുകയാണ്. മറ്റൊരു ചിത്രത്തിലും കാണാത്ത തരത്തിലുള്ള ഗെറ്റപ്പിലാണ് മോഹന്ലാല് ബറോസ് എന്ന ഭൂതമായി എത്തുന്നത്. ബറോസ് ലൊക്കേഷനില് നിന്നുള്ള മോഹന്ലാലിന്റെ നിരവധി സ്റ്റൈലിഷ് ചിത്രങ്ങള് സോഷ്യല് മീഡിയയില് നേരത്തേ വൈറല് ആയിരുന്നു. ഇപ്പോഴിതാ അവിടെനിന്നുള്ള പുതിയൊരു ചിത്രവും അദ്ദേഹം സോഷ്യല് മീഡിയയിലൂടെ പോസ്റ്റ് ചെയ്തിരിക്കുകയാണ്.
കറുത്ത നിറത്തിലുള്ള ടീഷര്ട്ടും ഗ്രേ നിറത്തിലുള്ള ജാക്കറ്റും ഒപ്പം ഒരു തൊപ്പിയുമൊക്കെ ധരിച്ചാണ് ചിത്രത്തില് മോഹന്ലാല് ഉള്ളത്. അനീഷ് ഉപാസനയാണ് ചിത്രം പകര്ത്തിയിരിക്കുന്നത്. ഫേസ്ബുക്കില് പോസ്റ്റ് ചെയ്ത് അര മണിക്കൂറിനുള്ളില് എണ്ണായിരത്തിലേറെ ലൈക്കുകളാണ് ഈ ചിത്രത്തിന് ലഭിച്ചിരിക്കുന്നത്.
അതേസമയം മോഹന്ലാലിന്റെ അടുത്ത ചിത്രം 12ത്ത് മാനിനായുള്ള കാത്തിരിപ്പിലാണ് ആരാധകര്. ദൃശ്യം 2 നു ശേഷം മോഹന്ലാലും ജീത്തു ജോസഫും ഒരുമിക്കുന്ന 12ത്ത് മാന് ഡയറക്ട് ഒടിടി റിലീസ് ആയി മെയ് 20ന് ആണ് എത്തുക. ഡിസ്നി പ്ലസ് ഹോട്ട്സ്റ്റാര് ആണ് റിലീസിംഗ് പ്ലാറ്റ്ഫോം. മിസ്റ്ററി ത്രില്ലര് വിഭാഗത്തില് പെടുന്ന സിനിമയുടെ ഷൂട്ടിംഗ് കഴിഞ്ഞ വര്ഷം ഒക്ടോബര് ആദ്യ വാരമാണ് ആരംഭിച്ചത്. സ്വന്തം തിരക്കഥയിലല്ലാതെ ജീത്തു ജോസഫ് സംവിധാനം ചെയ്യുന്ന ആദ്യ മോഹന്ലാല് ചിത്രവുമാണ് ട്വല്ത്ത് മാന്. ടൈറ്റില് റോളിലാണ് മോഹന്ലാല് എത്തുക. നവാഗതനായ കെ ആര് കൃഷ്ണകുമാര് ആണ് ചിത്രത്തിന്റെ രചന നിര്വ്വഹിച്ചിരിക്കുന്നത്. ഉണ്ണി മുകുന്ദന്, അനുശ്രീ, അദിതി രവി, ലിയോണ ലിഷോയ്, വീണ നന്ദകുമാര്, ഷൈന് ടോം ചാക്കോ, സൈജു കുറുപ്പ്, ശാന്തി പ്രിയ, പ്രിയങ്ക നായര്, ശിവദ തുടങ്ങിയവര് പ്രധാന കഥാപാത്രങ്ങളെ അവതരിപ്പിക്കുന്നു. സതീഷ് കുറുപ്പ് ആണ് ഛായാഗ്രഹണം. ഇടുക്കിയിലെ കുളമാവ് ആയിരുന്നു ചിത്രത്തിന്റെ പ്രധാന ലൊക്കേഷന്.
ഷാജി കൈലാസിന്റെ സംവിധാനത്തിലെത്തുന്ന എലോണ്, വൈശാഖ് ചിത്രം മോണ്സ്റ്റര് എന്നിവയാണ് മോഹന്ലാലിന്റേതായി 12ത്ത് മാനിനു ശേഷം പുറത്തത്താനിരിക്കുന്ന മറ്റു രണ്ട് ചിത്രങ്ങള്. ഒടിടിക്കു വേണ്ടി ചെയ്യുന്ന സിനിമകളെന്നാണ് ഈ ചിത്രങ്ങളെക്കുറിച്ച് ആദ്യം റിപ്പോര്ട്ടുകള് എത്തിയിരുന്നതെങ്കിലും ഒടിടിയോ തിയറ്ററോ എന്ന് അന്തിമ തീരുമാനം എടുത്തിട്ടില്ലെന്നാണ് മരക്കാര് പ്രൊമോഷന് സമയത്ത് മോഹന്ലാല് പറഞ്ഞത്. അതേസമയം ആറാട്ട് ആയിരുന്നു മോഹന്ലാലിന്റെ അവസാനമെത്തിയ തിയറ്റര് റിലീസ്. ഒരിടവേളയ്ക്കു ശേഷം മോഹന്ലാല് നായകനായെത്തിയ കോമഡി ആക്ഷന് എന്റര്ടെയ്നര് ആയിരുന്നു ഈ ചിത്രം. തിയറ്റര് റിലീസിനു പിന്നാലെ ആമസോണ് പ്രൈം വീഡിയോയിലൂടെ ആയിരുന്നു ചിത്രത്തിന്റെ ഒടിടി റിലീസ്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ