ഇത് ഒറ്റക്കൊമ്പന്റെ വിളയാട്ടം; 15-ാം ദിനവും ഒരുലക്ഷത്തിൽ കുറയാതെ ബുക്കിം​ഗ്​, തുടരും മുന്നോട്ട് തന്നെ

ദിലീപ് ചിത്രം പ്രിൻസ് ആന്റ് ഫാമിലി ആറാമതാണ്. ഇരുപത്തി എട്ടായിരം ടിക്കറ്റുകളാണ് സിനിമയുടേതായി വിറ്റഴിഞ്ഞത്. 

ഓരോ ദിവസവും റെക്കോർഡുകൾ തിരുത്തി കുറിച്ച് മുന്നേറുകയാണ് മോഹൻലാൽ ചിത്രം തുടരും. ഇന്ന് മലയാളത്തിൽ ഏറ്റവും കൂടുതൽ കളക്ഷൻ നേടുന്ന ചിത്രം എന്ന നേട്ടമാണ് തുടരും സ്വന്തമാക്കിയിരിക്കുന്നത്. ആ​ഗോള തലത്തിൽ 185 കോടിയിലേറെ ചിത്രം നേടി കഴിഞ്ഞുവെന്നാണ് ട്രാക്കിം​ഗ് സൈറ്റായ സാക്നിൽക് റിപ്പോർട്ട് ചെയ്യുന്നത്. പുത്തൻ റിലീസുകൾ വന്നെങ്കിലും വരും ദിവസങ്ങളിലും തുടരും ആധിപത്യം തുടരുമെന്നാണ് ബുക്കിങ്ങിൽ നിന്നും വ്യക്തമാകുന്നത്. 

കഴിഞ്ഞ ഇരുപത്തി നാല് മണിക്കൂറിലെ(09.05.25) കണക്ക് പ്രകാരം ഒരു ലക്ഷത്തി ഇരുപത്തി ഒന്നായിരം ടിക്കറ്റുകളാണ് തുടരുമിന്റേതായി വിറ്റഴിഞ്ഞിരിക്കുന്നത്. പ്രമുഖ ബുക്കിം​ഗ് സൈറ്റായ ബുക്ക് മൈ ഷോയിലെ മാത്രം കണക്കാണിത്. തൊണ്ണൂറ്റി ഒന്നായിരം ടിക്കറ്റുകൾ വിറ്റ് ടൂറിസ്റ്റ് ഫാമിലി ആണ് രണ്ടാം സ്ഥാനത്ത്. അജയ് ദേവ് ​ഗൺ ചിത്രം റെയ്ഡ് 2, സൂര്യയുടെ റെട്രോ എന്നിവയെ പിന്നിലാക്കിയാണ് ടൂറിസ്റ്റ് ഫാമിലിയുടെ ഈ നേട്ടം. ദിലീപ് ചിത്രം പ്രിൻസ് ആന്റ് ഫാമിലി ആറാമതാണ്. ഇരുപത്തി എട്ടായിരം ടിക്കറ്റുകളാണ് സിനിമയുടേതായി വിറ്റഴിഞ്ഞത്. 

24 മണിക്കൂറിലെ ബുക്കിം​ഗ് കണക്ക് ഇങ്ങനെ

തുടരും - 121K(D15)
ടൂറിസ്റ്റ് ഫാമിലി - 91K(D9)
റെയ്ഡ് 2 - 77K(D9)
സിം​ഗിൾ - 50K(D1)
ഹിറ്റ് 3 - 29K(D9)
പ്രിൻസ് ആന്റ് ഫാമിലി - 28K(D1)
റെട്രോ - 17K(D9)
കേസരി ചാപ്റ്റർ 2 - 11K(D22)
ജഗദേക വീരുഡു അതിലോക സുന്ദരി - 16K(റി റിലീസ്)
സുഭം - 10K
പടക്കളം - 10K(D2)
സർക്കീട്ട് - 7K(D2)

ഏഷ്യാനെറ്റ് ന്യൂസ് തത്സമയ വാർത്തകൾ അറിയാം..