ഷൺമുഖാ..ഈ പോക്കിതെങ്ങോട്ടാ..; മോഹൻലാലിന് മുന്നിൽ മുട്ടുമടക്കി സൂര്യയും, അജയ് ദേവ്​ഗണും പതറി !

അജയ് ദേവ്​ഗൺ ചിത്രം റെയ്ഡ്2 ആണ് മൂന്നാം സ്ഥാനത്ത്.

മലയാള സിനിമയിൽ വൻ തേരോട്ടം സൃഷ്ടിച്ചിരിക്കുകയാണ് 'തുടരും'. മോഹൻലാൽ- തരുൺ മൂർത്തി കോമ്പോയിലെത്തിയ ചിത്രം പത്ത് ദിവസം പിന്നിടുന്നതിന് മുൻപ് തന്നെ 100 കോടി ക്ലബ്ബിലടക്കം ഇടം നേടി മുന്നേറുകയാണ്. തുടരുവിനൊപ്പം തന്നെ സൂര്യ ചിത്രം റെട്രോ നാനി പടം ഹിറ്റ് 3 തുടങ്ങിയവയും തിയറ്ററുകളിലുണ്ട്. ഇവ പുത്തൻ റിലീസുകളാണെങ്കിൽ കൂടിയും റിലീസ് ചെയ്ത് ഒൻപത് ദിവസമായ തുടരും അവയെ മറികടന്നിരിക്കുകയാണ്. ടിക്കറ്റ് ബുക്കിം​ഗ് കണക്കാണിത്. 

പ്രമുഖ ടിക്കറ്റ് ബുക്കിം​ഗ് സൈറ്റായ ബുക്ക് മൈ ഷോയുടെ റിപ്പോർട്ടാണ് പുറത്തുവന്നിരിക്കുന്നത്. കഴിഞ്ഞ ഇരുപത്തി നാല് മണിക്കൂറിലെ ബുക്കിങ്ങിൽ ഒന്നാമതുള്ളത് 'തുടരും' ആണ്. രണ്ട് ലക്ഷത്തി പതിനേഴായിരം ടിക്കറ്റുകളാണ് തുടരുവിന്റേതായി വിറ്റ് പോയത്. അതും റിലീസ് ചെയ്ത് 8 ദിവസത്തിലാണെന്നത് ഏറെ ശ്രദ്ധേയമാണ്. രണ്ടാമത് നാനി നായകനായ 'ഹിറ്റ് 3' ആണ്. രണ്ട് ലക്ഷത്തി ഏഴായിരം ആണ് പടത്തിന്റേതായി വിറ്റ് പോയത്. അജയ് ദേവ്​ഗൺ ചിത്രം റെയ്ഡ്2 ആണ് മൂന്നാം സ്ഥാനത്ത്. സൂര്യയുടെ 'റെട്രോ' നാലാം സ്ഥാനത്താണ്. സൗത്ത് ഇന്ത്യന്‍ ബോക്സ് ഓഫീസ് ആണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്. 

24 മണിക്കൂറിലെ ബുക്ക് മൈ ഷോ കണക്കുകൾ(02.05.25)

തുടരും - 217K (8 ദിവസം)
ഹിറ്റ് 3 - 207K (2 ദിവസം)
റെയ്ഡ് 2 - 200K (2 ദിവസം)
റെട്രോ - 117K (2 ദിവസം)
ടൂറിസ്റ്റ് ഫാമിലി - 64K (2 ദിവസം)
തണ്ടർബോൾട്ട് - 44K (2 ദിവസം)
കേസറി ചാപ്റ്റർ 2 - 29K (15 ദിവസം)
ദ ഭൂതിനി - 8K (2 ദിവസം)

ഏഷ്യാനെറ്റ് ന്യൂസ് തത്സമയ വാർത്തകൾ അറിയാം..