'വൃഷഭ'യില് മോഹൻലാലിനൊപ്പം സിമ്രാനും, മറ്റ് താരങ്ങള് ഇവര്
Synopsis
മോഹൻലാല് നായകനായെത്തുന്ന പാൻ ഇന്ത്യൻ ചിത്രമാണ് 'വൃഷഭ'.
മോഹൻലാല് നായകനാകുന്ന പാൻ ഇന്ത്യൻ ചിത്രം 'വൃഷഭ' ആരാധകര് ആകാംക്ഷയോടെ കാത്തിരിക്കുന്ന ഒന്നാണ്. നന്ദ കിഷോറാണ് ചിത്രത്തിന്റെ സംവിധാനം. ആക്ഷനും ഇമോഷണും ചേര്ന്ന ബഹുഭാഷ ചിത്രമായിരിക്കും ഇത് എന്ന് മോഹൻലാല് തന്നെ നേരത്തെ വ്യക്തമാക്കിയിരുന്നു. സിമ്രാനും മോഹൻലാലിനൊപ്പം ചിത്രത്തില് പ്രധാന കഥാപാത്രമായി ഉണ്ടാകുമെന്നാണ് പുതിയ റിപ്പോര്ട്ട്.
മകനും അച്ഛനും തമ്മിലുള്ള ബന്ധമാണ് ചിത്രത്തില് പ്രമേയമാകുകയെന്ന് നേരത്തെ റിപ്പോര്ട്ടുകളുണ്ട്. റോഷൻ മേക്കയാകും മോഹൻലാലിന്റെ മകൻ കഥാപാത്രമായി എത്തുക. സഹ്റ എസ് ഖാന് നായികയായുണ്ടാകും. ദേവിശ്രീ പ്രസാദാണ് സംഗീതം സംവിധാനം.
'മലൈക്കോട്ടൈ വാലിബൻ' എന്ന പുതിയ ചിത്രമാണ് മോഹൻലാല് നായകനായി പ്രദര്ശനത്തിന് ഒരുങ്ങിക്കൊണ്ടിരിക്കുന്നത്. ലിജോ ജോസ് പെല്ലിശ്ശേരിയാണ് ചിത്രം സംവിധാനം ചെയ്യുന്നത് എന്നതിനാല് ആരാധകര് കാത്തിരിക്കുന്നതാണ് 'മലൈക്കോട്ടൈ വാലിബൻ'. ഏറ്റവും ചര്ച്ചയായി മാറിയ ഒരു സിനിമാ പ്രഖ്യാപനമായിരുന്നു ലിജോ ജോസ് പെല്ലിശ്ശേരിയുടെ സംവിധാനത്തില് മോഹൻലാല് നായകനായി അഭിനയിക്കുന്നുവെന്നത്. രാജസ്ഥാനിലാണ് മോഹൻലാല് ചിത്രത്തിന്റെ ആദ്യ ഷെഡ്യൂള് ചിത്രീകരണം.
'സ്ഫടിക'മാണ് മോഹൻലാലിന്റേതായി ഒടുവില് റിലീസായത്. മോഹൻലാലിന്റെ എക്കാലത്തെയും ഹിറ്റ് ചിത്രങ്ങളില് ഒന്നായ 'സ്ഫടികം' റീ മാസ്റ്റര് ചെയ്ത് വീണ്ടും റിലീസ് ചെയ്യുകയായിരുന്നു. പുതിയ സാങ്കേതിക സാധ്യതകള് പരമാവധി ഉപയോഗപ്പെടുത്തി, സംഭാഷണത്തിലും കഥാഗതിയിലും മാറ്റങ്ങള് വരുത്താതെ സിനിമ പുനര്നിര്മിച്ചായിരുന്നു റീ റിലീസ് ചെയ്തത്. ഭദ്രൻ ആണ് ചിത്രത്തിന്റെ സംവിധാനം. 'ആടു തോമ' എന്ന കഥാപാത്രമായിട്ടായിരുന്നു മോഹൻലാല് ചിത്രത്തില് അഭിനയിച്ചു. തിലകനും കെപിഎസി ലളിതയുമായിരുന്നു ചിത്രത്തില് മോഹൻലാലിന്റെ അച്ഛനും അമ്മയുമായി അഭിനയിച്ചത്. റീ റിലീസിലും ഭദ്രന്റെ മോഹൻലാല് ചിത്രം ഒരു ചരിത്രമായിരിക്കുകയാണ് എന്നാണ് റിപ്പോര്ട്ടുകള്.
Read More: സുധീര് പറവൂരിന്റെ 'ക്ലിഞ്ഞോ പ്ലിഞ്ഞോ'യ്ക്ക് സുരേഷ് ഗോപിയുടെ മിമിക്രി- വീഡിയോ
'ഉള്ളിൽ ദേഷ്യം വച്ച് ആരെയും കെട്ടിപ്പിടിക്കാൻ എനിക്ക് പറ്റില്ല', ശോഭ വിശ്വനാഥ്