ജനപ്രീതിയില്‍ രണ്ടാമത് തെന്നിന്ത്യൻ നടി, താരങ്ങളില്‍ ഒന്നാമത് ആ ഹിറ്റ് നായിക

ഇന്ത്യൻ നായികമാരില്‍ ജനപ്രീതിയില്‍ മുന്നിലുള്ളവര്‍.

ജനപ്രീതിയില്‍ ഒന്നാം സ്ഥാനത്ത് തിരിച്ചെത്തി ബോളിവുഡ് നടി ആലിയ ഭട്ട് ശ്രദ്ധയാകര്‍ഷിക്കുന്നു. ഏപ്രില്‍ മാസത്തില്‍ ജനപ്രീതി നേടിയ താരങ്ങളിലാണ് ആലിയ ഭട്ട് ഒന്നാമത് എത്തിയത്. മാര്‍ച്ചില്‍ രണ്ടാമതായിരുന്നു ആലിയ ഭട്ട്. ഓര്‍മാക്സ് മീഡിയ പുറത്തുവിട്ട ഇന്ത്യൻ താരങ്ങളുടെ പട്ടികയിലാണ് ആലിയ ഭട്ട് ഒന്നാമതെത്തിയത്.

മാര്‍ച്ചില്‍ ഒന്നാമതുണ്ടായിരുന്ന സാമന്ത രണ്ടാമതായി. മൂന്നാം സ്ഥാനം മുൻനിര നായിക താരമായ ദീപീക പദുക്കോണ്‍ മാര്‍ച്ചിലും നിലനിര്‍ത്തിയിട്ടുണ്ട്. പ്രഭാസിന്റെ കല്‍ക്കി 2898 എഡി സിനിമയിലടക്കം നായികയായ ദീപിക പദുക്കോണിന് നിരന്തരം വാര്‍ത്തകളില്‍ നിറഞ്ഞുനില്‍ക്കാൻ സാധിക്കാറുണ്ടെന്നതും അനുകൂലമായി. നാലാം സ്ഥാനത്ത് രശ്‍മിക മന്ദാനയാണ് താരങ്ങളുടെ പട്ടികയില്‍ ഉള്ളത് എന്നാണ് വ്യക്തമാകുന്നത്

ബോളിവുഡില്‍ നിന്നും തെന്നിന്ത്യയില്‍ നിന്നുള്ള താരങ്ങള്‍ ജനപ്രീതിയില്‍ കടുത്ത മത്സരം നടത്തുന്നുവെന്നതാണ് സിനിമാ ലോകത്ത് കാണാൻ സാധിക്കുന്നത്. ബോളിവുഡില്‍ നിരവധി തെന്നിന്ത്യൻ സിനിമാ താരങ്ങള്‍ നായികമാരാകുകയും വൻ ഹിറ്റുകള്‍ നേടുന്നുമുണ്ട്. രാജ്യമൊട്ടാകെ പ്രേക്ഷകരെ ആകര്‍ഷിക്കാൻ തെന്നിന്ത്യൻ താരങ്ങള്‍ക്ക് ആകുന്നുവെന്നതാണ് സമീപകാലത്ത് ബോക്സ് ഓഫീസ് കളക്ഷനില്‍ മുന്നിലെത്തുന്ന ഹിറ്റുകള്‍ വ്യക്തമാക്കുന്നു. ഭാഷാതിര്‍ത്തികള്‍ മറികടന്ന് നായികമാര്‍ ബോളിവുഡ് സിനിമകളിലടക്കം വൻ മുന്നേറ്റം നടത്തുന്നത് എന്ന് താരങ്ങളുടെ പട്ടികയില്‍ നിന്ന് വ്യക്തം.

രശ്‍മികയ്‍ക്ക് തൊട്ടുപിന്നില്‍ കാജല്‍ അഗര്‍വാളാണ്. എന്നാല്‍ ആറാമത് എത്തിയ നായികാ താരം കൃതി സനോണാണ് എന്നാണ് വ്യക്തമാകുന്നത്. ഏഴാമത് കത്രീന കൈഫും തൊട്ടുപിന്നിലുള്ള  താരമായി കൈറ അദ്വാനിയും എത്തിയത് തെന്നിന്ത്യൻ സിനിമയ്‍ക്ക് ആകെ അഭിമാനിക്കാവുന്ന വസ്‍തുതയാണ്. ഒമ്പതാം സ്ഥാനത്ത് തെന്നിന്ത്യയുടെ പ്രിയ താരം ശ്രീലീലയ്‍ക്ക് മുന്നേറാൻ സാധിച്ച സാഹചര്യത്തില്‍ പത്താമത് നയൻതാരയാണ് ഉള്ളത്.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക