സ്വന്തം മക്കളുടെ കാലിൽ ഒരു മുള്ളു കൊണ്ടാൽ ഇവർ സഹിക്കുമോ എന്നാണ് തന്റെ ഫേസ്ബുക്ക് കുറിപ്പിലൂടെ നാദിർഷാ ചോദിക്കുന്നത്.
തിരുവനന്തപുരം: ക്ലാസ് മുറിക്കുള്ളിൽ നിന്ന് പാമ്പുകടിയേറ്റ് മരിച്ച ഷെഹ്ലയുടെ മരണത്തിൽ പ്രതിഷേധക്കുറിപ്പുമായി നടൻ നാദിർഷാ. സ്വന്തം മക്കളുടെ കാലിൽ ഒരു മുള്ളു കൊണ്ടാൽ ഇവർ സഹിക്കുമോ എന്നാണ് തന്റെ ഫേസ്ബുക്ക് കുറിപ്പിലൂടെ നാദിർഷാ ചോദിക്കുന്നത്. പാമ്പ് കടിയേറ്റെന്ന് കുട്ടി പറഞ്ഞിട്ടും ആശുപത്രിയിൽ കൊണ്ടുപോകാൻ അധ്യാപകർ വിസമ്മതിക്കുകയായിരുന്നു. കേരളമെങ്ങും ഷെഹ്ലയുടെ മരണത്തിൽ പ്രതിഷേധമിരമ്പുകയാണ്.
നാദിർഷായുടെ ഫേസ്ബുക്ക് കുറിപ്പിന്റെ പൂർണ്ണരൂപം:
അവൾക്ക് കിട്ടാത്ത എന്ത് കരുണയാണ് നമ്മൾ വിദ്യാഭ്യാസത്തിലൂടെ ആർജ്ജിക്കുന്നത്? സ്വന്തം മക്കളുടെ കാലിൽ ഒരു മുള്ളു കൊണ്ടാൽ ഇവർ സഹിക്കുമോ? ഒരുപാട് സങ്കടം. സോഷ്യൽ മീഡിയയിൽ പുതിയ വാർത്തകളും കേസുകളും വരും. വരുന്നവയൊക്കെ പെട്ടെന്ന് അപ്രത്യക്ഷമാകുന്നത് പോലെ ഈ വാർത്തയും കുറച്ചു കഴിയുമ്പോൾ അപ്രത്യക്ഷമാകും...മറക്കും. പക്ഷെ ആ കുഞ്ഞിനെ ബാപ്പ വരുന്നതുവരെ കാത്തിരുത്തിയ ആ മണിക്കൂർ ഉണ്ടല്ലോ..? അതിന് കണക്ക് പറഞ്ഞേ നീയൊക്കെ ഈ ഭൂമി വിടൂ. ദേഷ്യം.