നാനിയും വിജയ് ദേവെരകൊണ്ടയും ഒന്നിക്കുമോ?, മള്‍ട്ടി സ്റ്റാര്‍ ചിത്രമൊരുക്കാൻ 'സീതാ രാമം' സംവിധായകൻ

'സീതാ രാമം' സംവിധായകന്റെ പുതിയ സിനിമയെ കുറിച്ചുള്ള അപ്‍ഡേറ്റ്.

ദുല്‍ഖര്‍ നായകനായ 'സീതാ രാമം' വിൻ ഹിറ്റായി മാറിയിരിക്കുകയാണ്. ചിത്രത്തിന്റെ സംവിധായകൻ ഹനു രാഘവപുഡി രാജ്യത്തെ സിനിമ പ്രേക്ഷകരുടെ ശ്രദ്ധ നേടിയിരിക്കുകയാണ്. ഹനു രാഘവപുഡിയുടെ അടുത്ത സിനിമയ്‍ക്കായി കാത്തിരിക്കുകയുമാണ് പ്രേക്ഷകര്‍. ഒരു മള്‍ട്ടി സ്റ്റാര്‍ ചിത്രമായിരിക്കും ഹനു രാഘവപുഡി ഇനി ഒരുക്കുക എന്നാണ് റിപ്പോര്‍ട്ട്.

ടോളിവുഡ് സൂപ്പര്‍ താരങ്ങളായ നാനി, വിജയ് ദേവെരകൊണ്ട എന്നിവരെ നായകരാക്കി സിനിമ ഒരുക്കാനാണ് ഹനു രാഘവപുഡിയുടെ ആലോചനയെന്നാണ് റിപ്പോര്‍ട്ട്. ഇക്കാര്യത്തില്‍ ഔദ്യോഗിക തീരുമാനമായിട്ടില്ല. നാനിയും വിജയ് ദേവെരകൊണ്ടയും ഒന്നിക്കുമ്പോള്‍ അത് സൂപ്പര്‍ ഹിറ്റില്‍ കുറഞ്ഞൊന്നും ആയിരിക്കില്ല എന്ന് ആരാധകര്‍ക്കറിയാം. അതുകൊണ്ടു തന്നെ ഈ വാര്‍ത്ത പ്രചരിക്കുന്നത് ആരാധകരെ ആവേശത്തിലാക്കിയിട്ടുണ്ട്.

നാനി 'ദസറ' എന്ന സിനിമയുടെ തിരക്കിലാണ് ഇപ്പോള്‍. ശ്രീകാന്ത ഒഡേലയാണ് ചിത്രം സംവിധാനം ചെയ്യുന്നത്. സുധാകര്‍ ചെറുകുറിയാണ് ചിത്രം നിര്‍മിക്കുന്നത്. എസ്‍എല്‍വി സിനിമാസിന്റെ ബാനറിലാണ് നിര്‍മാണം.  സന്തോഷ് നാരായണനാണ് ചിത്രത്തിന്റെ സംഗീത സംവിധായകൻ. നവിൻ നൂലി ചിത്രത്തിന്റെ ചിത്രസംയോജനം നിര്‍വഹിക്കുന്നു. കീര്‍ത്തി സുരേഷാണ് ചിത്രത്തില്‍ നായികയായി എത്തുന്നത്. അവിനാശ് കൊല്ലയാണ് ചിത്രത്തിന്റെ ആര്‍ട്, സത്യൻ സൂര്യൻ ഐഎസ്‍സി ഛായാഗ്രാഹണം നിര്‍വഹിക്കുന്നു.

'ലൈഗര്‍' എന്ന ചിത്രമാണ് വിജയ് ദേവെരകൊണ്ടയുടേതായി ഇനി റിലീസ് ചെയ്യാനുള്ളത്. ബോക്സിംഗ് ഇതിഹാസം മൈക്ക് ടൈസണും ചിത്രത്തില്‍ അഭിനയിക്കുന്നു. യുഎ സര്‍ട്ടിഫിക്കറ്റാണ് 'ലൈഗര്‍' എന്ന ചിത്രത്തിന് ലഭിച്ചിരിക്കുന്നത്. രണ്ട് മണിക്കൂറും 20 മിനുട്ടുമുള്ള ചിത്രത്തില്‍ ആറ് പാട്ടുകളും ഏഴ് ആക്ഷൻ രംഗങ്ങളുമുണ്ട് എന്നാണ് റിപ്പോര്‍ട്ട്. ലാസ് വെഗാസിലെ 'മിക്സഡ് മാര്‍ഷല്‍ ആര്‍ട്‍സ്' (എംഎംഎ) ചാമ്പ്യനാകാൻ നടത്തുന്ന ശ്രമങ്ങളുടെ ശ്രമങ്ങളാണ് ചിത്രത്തില്‍ പറയുന്നത്. പുരി ജഗന്നാഥ് ആണ് ചിത്രം സംവിധാനം ചെയ്യുന്നത്. യുഎസിലായിരുന്നു 'ലൈഗര്‍' എന്ന ചിത്രത്തിന്റെ ചില രംഗങ്ങള്‍ ചിത്രീകരിച്ചത്. ചിത്രത്തിന്റേതായി ഇതിനകം തന്നെ പുറത്തുവന്ന ഗാനങ്ങള്‍ ശ്രദ്ധ നേടിയിരുന്നു.

വിജയ് ദേവരകൊണ്ട നായകനാകുന്ന ചിത്രം കൊവിഡ് കാരണായിരുന്നു പൂര്‍ത്തിയാകാൻ വൈകിയത്. ഓഗസ്റ്റ് 25ന് ആണ് ചിത്രം പ്രദര്‍ശനത്തിന് എത്തുക. തിയറ്ററുകളില്‍ തന്നെയാണ് 'ലൈഗര്‍ എന്ന ചിത്രം പ്രദര്‍ശനത്തിനെത്തുക. മണി ശര്‍മയാണ് ചിത്രത്തിന്റെ സംഗീത സംവിധാനം നിര്‍വഹിക്കുന്നത്. യാഷ് രാജ് ഫിലിംസാണ് ചിത്രത്തിന്റെ വിതരണം.

മിക്സഡ് മാർഷ്യൽ ആർട്‍സ് താരമായാണ് വിജയ് ദേവെരകൊണ്ട 'ലൈഗറില്‍' വേഷമിടുന്നത്. 'ലൈഗര്‍' എന്ന ചിത്രം ഹിന്ദി, തെലുങ്ക് ഭാഷകളിലാണ് 'ലൈഗര്‍' എന്ന ചിത്രം  പ്രദര്‍ശനത്തിന് എത്തുക. തമിഴിലും കന്നഡയിലും മലയാളത്തിലും ചിത്രം മൊഴിമാറ്റിയും പ്രദര്‍ശനത്തിന് എത്തും. അനന്യ പാണ്ഡെ ആണ് ചിത്രത്തില്‍ നായികയായി എത്തുക. വിജയ് ദേവെരകൊണ്ടയ്‍ക്ക് ഏറെ പ്രതീക്ഷയുള്ള ഒരു ചിത്രമാണ് 'ലൈഗര്‍' ‍.  സംവിധാകൻ പുരി ജഗനാഥ് തന്നെയാണ് ചിത്രത്തിന്റെ തിരക്കഥ എഴുതുന്നതും.