'തുറമുഖത്തില് എന്റേത് ആന്റി ഹീറോ കഥാപാത്രം, നായകന് അര്ജുന് അശോകന്': നിവിന് പോളി
Synopsis
ഇറങ്ങാതിരുന്ന സിനിമ അവസാന നിമിഷത്തില് ലിസ്റ്റിനാണ് ഏറ്റെടുത്തത്. ലിസ്റ്റിന് ഈ പടം കണ്ട് ഇഷ്ടപ്പെട്ടിരുന്നുവെന്നും നിവിന് പോളി.
'തുറമുഖ'ത്തില് താന് അവതരിപ്പിക്കുന്നത് ആന്റി ഹീറോ കഥാപാത്രമാണെന്ന് നടന് നിവിന് പോളി. ചിത്രത്തില് നായക കഥാപാത്രത്തെ അവതരിപ്പിക്കുന്നത് അര്ജുന് അശോകനാണെന്നും നിവിന് പോളി പറഞ്ഞു. തുറമുഖം മനോഹരമായ ഒരു എക്സ്പീരിയന്സ് ആയിരുന്നുവെന്നും ഇതൊരു രാജീവ് രവി ചിത്രമാണെന്നും നിവിന് പോളി പറഞ്ഞു. ചിത്രത്തിന്റെ പ്രമോഷന്റെ ഭാഗമായി നടന്ന പ്രസ് മീറ്റിൽ ആയിരുന്നു നടന്റെ പ്രതികരണം.
തുറമുഖത്തിന്റെ റിലീസ് വൈകിയതുമായി ബന്ധപ്പെട്ടും നിവിന് പോളി പ്രതികരിച്ചു. നിര്മാതാവിന്റെ പ്രശ്നങ്ങളാണ് സിനിമ വൈകാന് കാരണമെന്നാണ് നിവിന് പറഞ്ഞത്. തുറമുഖം ഇത്ര പ്രശ്നത്തിലേക്ക് പോകേണ്ട സിനിമയായിരുന്നില്ല. അതിലേക്ക് വലിച്ചിഴച്ചവര് അതിന് ഉത്തരം പറയേണ്ടതാണ്. സംവിധായകന് രാജീവ് രവിയായാലും സ്വപ്ന പദ്ധതിയായി ചെയ്ത ചിത്രമായിരുന്നു. ഇത്തരം ഒരു വലിയ സിനിമ ഏറ്റെടുക്കുമ്പോള് അതിനോട് മാന്യത കാണിക്കേണ്ടതായിരുന്നുവെന്നും നിവിന് പറഞ്ഞു.
ഇറങ്ങാതിരുന്ന സിനിമ അവസാന നിമിഷത്തില് ലിസ്റ്റിനാണ് ഏറ്റെടുത്തത്. ലിസ്റ്റിന് ഈ പടം കണ്ട് ഇഷ്ടപ്പെട്ടിരുന്നു. ഒരുഘട്ടത്തില് താന് ഈ പടം റിലീസ് ചെയ്യാന് ശ്രമിച്ചിരുന്നു. എന്നാല് ഇതിന്റെ സാമ്പത്തിക ബാധ്യത മുഴുവന് ഏറ്റെടുത്താല് സമ്മതിക്കാം എന്നാണ് നിര്മാതാവ് പറഞ്ഞത്. അന്ന് കോടികളുടെ ബാധ്യത തലയില് വയ്ക്കാന് തനിക്ക് കഴിയില്ലായിരുന്നു. അതാണ് വൈകാൻ കാരണമായതെന്നും നിവിന് കൂട്ടിച്ചേര്ത്തു.
നിവിന് പോളിക്ക് പുറമേ ജോജു ജോര്ജ്, ഇന്ദ്രജിത് സുകുമാരന്, നിമിഷ സജയന്, പൂര്ണിമ ഇന്ദ്രജിത്ത്, അര്ജുന് അശോകന്, ദര്ശന രാജേന്ദ്രന്, സുദേവ് നായര്, മണികണ്ഠന് ആചാരി, ശെന്തില് കൃഷ്ണ, സന്തോഷ് കീഴാറ്റൂര് തുടങ്ങിയവരാണ് ചിത്രത്തില് അണിനിരക്കുന്നത്. രാജീവ് രവി തന്നെയാണ് ചിത്രത്തിന്റെ ഛായാഗ്രഹണവും നിര്വ്വഹിച്ചിരിക്കുന്നത്.
തുറമുഖത്തിന് തിരക്കഥയും സംഭാഷണവും എഴുതിയിരിക്കുന്നത് ഗോപന് ചിദംബരനാണ്. എഡിറ്റര് - ബി. അജിത്കുമാര്, കലാസംവിധാനം - ഗോകുല് ദാസ്, സംഗീതം - ഷഹബാസ് അമന് & കെ. തെക്കേപ്പാട്ട് ഫിലിംസിന്റെയും ക്വീന് മേരി സിനിമാസിന്റെ ബാനറില് സുകുമാര് തെക്കേപ്പാട്ട് നിര്മ്മിക്കുന്ന ചിത്രത്തില് ജോസ് തോമസ് സഹനിര്മാതാവാണ്. എഡിറ്റിങ് -ബി. അജിത്കുമാര്, കലാസംവിധാനം -ഗോകുല് ദാസ്, സംഗീതം -കെ. ഷഹബാസ് അമന്. ഡിസൈന് - ഓള്ഡ്മങ്ക്സ്, ഡിസ്ട്രിബൂഷന് ലീഡ് - ബബിന് ബാബു, ഓണ്ലൈന് പ്രൊമോഷന് - അനൂപ് സുന്ദരന്, പി ആര്ഒ- എ എസ് ദിനേശ്, ആതിര, മാര്ക്കറ്റിങ് പ്ലാന് - ബിനു ബ്രിങ്ഫോര്ത്ത്.
'ഹിന്ദി ബിഗ് ബോസിൽ ക്ഷണം വന്നു, എന്റെ പെണ്ണിനെ പ്രൊട്ടക്ട് ചെയ്യേണ്ടത് എന്റെ ഉത്തരവാദിത്വം'; റോബിൻ
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ