കേന്ദ്ര കഥാപാത്രമായി മെക്കാര്‍ട്ടിന്‍; 'പന്തം' ചിത്രീകരണം ആരംഭിച്ചു

ചിത്രീകരണം നിലമ്പൂര്‍ വഴിക്കടവില്‍ തുടങ്ങി

പ്രശസ്ത സംവിധായകനും മാക്ട സംഘടനയുടെ ചെയര്‍മാനുമായ മെക്കാര്‍ട്ടിന്‍ കേന്ദ്ര കഥാപാത്രത്തെ അവതരിപ്പിക്കുന്ന പന്തം എന്ന സിനിമയുടെ ചിത്രീകരണം ആരംഭിച്ചു. നിലമ്പൂര്‍ വഴിക്കടവിലാണ് ഷൂട്ടിംഗിന് തുടക്കമായത്. വെള്ളിത്തിര പ്രൊഡക്ഷൻസിന്റെ ബാനറിൽ അൽത്താഫ്‌ പി ടിയും റൂമ ഫിലിം ഫാക്ടറിയുടെ ബാനറിൽ റൂമ വി എസും ചേര്‍ന്ന് നിര്‍മ്മിക്കുന്ന സിനിമയുടെ സംവിധാനം അജു അജീഷ്‌ ആണ്.

മെക്കാർട്ടിനെ കൂടാതെ പുതുമുഖങ്ങളായ വിഷ്ണു മുകുന്ദൻ, നീതു മായ എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. കൂടാതെ നിരവധി പുതുമുഖങ്ങളും ചിത്രത്തിൽ  അഭിനയിക്കുന്നുണ്ട്. പ്യാലി, ത്രയം, ഹയ എന്നീ സിനിമകളുടെ ചായാഗ്രാഹകൻ ജിജു സണ്ണിയാണ്  പന്തത്തിനു വേണ്ടി ക്യാമറ ചലിപ്പിക്കുന്നത്. രചന അജു അജീഷ്‌, ഷിനോജ്‌ ഈനിക്കൽ, അഡീഷണൽ സ്ക്രീൻപ്ലേ ഗോപിക കെ ദാസ്‌, സംഗീതം, പശ്ചാത്തല സംഗീതം എബിൻ സാഗർ, ഗാനരചന അനീഷ്‌ കൊല്ലോളി, സുധി മറ്റത്തൂർ, കലാ സംവിധാനം സുബൈർ പാങ്ങ്, സൗണ്ട് ഡിസൈനർ റോംലിൻ മലിച്ചേരി, റീ-റെക്കോർഡിങ്ങ് മിക്സ് ഔസേപ്പച്ചൻ വാഴക്കാല, അസോസിയേറ്റ് ഡയറക്ടർ മുർഷിദ് അസീസ്, മേക്കപ്പ് ജോഷി ജോസ്, വിജേഷ് കൃഷ്ണൻ, വസ്ത്രാലങ്കാരം ശ്രീരാഖി, കാസ്റ്റിംഗ് ഡയറക്ടർ സൂപ്പർ ഷിബു, കൊറിയോഗ്രാഫി കനലി, അസോസിയേറ്റ് എഡിറ്റർ വിപിൻ നീൽ, അസിസ്റ്റന്റ് ഡയറക്റ്റേഴ്സ് വൈഷ്ണവ് എസ് ബാബു, വിഷ്ണു വസന്ത, ആദിൽ തുളുവത്ത്, ഉമർ ഷാറൂഖ്, ടൈറ്റിൽ അനിമേഷൻ വിജിത് കെ ബാബു, സ്റ്റിൽസ് യൂനുസ് ഡാക്‌സോ, വി പി ഇർഷാദ്, പി ആർ ഒ മഞ്ജു ഗോപിനാഥ്, പബ്ലിസിറ്റി ഡിസൈൻ ഗോകുൽ എ ഗോപിനാഥൻ.