ജഗദീഷ്, മുകേഷ്, സിദ്ദിഖ്, അശോകന്‍ വീണ്ടും ഒന്നിക്കുന്ന ചിത്രം; 'പാതിരാ കുറുക്കൻ' ഡിസംബർ 11ന്

Published : Nov 16, 2026, 12:09 PM IST
pathira kurukkan malayalam movie to be released on december 11

Synopsis

മലയാള സിനിമയിലെ പ്രിയതാരങ്ങളായ ജഗദീഷ്, മുകേഷ്, സിദ്ദിഖ്, അശോകൻ എന്നിവർ 16 വർഷങ്ങൾക്ക് ശേഷം ഒന്നിക്കുന്ന ചിത്രം

മലയാള സിനിമയിലെ ഹാസ്യത്തിന്റെ സുവർണ്ണകാലത്തെ ഓർമ്മിപ്പിക്കുന്ന താരസംഗമവുമായി 'പാതിരാ കുറുക്കൻ' ഡിസംബർ 11ന് തിയറ്ററുകളിലെത്തുന്നു. പ്രേക്ഷകരെ ഏറെ പൊട്ടിച്ചിരിപ്പിച്ച ജഗദീഷ്, മുകേഷ്, സിദ്ദിഖ്, അശോകൻ എന്നീ പ്രിയതാരങ്ങൾ പതിനാറ് വർഷങ്ങൾക്ക് ശേഷം വീണ്ടും പ്രധാന വേഷങ്ങളിൽ ഒന്നിക്കുന്നു എന്നതാണ് ഈ ചിത്രത്തിന്റെ പ്രധാന ആകർഷണം. അപ്പായ് സിനിമാസിന്റെ ബാനറിൽ സിജോ ജോർജ്ജ് നിർമ്മിക്കുന്ന പാതിരാ കുറുക്കൻ നവാഗതനായ ജയേഷ് വേണുഗോപാൽ സംവിധാനം ചെയ്യുന്നു. കുടുംബ പ്രേക്ഷകർക്ക് ഒരുപോലെ ആസ്വദിക്കാവുന്ന രീതിയിൽ നർമ്മവും രസകരമായ മുഹൂർത്തങ്ങളും കോർത്തിണക്കിയാണ് ചിത്രം ഒരുക്കിയിരിക്കുന്നത്.

ജഗദീഷ്, മുകേഷ്, സിദ്ദിഖ്, അശോകൻ എന്നിവർക്കൊപ്പം ഇന്ദ്രൻസ്, നിർമ്മൽ പാലാഴി, വിനീത് തട്ടിൽ, റിയാസ് നർമ്മകല, സുധീർ പറവൂർ, കുട്ടി അഖിൽ, അനീഷ് ഗോപാൽ, ടെസ്സ ജോസഫ്, അജയൻ മാടയ്ക്കൽ തുടങ്ങിയവരും ഈ ചിത്രത്തിൽ അഭിനയിക്കുന്നു. കൂടാതെ സോഷ്യൽ മീഡിയ ഇൻഫ്ലുവൻസർമാരായ അശ്വിത– അശ്വിജ എന്നിവരും ശ്രദ്ധേയമായ കഥാപാത്രങ്ങളെ അവതരിപ്പിക്കുന്നു. ജഗദീഷ്, മുകേഷ്, സിദ്ദിഖ്, അശോകൻ എന്നിവർ ആദ്യമായി ഒരുമിച്ച് ഒരു ഗാനം ആലപിക്കുന്നു എന്നതും ചിത്രത്തിന്റെ മറ്റൊരു സവിശേഷതയാണ്.

സുനിൽ കർമ്മ, നിഖിൽ ജിനൻ എന്നിവർ ചേർന്ന് തിരക്കഥ, സംഭാഷണം എഴുതുന്നു. ഛായാഗ്രഹണം സെൽവകുമാർ എസ്, സംഗീതം ഗോപി സുന്ദർ, എഡിറ്റിംഗ് അതുൽ വിജയ്, പ്രൊഡക്ഷൻ കൺട്രോളർ മൻസൂർ വെട്ടത്തൂർ, പ്രോജക്ട് ഡിസൈനർ ഷിംന ബി, കലാസംവിധാനം ത്യാഗു തവനൂർ, മേക്കപ്പ് രാജേഷ് നെന്മാറ, വസ്ത്രാലങ്കാരം സുകേഷ് താനൂർ, പിആർഒ എ എസ് ദിനേശ്, മനു ശിവൻ.

PREV

സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ

Read more Articles on
click me!

Recommended Stories

പതിനൊന്ന് ദിവസം കൊണ്ട് 1,384.50 കോടി, ആഗോള ബോക്സ് ഓഫീസില്‍ വൻ കുതിപ്പുമായി രാമായണ
സൂര്യ- ജിത്തു മാധവൻ ചിത്രം സീൻ മുന്നേറുന്നു; ബോക്സ് ഓഫീസിൽ ഇതുവരെ നേടിയത്