Radhe Shyam : പ്രണയദിന സമ്മാനവുമായി പ്രഭാസ്, 'രാധേ ശ്യാം' വീഡിയോ
Synopsis
'രാധേ ശ്യാം' ചിത്രത്തിന്റെ പുതിയ പ്രൊമൊ വീഡിയോ.
പ്രഭാസിന്റെ പ്രണയ ചിത്രമാണ് 'രാധേ ശ്യാം' (Radhe Shyam). പുജാ ഹെഗ്ഡെയാണ് ചിത്രത്തില് പ്രഭാസിന്റെ നായികയായി എത്തുന്നത്. 'രാധേ ശ്യാം' കൊവിഡ് പ്രതിസന്ധി കാരണം പല തവണ റിലീസ് നീട്ടിവയ്ക്കേണ്ടി വന്നിരുന്നു. രാധേ ശ്യാം ചിത്രം മാര്ച്ച് 11 ന് റീലീസ് എത്താനിരിക്കെ ഇന്ന് പ്രണയദിനത്തില് പുതിയൊരു പ്രൊമൊ വീഡിയോ പുറത്തുവിട്ടിരിക്കുകയാണ്.
രാധ കൃഷ്ണ കുമാറിന്റെ സംവിധാനത്തിലാണ് 'രാധേ ശ്യാം'. പുതിയ പ്രൊമൊ വീഡിയോയില് പ്രഭാസും പൂജയും തന്നെയാണ് നിറഞ്ഞുനില്ക്കുന്നത്. ഹസ്തരേഖ വിദഗ്ധനായ 'വിക്രമാദിത്യ' എന്ന കഥാപാത്രത്തെയാണ് പ്രഭാസ് അവതരിപ്പിക്കുന്നത്. നായികാ കഥാപാത്രമായ 'പ്രേരണ'യെയാണ് പൂജ ഹെഗ്ഡെ അവതരിപ്പിക്കുന്നത്.
ഭൂഷണ് കുമാര്, വാംസി, പ്രമോദ് എന്നിവര് ചേര്ന്ന് നിര്മ്മിക്കുന്നു. യുവി ക്രിയേഷന്, ടി - സീരീസ് ബാനറിലാണ് നിര്മാണം. എക്സിക്യൂട്ടീവ് പ്രൊഡ്യൂസര്- എന് സന്ദീപ്. സച്ചിൻ ഖറേഡേക്കര്, പ്രിയദര്ശിനി, മുരളി ശര്മ, സാഷ ഛേത്രി, കുനാല് റോയ് കപൂര് തുടങ്ങിയവരും പ്രധാന കഥാപാത്രങ്ങളായി എത്തുന്നു.
ആക്ഷന്: നിക്ക് പവല്. ശബ്ദ രൂപകല്പന: റസൂല് പൂക്കുട്ടി. നൃത്തം: വൈഭവി, കോസ്റ്റ്യൂം ഡിസൈനര്: തോട്ട വിജയഭാസ്കര്, ഇഖ ലഖാനി.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ