പാര്‍വതിയെ പുകഴ്ത്തി പ്രിയ; പാര്‍വതിയുടെ മറുപടി ഇതായിരുന്നു

പ്രിയയ്ക്ക് നന്ദി അറിയിച്ച് പാര്‍വതിയും രംഗത്തെത്തി. ഇത്തരത്തില്‍ ഒരു ചിത്രം സമ്മാനിച്ചതിന് സംവിധായകന്‍ മനു അശോകിനും നടന്മാരായ ആസിഫ് അലിക്കും ടൊവിനോയ്ക്കും പ്രിയ നന്ദി പറഞ്ഞിട്ടുണ്ട്

കൊച്ചി: വലിയ പ്രേക്ഷക പ്രീതി നേടി മുന്നേറുകയാണ് പാര്‍വതി പ്രധാന വേഷത്തില്‍ എത്തിയ ഉയരെ. രാഷ്ട്രീയ, സാമൂഹിക, സിനിമാ രംഗങ്ങളിലുള്ള നിരവധിപ്പേര്‍ ഈ ചിത്രത്തിലെ അഭിനയത്തിന് പാര്‍വതിയെ പുകഴ്ത്തി രംഗത്ത് എത്തിയിരുന്നു. ഇപ്പോള്‍ യുവ നായിക പ്രിയ വാര്യരും പാര്‍വതിക്ക് ആശംസകളുമായി രംഗത്തെത്തിയിരിക്കുകയാണ്. പാര്‍വതിയെപ്പോലൊരു അഭിനേത്രിയെ കിട്ടിയത് ഞങ്ങളുടെ അഭിമാനമാണെന്നും, ഐ സല്യൂട്ട് യൂ  എന്നുമായിരുന്നു പാര്‍വതിയെ കുറിച്ച് പ്രിയ പറഞ്ഞത്. 

പിന്നാലെ പ്രിയയ്ക്ക് നന്ദി അറിയിച്ച് പാര്‍വതിയും രംഗത്തെത്തി. ഇത്തരത്തില്‍ ഒരു ചിത്രം സമ്മാനിച്ചതിന് സംവിധായകന്‍ മനു അശോകിനും നടന്മാരായ ആസിഫ് അലിക്കും ടൊവിനോയ്ക്കും പ്രിയ നന്ദി പറഞ്ഞിട്ടുണ്ട്.ആദ്യ സിനിമയായ ഒരു അഡാര്‍ ലൗവിന് ശേഷം പ്രിയ വാര്യര്‍ ബോളിവുഡിലേക്ക് ചേക്കേറിയിരിക്കുകയാണ്. പ്രിയയുടെ ആദ്യ ബോളിവുഡ് ചിത്രം ശ്രീദേവി ബംഗ്ലാവിന് ശേഷം മറ്റൊരു ബോളിവുഡ് ചിത്രത്തിലും നായികയാകാനുള്ള ഒരുക്കത്തിലാണ് പ്രിയ.

 'ലവ് ഹാക്കേഴ്സ്' ആണ് പ്രിയയുടെ പുതിയ ചിത്രം. മയങ്ക് പ്രകാശ് ശ്രീവാസ്തവയാണ് ചിത്രം സംവിധാനം ചെയ്യുന്നത്. ക്രൈം ത്രില്ലറായ ലവ് ഹാക്കേഴ്സിന്റെ ചിത്രീകരണം മേയ് മാസത്തോടെ ആരംഭിക്കും.