ത്രില്ലടിപ്പിച്ച് പ്രിയദര്ശന്റെ കൊറോണ പേപ്പേഴ്സ് മേക്കിംഗ് വീഡിയോ; ചിത്രം ഏപ്രില് 6ന് തിയറ്ററുകളില്
Synopsis
കുഞ്ഞാലിമരക്കാറിന് ശേഷം പ്രിയദര്ശന് സംവിധാനം ചെയ്ത ചിത്രമാണ് കൊറോണ പേപ്പേഴ്സ്.
പ്രിയദര്ശന് സംവിധാനം ചെയ്യുന്ന കൊറോണ പേപ്പേഴ്സ് ഏപ്രില് ആറിന് തിയറ്ററുകളില് എത്തുകയാണ്. ഷെയ്ന് നിഗവും ഷൈന് ടോം ചാക്കോയുമാണ് ചിത്രത്തിലെ കേന്ദ്രകഥാപാത്രങ്ങളെ അവതരിപ്പിച്ചിരിക്കുന്നത്. റിലീസിനോടടുപ്പിച്ച് മേക്കിംഗ് വീഡിയോ പുറത്തുവിട്ടിരിക്കുകയാണ് അണിയറപ്രവര്ത്തകര്. സെറ്റില് നിറഞ്ഞുനിന്ന് നടീ, നടന്മാര്ക്ക് നിര്ദേശങ്ങള് നല്കുന്ന പ്രിയദര്ശനെ വീഡിയോയില് കാണാം.
കുഞ്ഞാലിമരക്കാറിന് ശേഷം പ്രിയദര്ശന് സംവിധാനം ചെയ്ത ചിത്രമാണ് കൊറോണ പേപ്പേഴ്സ്. തമിഴ് താരം ഗായത്രി ശങ്കരാണ് ചിത്രത്തിലെ നായിക. 'ന്നാ താൻ കേസ് കൊട്' എന്ന ചിത്രത്തിന് ശേഷം ഗായത്രി ശങ്കർ നായികയായെത്തുന്ന സിനിമ എന്ന പ്രത്യേകതയും ചിത്രത്തിനുണ്ട്. ശ്രീഗണേഷിന്റെ കഥയ്ക്ക് തിരക്കഥ ഒരുക്കിയിരിക്കുന്നത് പ്രിയദര്ശനാണ്. ഫോര് ഫ്രെയിംസ് ബാനറില് നിര്മിച്ചിരിക്കുന്നതും പ്രിയദര്ശന് തന്നെയാണ്. സിദ്ധിഖ്, സന്ധ്യ ഷെട്ടി, പി പി കുഞ്ഞികൃഷ്ണന്, മണിയന് പിള്ള രാജു, ജീന് പോള് ലാല്, ശ്രീ ധന്യ, വിജിലേഷ്, മേനക സുരേഷ് കുമാര്, ഹന്ന റെജി കോശി, ബിജു പാപ്പന്, ശ്രീകാന്ത് മുരളി, എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
എന്.എം ബാദുഷയാണ് ചിത്രത്തിന്റെ എക്സിക്യൂട്ടീവ് പ്രൊഡ്യൂസര്. ദിവാകര് എസ് മണി ഛായാഗ്രാഹണം നിര്വഹിക്കുന്ന ചിത്രത്തിന്റെ എഡിറ്റിംങ് എം.എസ് അയ്യപ്പന് നായര് ആണ്. സംഗീതം കെ. പി, പ്രൊഡക്ഷന് കോര്ഡിനേറ്റര്-ഷാനവാസ് ഷാജഹാന്, സജി, കലാസംവിധാനം- മനു ജഗത്, പ്രൊഡക്ഷന് കണ്ട്രോളര്- നന്ദു പൊതുവാള്, കോസ്റ്റ്യൂം ഡിസൈനര്- സമീറ സനീഷ്, മേക്കപ്പ്- രതീഷ് വിജയന്, ആക്ഷന്- രാജശേഖര്, സൗണ്ട് ഡിസൈന്- എം.ആര് രാജാകൃഷ്ണന്, പി.ആര്.ഒ ആതിര ദില്ജിത്ത് എന്നിവരാണ് മറ്റ് അണിയറപ്രവര്ത്തകര്. ചിത്രത്തിന്റേതായി നേരത്തെ പുറത്തുവന്ന ട്രെയിലര് ഏറെ ശ്രദ്ധനേടിയിരുന്നു.
മാധവ് നായകനാകുന്ന 'കുമ്മാട്ടിക്കളി'; ഫസ്റ്റ് ലുക്ക് പുറത്ത്, അഭിമാനമെന്ന് സുരേഷ് ഗോപി
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ