എആര് റഹ്മാന് പാടി അഭിനയിച്ച 'പിഎസ് 2' ആന്തം സോംഗ് പുറത്തിറങ്ങി
Synopsis
ചിത്രത്തിന്റെ തീമിം ആസ്പദമാക്കിയ സെറ്റില് ചിത്രത്തിന്റെ സംഗീത സംവിധായകനായ എആര് റഹ്മാന് പാടി അഭിനയിക്കുന്ന രംഗങ്ങളാണ് ഈ മ്യൂസിക്ക് വീഡിയോയില് ഉള്ളത്.
ചെന്നൈ: തമിഴ് സിനിമയിലെ എക്കാലത്തെയും വലിയ വിജയങ്ങളില് ഒന്നായിരുന്നു പൊന്നിയിന് സെല്വന്. മണി രത്നം തന്റെ സ്വപ്ന പ്രോജക്റ്റ് എന്നു വിശേഷിപ്പിച്ചിരുന്ന ഫ്രാഞ്ചൈസിയുടെ ആദ്യ ഭാഗം 2022 സെപ്റ്റംബര് 30 നാണ് തിയറ്ററുകളില് എത്തിയത്. അന്നു മുതല് സിനിമാപ്രേമികള്ക്കിടയില് ആരംഭിച്ചതാണ് രണ്ടാം ഭാഗത്തിനു വേണ്ടിയുള്ള കാത്തിരിപ്പ്. ഏപ്രില് 28 നാണ് ചിത്രം ലോകമെമ്പാടുമുള്ള തിയറ്ററുകളില് എത്തുക. പ്രീ-റിലീസ് ഹൈപ്പ് കൂട്ടിക്കൊണ്ട് ഇപ്പോഴിതാ ചിത്രത്തിന്റെ ആന്തം മ്യൂസിക്ക് പുറത്തിറക്കിയിരിക്കുന്നു.
ചിത്രത്തിന്റെ തീമിം ആസ്പദമാക്കിയ സെറ്റില് ചിത്രത്തിന്റെ സംഗീത സംവിധായകനായ എആര് റഹ്മാന് പാടി അഭിനയിക്കുന്ന രംഗങ്ങളാണ് ഈ മ്യൂസിക്ക് വീഡിയോയില് ഉള്ളത്. ശിവ ആനന്ദ് ആണ് ഗാനത്തിന് വരികള് ഒരുക്കിയിരിക്കുന്നത്. ഷാദ് അലിയാണ് ഈ വീഡിയോ സംവിധാനം.
അതേ സമയം പൊന്നിയിന് സെല്വന് 2 4ഡിഎക്സിലും റിലീസ് ചെയ്യും എന്നതാണ് മറ്റൊരു അപ്ഡേറ്റ്. 3ഡിയേക്കാള് മുകളില് തിയറ്റര് അനുഭവത്തിന്റെ അടുത്ത തലം പ്രദാനം ചെയ്യുന്ന ടെക്നോളജിയാണ് 4ഡിഎക്സ്. ചലിക്കുന്ന സീറ്റുകളും സ്ക്രീനില് കാണുന്ന ദൃശ്യങ്ങള്ക്കനുസരിച്ച് കാറ്റ്, മഞ്ഞ്, സുഗന്ധം തുടങ്ങിയവയുടെയൊക്കെ നേരനുഭവങ്ങളും കാണിക്ക് പ്രദാനം ചെയ്യുന്നവയാണ് 4ഡിഎക്സ് തിയറ്ററുകള്. 4ഡിഎക്സില് റിലീസ് ചെയ്യുന്ന ആദ്യ തെന്നിന്ത്യന് ചിത്രം എന്ന പ്രത്യേകതയും പൊന്നിയിന് സെല്വന് 2 ന് ഉണ്ട്. കേരളത്തില് നിലവില് തിരുവനന്തപുരത്തും എറണാകുളത്തും 4ഡിഎക്സ് തിയറ്ററുകള് ഉണ്ട്. പൊന്നിയിന് സെല്വന് 1 ന് ഐ-മാക്സ് റിലീസ് ഉണ്ടായിരുന്നു.
പ്രഭു, ബാബു ആൻ്റണി, റിയാസ് ഖാൻ, ലാൽ, അശ്വിന് കാകുമാനു, റിയാസ് ഖാന്, ശോഭിത ധൂലിപാല, ഐശ്വര്യ ലക്ഷ്മി, ജയചിത്ര തുടങ്ങി ഇന്ത്യന് സിനിമയിലെ തന്നെ നിരവധി പ്രമുഖ താരങ്ങള് ഒരുമിച്ച് അണിനിരക്കുകയാണ് പൊന്നിയിന് സെല്വനിലൂടെ മണി രത്നത്തിന്റെ ഫ്രെയ്മില്. ലൈക്ക പ്രൊഡക്ഷൻസും മദ്രാസ് ടാക്കീസും സംയുക്തമായി നിർമ്മിച്ച ചിത്രത്തിൻ്റെ രണ്ടാം ഭാഗം തമിഴ്, മലയാളം, തെലുങ്ക്, കന്നഡ, ഹിന്ദി ഭാഷകളിൽ റിലീസ് ചെയ്യും. ചിത്രത്തിന്റെ ഛായാഗ്രാഹകന് രവി വര്മ്മന് ആണ്. എഡിറ്റിംഗ് ശ്രീകര് പ്രസാദ്, പ്രൊഡക്ഷന് ഡിസൈനര് തോട്ട തരണി, വസ്ത്രാലങ്കാരം ഏക ലഖാനി.
സുരേഷ് ഗോപി- ബിജു മേനോൻ കൂട്ടുകെട്ട്; ടൈറ്റില് പ്രഖ്യാപിച്ചു, തിരക്കഥ മിഥുൻ മാനുവൽ തോമസ്
മാസ് മോഡിൽ ദിലീപ്; 'ബാന്ദ്ര' വമ്പൻ അപ്ഡേറ്റെത്തി
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ