സര്ദാര് രണ്ട് കൗതുകമാകുന്നു, മരിച്ച കഥാപാത്രം വീണ്ടുമെത്തും, കാര്ത്തിക്കൊപ്പം മലയാളി നടി
Synopsis
മലയാളി നടി അവതരിപ്പിച്ച ആ കഥാപാത്രം മരിച്ചതാണെങ്കിലും കാര്ത്തിയുടെ സര്ദാര് രണ്ടിലുമുണ്ട്.
കാര്ത്തിയുടെ ഹിറ്റായ സര്ദാറിന് രണ്ടാം ഭാഗം ഒരുങ്ങുകയാണ്. മലയാളത്തിന്റെ രജിഷാ വിജയൻ രണ്ടാം ഭാഗത്തിലും ഉണ്ടാകും എന്ന പ്രഖ്യാപിച്ചതാണ് ശ്രദ്ധയാകര്ഷിക്കുന്നത്. സര്ദാറില് നടി രജിഷ വിജയന്റെ കഥാപാത്രം മരിച്ചിരുന്നു. രണ്ടിലും രജിഷാ വിജയനുണ്ടെന്നതിന്റെ കൗതുകത്തിലാണ് ചിത്രത്തിന്റെ ആരാധകര്
സര്ദാറിനെ വിജയിപ്പിച്ച പ്രേക്ഷകര്ക്ക് നന്ദിയുമായി വീഡിയോ പങ്കുവെച്ചിരുന്നു നേരത്തെ നടൻ കാര്ത്തി. ആശിക രംഗനാഥും കാര്ത്തി നായകനാകുന്ന ചിത്രത്തില് ഉണ്ടെന്നാണ് അടുത്തിടെയുണ്ട് ഒരു റിപ്പോര്ട്ട്. എന്തായാലും ആരാധകര് ആകാംക്ഷയോടെ കാത്തിരിക്കുന്ന ചിത്രമാണ് സര്ദാര് 2. പി എസ് മിത്രൻ ചിത്രം സംവിധാനം ചെയ്യുമ്പോള് വിജയത്തില് കുറഞ്ഞതൊന്നും പ്രതീക്ഷിക്കുന്നില്ല.
ലക്ഷ്മണ് കുമാറാണ് കാര്ത്തിയുടെ 'സര്ദാര്' സിനിമ നിര്മിച്ചത്. നിര്മാണം നിര്വഹിച്ചത് പ്രിന്സ് പിക്ചേഴ്സിന്റെ ബാനറില് ആണ്. കാര്ത്തി നായകനായ സര്ദാര് ഫോർച്യൂൺ സിനിമാസ് ആണ് കേരളത്തിൽ വിതരണത്തിന് എത്തിച്ചത്. പി എസ് മിത്രൻ തന്നെയാണ് തിരക്കഥയും എഴുതിയിരിക്കുന്നത്.
സംവിധായകൻ പി എസ് മിത്രന്റെ ചിത്രമായ 'സര്ദാറി'ല് കാര്ത്തി ഒരു സ്പൈയാണ്. വ്യത്യസ്ത ഗെറ്റപ്പുകളിൽ വേഷമിട്ട കാർത്തി ചിത്രത്തില് മികച്ച പ്രകടനം നടത്തുകയും പ്രേക്ഷകർ ഏറ്റെടുക്കുകയും ചെയ്തിരുന്നു. കാർത്തിക്ക് പുറമേ സര്ദാര് എന്ന ചിത്രത്തില് ചങ്കി പാണ്ഡെ, ലൈല, യൂകി സേതു, ദിനേശ് പ്രഭാകർ, മുനിഷ് കാന്ത്, യോഗ് ജേപ്പീ, മൊഹമ്മദ് അലി ബൈഗ്, ഇളവരശ്, മാസ്റ്റർ ഋത്വിക്, അവിനാഷ്, ബാലാജി ശക്തിവേൽ, ആതിരാ പാണ്ടിലക്ഷ്മി, സഹനാ വാസുദേവൻ, ഇളവശ്, സഹാന വാസുദേവൻ, ശ്യാം കൃഷ്ണൻ സ്വാമിനാഥൻ, വിജയ് വരദരാജ് എന്നിവരുമുണ്ട്. പി ശിവപ്രസാദ് ആണ് സര്ദാര് ചിത്രത്തിന്റെ കേരള പിആർഒ.
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക