Badhaai Do : ഇങ്ങനെയാണ് രാജ്കുമാര് റാവുവിന്റെ ഡാൻസ്, 'ബധായ് ദോ' ഗാനത്തിന്റെ മെയ്ക്കിംഗ് വീഡിയോ
Synopsis
'ബധായ് ദോ' എന്ന ചിത്രത്തിലെ ഗാനത്തിന്റെ മെയ്ക്കിംഗ് വീഡിയോ.
രാജ്കുമാര് റാവു നായകനാകുന്ന ചിത്രമാണ് 'ബധായ് ദോ' (Badhaai Do). ഭൂമി പെഡ്നേകറാണ് ചിത്രത്തില് നായികയായി എത്തുന്നത്. 'ബധായി ദോ'യുടെ ഫോട്ടോകളടക്കം ഓണ്ലൈനില് തരംഗമായിരുന്നു. ഇപ്പോഴിത് തന്റെ ചിത്രത്തിലെ പുതിയ ഗാനത്തിന്റെയും മെയ്ക്കിംഗ് വീഡിയോ പുറത്തുവിട്ടിരിക്കുകയാണ് രാജ്കുമാര് റാവു.
'അത്രംഗി' എന്ന് തുടങ്ങുന്ന ഗാനമാണ് ഹര്ഷവര്ധൻ കുല്ക്കര്ണിയുടെ സംവിധാനത്തിലുള്ള 'ബധായി ദോ' യിലേതായി അടുത്തിടെ പുറത്തുവിട്ടത്. ഗാനരംഗത്തിന് മെയ്ക്കിംഗ് വീഡിയോയാണ് രാജ്കുമാര് ഡാൻസ് ചെയ്യുന്ന രംഗങ്ങള് ഉള്പ്പെടുത്തി പുറത്തുവിട്ടിരിക്കുന്നത്. സ്വപ്ന സോനവെയ്നാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. കിര്തി നഖ്വയാണ് ചിത്രത്തിന്റെ ചിത്രസംയോജനം നിര്വഹിക്കുന്നത്.
വിനീത് ജെയ്നാണ് ചിത്രം നിര്മിക്കുന്നത്. ജംഗ്ലീ പിക്ചേഴ്സിന്റെ ബാനറിലാണ് ബധായി ദൊയുടെ നിര്മാണം. അമിത് ത്രിവേദിയടക്കമുള്ളവരാണ് ചിത്രത്തിന്റെ സംഗീത സംവിധാനം. തിയറ്ററുകളില് തന്നെയാണ് ചിത്രം റിലീസ് ചെയ്യുക.
ഫെബ്രുവരി 11നാണ് ചിത്രം റിലീസ് ചെയ്യുക. ഒരു പൊലീസ് കഥാപാത്രമായിട്ടാണ് രാജ്കുമാര് റാവു അഭിനയിക്കുന്നത്. കായിക അധ്യാപികയായി ചിത്രത്തില് ഭൂമി പെഡ്നെകറും അഭിനയിക്കുന്നു. ശശി ഭൂഷണ്, സീമാ പഹ്വ, ഷീബ ചദ്ധ, നിതീഷ് പാണ്ഡെ തുടങ്ങിയവരും ചിത്രത്തിലുണ്ട്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ