ബോളിവുഡില് നായകനാകാൻ സൂര്യ, 'കര്ണ'യുടെ സംവിധാനം രാകേഷ് ഓംപ്രകാശ് മെഹ്റ
Synopsis
സിരുത്തൈ ശിവ സംവിധാനം ചെയ്യുന്ന ചിത്രമാണ് സൂര്യയുടേതായി ഇനി റിലീസ് ചെയ്യാനുള്ളത്.
തെന്നിന്ത്യൻ പ്രേക്ഷരുടെ പ്രിയങ്കരനായ സൂര്യ ബോളിവുഡില് നായകനാകാൻ ഒരുങ്ങുന്നു എന്ന് റിപ്പോര്ട്ട്. രാകേഷ് ഓംപ്രകാശ് മെഹ്റയുടെ സംവിധാനത്തിലുള്ള ചിത്രം കര്ണയിലാണ് സൂര്യ നായകനാകുന്നത് എന്നാണ് റിപ്പോര്ട്ട്. മഹാഭാരതം ആസ്പദമാക്കിയുള്ള ചിത്രമായിരിക്കും ഇത്. സൂര്യ കേന്ദ്ര കഥാപാത്രം തന്നെയായിരിക്കും ചിത്രത്തില് അവതരിപ്പിക്കുക എന്ന ട്രേഡ് അനലിസ്റ്റുകള് ട്വീറ്റ് ചെയ്യുന്നു.
സൂര്യയുടെ ആരാധകര് ആകാംക്ഷയോടെ കാത്തിരിക്കുന്ന ചിത്രം 'കങ്കുവ' ആണ്. സിരുത്തൈ ശിവയാണ് ചിത്രത്തിന്റെ സംവിധാനം. വെട്രി പളനിസാമിയാണ് ചിത്രത്തിന്റെ ഛായാഗ്രാഹണം. തമിഴ്, തെലുങ്കു, കന്നഡ, ഹിന്ദി, മലയാളം എന്നീ ഭാഷകളിലായിട്ടാണ് 'കങ്കുവ' എത്തുക.
ദേവി ശ്രീപ്രസാദ് 'സിംഗത്തിനു' ശേഷം സൂര്യയുമായി വീണ്ടും ഒരുമിക്കുന്ന ചിത്രം കൂടിയാണിത്. കഴിഞ്ഞ വർഷം പുറത്തുവിട്ട ചിത്രത്തിന്റെ മോഷൻ പോസ്റ്ററിന് വലിയ സ്വീകാര്യതയാണ് ലഭിച്ചത്. പ്രശസ്ത തെന്നിന്ത്യൻ സിനിമ നിർമാതാവായ ജ്ഞാനവേൽ രാജയുടെ സ്റ്റുഡിയോ ഗ്രീനും വംശി- പ്രമോദിന്റെ യുവി ക്രീയേഷൻസും ചേർന്ന് നിർമ്മിക്കുന്ന ചിത്രമാണിത്. ചിത്രം 10 ഭാഷകളിലും 3Dയിലും റിലീസ് ചെയ്യുമെന്നാണ് അറിയിച്ചിരിക്കുന്നത്.
പ്രൊഡക്ഷൻ കോര്ഡിനേറ്റര് ഇ വി ദിനേശ് കുമാറുമാണ്. 'കങ്കുവാ' എന്ന സിനിമയുടെ സെറ്റുകളില് നിന്നുള്ള വീഡിയോകളും ചിത്രങ്ങളും ഷെയര് ചെയ്യരുത് എന്ന് ആവശ്യപ്പെട്ട് കുറിപ്പുമായി ചിത്രത്തിന്റെ നിര്മാതാക്കള് രംഗത്ത് എത്തിയിരുന്നു. ചെറിയ കാര്യമാണെങ്കില് പോലും മൊത്തം ടീമിന്റെ കഠിനാദ്ധ്വാനം അതിലുണ്ട്. മികച്ച ഒരു തിയറ്റര് എക്സ്പീരിയൻസ് ആയി ചിത്രം സമ്മാനിക്കണം എന്നാണ് ഞങ്ങള് ആഗ്രഹിക്കുന്നത്. പോസ്റ്റ് ചെയ്ത വീഡിയോകളും ചിത്രങ്ങളും ഡിലീറ്റ് ചെയ്താല് അത് നല്ല കാര്യമാകും. ഭാവിയില് ഷെയര് ചെയ്യാതിരിക്കാനും അഭ്യര്ഥിക്കുന്നു. ഇത് തുടര്ന്നാല് കടുത്ത നിയമനടപടികള് നേരിടേണ്ടി വരുമെന്ന് അറിയിക്കാനും ആഗ്രഹിക്കുന്നു എന്നുമാണ് നിര്മാതാക്കളുടെ ഔദ്യോഗിക ട്വിറ്റര് വഴി പുറത്തുവിട്ട കുറിപ്പില് പറഞ്ഞിരുന്നത്.
Read More: 'പറയാൻ പാടില്ലാത്ത ഒരു കാര്യം പറഞ്ഞു' ക്ഷമ ചോദിച്ച് അനിയൻ മിഥുൻ
'ഇത് എന്റെയല്ല, അവരുടെ ഷോ'; ഫിറോസ് ഖാനുമായുള്ള അഭിമുഖം