'കൊള്ളാം കേട്ടോ', 'ഒ ബേബി'യുടെ ടീസർ കണ്ട് പ്രശംസിച്ച് മമ്മൂട്ടി

രഞ്ജൻ പ്രമോദ് ചിത്രത്തിൽ നായകനായി ദിലീഷ് പോത്തൻ.

രഞ്ജൻ പ്രമോദ് സംവിധാനം ചെയ്യുന്ന ചിത്രമാണ് 'ഒ ബേബി'. ഒ ബേബിയുടെ ടീസര്‍ പുറത്തുവിട്ടിരിക്കുകയാണ്. മെഗാസ്റ്റാർ മമ്മൂട്ടി ലോഞ്ച് ചെയ്‍ത ടീസർ ഇതിനോടകം തന്നെ സോഷ്യൽ മീഡിയയിൽ തരംഗമാകുകയാണ്. ഒരു ത്രില്ലർ സ്വഭാവത്തിൽ ഉള്ള ചിത്രമാണ് 'ഒ ബേബി' എന്നാണ് ടീസർ നൽകുന്ന സൂചന.

രഞ്ജൻ പ്രമോദ്- ദിലീഷ് പോത്തൻ കൂട്ടുകെട്ടിൽ എത്തുന്ന ആദ്യ പ്രൊജക്റ്റെന്ന നിലയിൽ പ്രഖ്യാപനം മുതൽ തന്നെ സിനിമ ഏറെ ചർച്ചയായിരുന്നു. നായകനാകുന്നതിന് ഒപ്പം ദിലീഷ് പോത്തൻ നിർമ്മാതാവുമാകുന്ന ചിത്രമെന്ന പ്രത്യേകതയുംഉണ്ട്. മലയാളികൾ എക്കാലവും ഓർത്തിരിക്കുന്ന ഒട്ടേറെ ഹിറ്റ് ചിത്രങ്ങൾ സമ്മാനിച്ച രഞ്ജൻ പ്രമോദ് ഒരിടവേളക്ക് ശേഷം എത്തുമ്പോൾ പ്രേക്ഷകരുടെ പ്രതീക്ഷകളും ഏറെയാണ്. ദിലീഷ് പോത്തനൊപ്പം രഘുനാഥ്‌ പലേരി, ഹാനിയ നസീഫ, സജി സോമൻ, ഷിനു ശ്യാമളൻ, അതുല്യ ഗോപാലകൃഷ്‍ണൻ, വിഷ്‍ണു അഗസ്ത്യ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.

ദിലീഷ് പോത്തൻ, അഭിഷേക് ശശിധരൻ, പ്രമോദ് തേവർപള്ളി എന്നിവരാണ് നിർമ്മിക്കുന്നത്. എക്‌സിക്യുട്ടിവ് പ്രൊഡ്യൂസർ രാഹുൽ മേനോൻ. കലാസംവിധാനം: ലിജിനേഷ്. രഞ്‍ജൻ പ്രമോദ് തന്നെയാണ് തിരക്കഥയും.

സംജിത്ത് മുഹമ്മദാണ് ചിത്രത്തിന്റെ ചിത്രസംയോജനം. വരുൺ കൃഷ്‍ണ, പ്രണവ് ദാസ് ചേര്‍ന്ന് ഗാനങ്ങൾക്ക് ഈണം നൽകുന്ന ചിത്രത്തിന് പശ്ചാത്തല സംഗീതം ഒരുക്കുന്നത് ലിജിൻ ബാംബിനോ എന്നിവരാണ്. അരുൺ ചാലിൽ ഛായാഗ്രാഹണം നിർവഹിക്കുന്നു. സൗണ്ട് ഡിസൈൻ ഷമീർ അഹമ്മദ്,മേക്കപ്പ്: നരസിംഹ സ്വാമി, വസ്ത്രാലങ്കാരം: ഫെമിന ജബ്ബാർ, ഫസ്റ്റ് അസിസ്റ്റന്റ് ഡയറക്ടർ സിദ്ധിക്ക് ഹൈദർ, അഡിഷണൽ ക്യാമറ എ കെ മനോജ്‌, സംഘട്ടനം ഉണ്ണി പെരുമാൾ, പോസ്റ്റർ ഡിസൈൻ ഓൾഡ് മോങ്ക്, ഡിജിറ്റൽ മാർക്കറ്റിംഗ് റോജിൻ കെ റോയ് ആണ്.