നാഗ ചൈനത്യയുടെ രണ്ടാം വിവാഹം ഉടന്‍: സാമന്തയുടെ മുന്‍ ഭര്‍ത്താവിനെക്കുറിച്ചുള്ള പരാമര്‍ശം വൈറല്‍ - വീഡിയോ

നടി സാമന്ത തന്‍റെ മുൻ പങ്കാളിയായ നാഗ ചൈതന്യയെ പരിഹസിക്കുന്നതായി ആരോപിക്കപ്പെടുന്ന വീഡിയോ വൈറലാകുന്നു. 

മുംബൈ: വരുൺ ധവാനുമായുള്ള റാപ്പിഡ് ഫയർ റൗണ്ടിൽ നടി സാമന്ത നടത്തിയ മുന്‍ ഭര്‍ത്താവിനെക്കുറിച്ച് നടത്തിയ പരാമര്‍ശം വൈറലാകുന്നു. അവളുടെ ഏറ്റവും പുതിയ അഭിമുഖത്തിന്‍റെ ക്ലിപ്പിംഗ് ഇപ്പോൾ സോഷ്യൽ മീഡിയയിൽ വൈറലാകുകയാണ്. 

തന്‍റെ മുൻ പങ്കാളിയായ നാഗ ചൈതന്യയെ സാമന്ത പരിഹസിക്കുകയാണെന്ന രീതിയിലാണ് ഈ ക്ലിപ്പ് വൈറലാകുന്നത്. 2017 ല്‍ വിവാഹിതരായ നാഗ ചൈതന്യയെ സാമന്തയും 2021ലാണ് വേര്‍പിരിഞ്ഞത് . വരുണും സാമന്തയും അടുത്തിടെ സിറ്റാഡൽ: ഹണി ബണ്ണി എന്ന ചിത്രത്തിൽ അഭിനയിച്ചിരുന്നു ഇതിന്‍റെ പ്രമോഷന്‍ അഭിമുഖത്തിലാണ് ഇപ്പോള്‍ വൈറലായ വീഡിയോ ശകലം ഉള്ളത്. 

റാപ്പിഡ് ഫയർ റൗണ്ടിനിടെ വരുൺ ധവാന്‍റെ ചോദ്യം ഇതായിരുന്നു "തികച്ചും ഉപയോഗശൂന്യമായ ഒരു കാര്യത്തിനായി നിങ്ങൾ ചെലവഴിച്ച തുക ഏതാണ്?" സാമന്ത ഒരു മടിയും കൂടാതെ ഉത്തരം പറഞ്ഞു "എന്‍റെ എക്സിന് നല്‍കിയ വിലയേറിയ സമ്മാനങ്ങൾ."

വരൺ ധവാൻ പുഞ്ചിരിച്ച് കൊണ്ട് അത് എത്രയാണ് എന്ന് ചോദിക്കുന്നുണ്ട്. അത് കുറച്ച് അധികം എന്നാണ് ഇതിന് സാമന്ത നല്‍കുന്ന മറുപടി. 

അതേ സമയം സാമന്തയുടെ മുന്‍ ഭര്‍ത്താവ് നാഗ ചൈതന്യയും നടി ശോഭിത ധൂലിപാലയും ഡിസംബർ 4 ന് വിവാഹിതരാകും എന്നാണ് ഏറ്റവും പുതിയ റിപ്പോര്‍ട്ട്. സിനിമാ, രാഷ്ട്രീയ, ബിസിനസ് ലോകങ്ങളിൽ നിന്നുള്ള അതിഥികള്‍ക്കൊപ്പം അടുത്ത കുടുംബാംഗങ്ങളുടെയും സുഹൃത്തുക്കളുടെയും സാന്നിധ്യത്തിൽ ഹൈദരാബാദിലെ നാഗചൈതന്യയുടെ കുടുംബ സ്ഥാപനമായ അന്നപൂർണ സ്റ്റുഡിയോയിൽ വച്ചായിരിക്കും വിവാഹം എന്നാണ് വിവരം. 

ഇതിനിടെയാണ് പുതിയ വീഡിയോ വൈറലാകുന്നത്. സിറ്റാഡൽ: ഹണി ബണ്ണി  എന്ന സീരിസിലാണ് സാമന്ത അവസാനമായി അഭിനയിച്ചത്. ഇത് ഇപ്പോള്‍ ആമസോണ്‍ പ്രൈമില്‍ ലഭ്യമാണ്.