ശാന്തകുമാര്‍ക്കൊപ്പം ചിയാൻ 63, വിക്രം ചിത്രത്തിന്റെ അപ്‍ഡേറ്റ് പുറത്ത്

ചിയാൻ 63ന്റെ അപ്‍ഡേറ്റ്.

ചിയാൻ വിക്രം നായകനായി വരുന്ന സിനിമകള്‍ വേറിട്ടതാകാറുണ്ട്. അതിനാല്‍ ചിയാൻ വിക്രത്തിന്റെ ഓരോ സിനിമയുടെ പ്രഖ്യാപനവും ശ്രദ്ധയാകര്‍ഷിക്കാറുണ്ട്. ചിയാൻ 63 എന്ന വിശേഷണപ്പേരുള്ള ചിത്രത്തിന്റെ അപ്‍ഡേറ്റും ചര്‍ച്ചയാകുകയാണ്. സംവിധാനം നിര്‍വഹിക്കുന്നത് ശാന്തകുമാറാണെന്നാണ് റിപ്പോര്‍ട്ട്.

റസാവതി, മഗാമുനി എന്നീ ചിത്രങ്ങളുടെ സംവിധായകനായി ശ്രദ്ധയാകര്‍ഷിച്ച സംവിധായകനാണ് ശാന്തകുമാര്‍. പ്രഖ്യാപനത്തിനായി കാത്തിരിക്കുകയാണ് ആരാധകര്‍. എന്തായാലും ചിയാൻ 63ല്‍ മികച്ച കഥാപാത്രമായിരിക്കും വിക്രമിനെന്നാണ് പ്രതീക്ഷിക്കപ്പെടുന്നത്. വീര ധീര സൂരൻ എന്ന ചിത്രമാണ് വിക്രത്തിന്റേതായി നിലവില്‍ പുരോഗമിക്കുന്നതെന്നാണ് റിപ്പോര്‍ട്ട്. റിയാ സാബുവാണ് നിര്‍മാണം. ചിയാൻ വിക്രം നായകനാകുന്ന ചിത്രത്തിന്റെ സംവിധാനം എസ് യു അരുണ്‍ കുമാറാണ്. സുരാജ് വെഞ്ഞാറമൂടും ചിയാൻ വിക്രത്തിന്റെ ചിത്രം വീര ധീര സൂരനില്‍ ഉണ്ടാകും.

ചിയാൻ വിക്രം നായകനായി വരാനിരിക്കുന്ന ചിത്രം തങ്കലാനാണ്. പ്രകടനത്തില്‍ വിക്രം വീണ്ടും വിസ്‍മയിപ്പിക്കുന്ന ചിത്രമായിരിക്കും തങ്കലാൻ എന്ന് പ്രതീക്ഷിക്കപ്പെടുമ്പോള്‍ മാളവിക മോഹനനും പാര്‍വതി തിരുവോത്തും ചിത്രത്തില്‍ പ്രധാന സ്‍ത്രീ വേഷങ്ങളിലെത്തുന്നു എന്ന പ്രത്യേകതയുമുണ്ട്. ജി വി പ്രകാശ് കുമാറാണ് സംഗീതം പകരുന്നത്. ഛായാഗ്രാഹണം എ കിഷോറാണ്.

സ്റ്റുഡിയോ ഗ്രീനിന്റെയും നീലം പ്രൊഡക്ഷന്‍സിന്റെയും ബാനറിലാണ് വിക്രം നായകനാകുന്ന തങ്കലാന്റെ നിര്‍മാണം. ഉയര്‍ന്ന ബജറ്റിലുള്ളതാകും വിക്രമിന്റെ തങ്കലാൻ സിനിമ എന്നാണ് നിര്‍മാതാവ് ജ്ഞാനവേല്‍ രാജ തന്നെ വ്യക്തമാക്കിയത്. സംവിധായകൻ പാ രഞ്‍ജിത്തിന്റെ പുതിയ ചിത്രത്തിന്‍റെ പശ്ചാത്തലം കര്‍ണാടകത്തിലെ കോളാര്‍ ഗോള്‍ഡ് ഫീല്‍ഡ്‍സ് ആണ് എന്ന് റിപ്പോര്‍ട്ടുകളുണ്ടായിരുന്നു. പത്തൊമ്പതാം നൂറ്റാണ്ടിൽ ബ്രിട്ടീഷ് കാലഘട്ടത്തിൽ കോളാര്‍ ഗോള്‍ഡ് ഫീല്‍ഡ്‍സില്‍ നടന്ന ഒരു സംഭവത്തെ ആസ്‍പദമാക്കിയാണ് 'തങ്കലാൻ' എന്ന ചിത്രം ഒരുങ്ങുന്നതെന്നാണ് വിവരം.

ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക് ചെയ്യുക