രാജ്‍കുമാര്‍ ഹിറാനിയുടെ സംവിധാനത്തില്‍ ഷാരൂഖ്, ഫോട്ടോ ഏറ്റെടുത്ത് ആരാധകര്‍

രാജ്‍കുമാര്‍ ഹിറാനിയുടെ സംവിധാനത്തില്‍ 'ഡങ്കി'യെന്ന ചിത്രമാണ് ഒരുങ്ങുന്നത്.

രാജ്‍കുമാര്‍ ഹിറാനി സംവിധാനം ചെയ്യുന്ന ചിത്രം 'ഡങ്കി'യിലാണ് ഷാരൂഖ് ഖാൻ ഇപ്പോള്‍ അഭിനയിച്ചുകൊണ്ടിരിക്കുന്നത്. 'ഡങ്കി' എന്ന ചിത്രത്തിന്റെ ചിത്രീകരണം നടന്നുകൊണ്ടിരിക്കുന്നത് കശ്‍മീരിലാണ്. രാജ്‍കുമാര്‍ ഹിറാനി, കനിക, അഭിജിത്ത് ജോഷി എന്നിവരാണ് രചന നിര്‍വഹിക്കുന്നത്. 'ഡങ്കി'യുടെ ലൊക്കേഷനില്‍ തന്റെ ആരാധകനൊപ്പമുള്ള ഫോട്ടോയാണ് ഷാരൂഖിന്റേതായി ഇപ്പോള്‍ ശ്രദ്ധയാകര്‍ഷിക്കുന്നത്.

തപ്‍സിയാണ് ഷാരൂഖ് ചിത്രത്തില്‍ നായികയാകുന്നത്. ഗൗരി ഖാനാണ് ചിത്രം നിര്‍മിക്കുന്നത്. ഏക ലഖാനിയാണ് ചിത്രത്തിന്റെ കോസ്റ്റ്യൂം. 'പഠാൻ' എന്ന ചിത്രമാണ് ഷാരൂഖിന്റേതായി ഒടുവില്‍ പ്രദര്‍ശനത്തിന് എത്തിയത്.

ഷാരൂഖ് ഖാൻ ചിത്രം 'പഠാൻ' സംവിധാനം ചെയ്‍തത് സിദ്ധാര്‍ഥ് ആനന്ദാണ്. 'പഠാൻ' എന്ന ചിത്രം ഷാരൂഖിന്റെ വൻ ഹിറ്റായി മാറിയിരുന്നു. ഷാരൂഖ് ഖാൻ ചിത്രത്തിന്റെ കളക്ഷൻ 1000 കോടി കവിഞ്ഞ് റെക്കോര്‍ഡിട്ടിരുന്നു ഷാരൂഖ് ഖാനും ദീപിക പദുക്കോണിനും പുറമേ ജോണ്‍ എബ്രഹാമും പ്രധാന കഥാപാത്രത്തെ അവതരിപ്പിക്കുന്നു. സിദ്ധാര്‍ഥ് ആനന്ദ് തന്നെയാണ് ചിത്രത്തിന്റെ തിരക്കഥയും എഴുതിയത്. ഡിംപിള്‍ കപാഡിയ, ഷാജി ചൗധരി, ഗൗതം, അഷുതോഷ് റാണ തുടങ്ങി ഒട്ടേറെ താരങ്ങള്‍ ചിത്രത്തിലുണ്ട്. ആമസോണ്‍ പ്രൈം വീഡിയോ ആണ് ചിത്രത്തിന്റെ ഡിജിറ്റല്‍ റൈറ്റ്‍സ് സ്വന്തമാക്കിയിരിക്കുന്നത്.

ഷാരൂഖ് ഖാൻ നായകനാകുന്ന മറ്റൊരു പ്രധാന ചിത്രം 'ജവാനാണ്.' അറ്റ്‍ലി സംവിധാനം ചെയ്യുന്ന ഷാരൂഖ് ചിത്രത്തിന്റെ ഒടിടി റൈറ്റ്‍സ് നെറ്റ്‍ഫ്ലിക്സ് 120 കോടി രൂപയ്‍ക്ക് സ്വന്തമാക്കിയെന്ന് റിപ്പോര്‍ട്ടുകളുണ്ട്. സാറ്റലൈറ്റ്, ഒടിടി റൈറ്റ്‍സ് വിറ്റുപോയ ഇനത്തില്‍ മാത്രമായി 'ജവാൻ' 250 കോടി സ്വന്തമാക്കിയെന്നാണ് റിപ്പോര്‍ട്ട്. ആക്ഷന്‍ എന്‍റര്‍ടെയ്‍നര്‍ വിഭാഗത്തില്‍ പെടുന്ന ചിത്രത്തില്‍ സാന്യ മല്‍ഹോത്രയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. വിജയ് സേതുപതിയും ഷാരൂഖിന്റെ ചിത്രത്തിലുണ്ട്. ഒരു അന്വേഷണോദ്യോഗസ്ഥയാണ് ഷാരൂഖ് ഖാൻ ചിത്രത്തില്‍ നായികയായ നയന്‍താരയുടെ കഥാപാത്രമെന്ന റിപ്പോര്‍ട്ടുകളും പുറത്തുവന്നിട്ടുണ്ട്. ഹിന്ദിക്ക് പുറമെ തമിഴ്, തെലുങ്ക്, മലയാളം, കന്നഡ ഭാഷകളില്‍ പാന്‍ ഇന്ത്യന്‍ റിലീസ് ആയി എത്തുന്ന 'ജവാന്‍റെ' റിലീസ് 2023 ജൂണ്‍ രണ്ടിന് ആണ്.