തനിക്ക് വേണ്ടി ഭര്ത്താവ് ചിത്രങ്ങള് നിര്മ്മിക്കുന്നു; ട്രോളുകള്ക്ക് മറുപടിയുമായി ഷീലു
Synopsis
എന്നാല് ഷീലുവിനെതിരെ നിരന്തരം സിനിമ ഗ്രൂപ്പുകളിലും ട്രോള് ഗ്രൂപ്പുകളിലും ട്രോളുകള് വരാറുണ്ട്. ഷീലുവിന്റെ ഭര്ത്താവ് എബ്രഹാം മാത്യൂവിന്റെ പ്രൊഡക്ഷന് കമ്പനിയായ അബാം മൂവീസിന്റെ ചിത്രങ്ങളിലാണ് കൂടുതലായി ഷീലു പ്രത്യക്ഷപ്പെട്ടത് എന്നതാണ് ട്രോളിന് കാരണം.
കൊച്ചി: മലയാളത്തില് ഇപ്പോള് ശ്രദ്ധേയായ നടിയാണ് ഷീലു എബ്രഹാം. 2013 മുതല് മലയാള സിനിമയില് ഷീലു അഭിനയിക്കുന്നുണ്ട്. വീപ്പിങ് ബോയി ആയിരുന്നു ഷീലുവിന്റെ ആദ്യത്തെ ചിത്രം. അടുത്തിടെ ഇറങ്ങിയ വീകം ആണ് ഷീലു അവസാനമായി അഭിനയിച്ച ചിത്രം. ഇതില് പൊലീസ് ഓഫീസറുടെ വേഷത്തിലായിരുന്നു ഷീലു.
എന്നാല് ഷീലുവിനെതിരെ നിരന്തരം സിനിമ ഗ്രൂപ്പുകളിലും ട്രോള് ഗ്രൂപ്പുകളിലും ട്രോളുകള് വരാറുണ്ട്. ഷീലുവിന്റെ ഭര്ത്താവ് എബ്രഹാം മാത്യൂവിന്റെ പ്രൊഡക്ഷന് കമ്പനിയായ അബാം മൂവീസിന്റെ ചിത്രങ്ങളിലാണ് കൂടുതലായി ഷീലു പ്രത്യക്ഷപ്പെട്ടത് എന്നതാണ് ട്രോളിന് കാരണം. ഷീലുവിന് വേണ്ടിയാണ് എബ്രഹാം ചിത്രങ്ങള് എടുക്കുന്നത് എന്നാണ് ട്രോളുകളുടെ അടിസ്ഥാനം. ഇത്തരം ട്രോളുകള്ക്കും, വിമര്ശനങ്ങള്ക്കും ഒരു ടിവി പരിപാടിക്കിടെ മറുപടി നല്കുകയാണ് ഷീലു.
ആദ്യകാലത്ത് ഇത്തരം വിമര്ശനങ്ങള് ബുദ്ധിമുട്ട് ഉണ്ടാക്കിയിരുന്നു. എന്നാല് പിന്നെ ഇത്തരം കമന്റുകള് എനിക്ക് കൂടുതല് പ്രശസ്തി നല്കുന്നതായി മനസിലായി. 18 സിനിമകള് ചെയ്താല് പോലും ലഭിക്കാത്ത പ്രശസ്തിയാണ് ഇത്തരം കമന്റില് പറയുന്ന ഷീലു എന്നതിലൂടെ ലഭിക്കുന്നത്. ഇപ്പോൾ അബാം മൂവീസ് എന്നൊരു ബാനർ കണ്ടാൽ അത് ഷീലു എബ്രഹാമിന് വേണ്ടി നിർമിച്ച സിനിമ എന്ന് അവർ പറയും. നായിക ഞാനായിരിക്കും എന്നതാണ് അവർ പറയുന്നത്. പിന്നെ അതിനെ ബേസ് ചെയ്തു കൊണ്ടുള്ള ട്രോളുകളും വരുന്നുണ്ടെന്ന് ഷീലു തന്നെ പറയുന്നു.
ഭര്ത്താവ് നിര്മ്മിക്കുന്ന എല്ലാ ചിത്രത്തിലും അഭിനയിക്കാനാണെങ്കില് എനിക്ക് എത്ര ചിത്രത്തില് അഭിനയിക്കാം. അടുത്ത മാസം നിര്മ്മാണം തുടങ്ങുന്ന ചിത്രം ഞാനാണ് പ്രൊഡക്ഷന് എന്നാല് അതില് അഭിനയിക്കുന്നില്ലെന്ന് ഷീലു പറയുന്നു. തന്റെ ഭര്ത്താവിന്റെ കൈയ്യില് കുറേ പണം ഉള്ളതുകൊണ്ട് ഭാര്യയ്ക്ക് വേണ്ടി പടം പിടിക്കുന്നു എന്നാണ് പുറത്തുള്ളവര് കരുതുന്നത്. എന്നാല് അത് തെറ്റാണ്. ഒരു സിനിമക്ക് വേണ്ടി വെറുതെ കളയാനുള്ള പണമൊന്നുമില്ല. ആ പണം അദ്ദേഹം രാപ്പകലില്ലാതെ കഷ്ടപ്പെട്ട് ഉണ്ടാക്കുന്നതാണ്.
നമ്മൾ നിർമിച്ച ഒരു സിനിമയും പെട്ടിക്കകത്ത് ഇരുന്നു പോയിട്ടില്ല. എല്ലാം റിലീസ് ചെയ്ത് നഷ്ടമില്ലാതെ പോകുന്ന ഒരു പ്രൊഡക്ഷൻ കമ്പനിയാണെന്നും ഷീലു പരിപാടിയില് പറഞ്ഞു.
ബന്ധു വിഷം കലക്കി നല്കി; എന്റെ വൃക്ക പോയി: ചതിയുടെ കഥ തുറന്ന് പറഞ്ഞ് പൊന്നമ്പലം
നേര്ക്കുനേര് നാനിയും ഷൈൻ ടോം ചാക്കോയും, 'ദസറ' ട്രെയിലര്