ശ്രീലങ്കൻ തമിഴ് പെണ്കുട്ടിയുമായി ചിമ്പുവിന്റെ വിവാഹ നിശ്ചയം കഴിഞ്ഞോ?, ഒടുവില് പ്രതികരിച്ച് താരം
Synopsis
വിവാഹ നിശ്ചയം കഴിഞ്ഞു എന്ന വാര്ത്തയില് വിശദീകരണവുമായി ചിമ്പു.
തമിഴ് നടൻ ചിമ്പു വിവാഹിതനായി എന്ന് സാമൂഹ്യ മാധ്യമങ്ങളില് കുറച്ചുദിവസമായി പ്രചാരണമുണ്ടായിരുന്നു. ശ്രീലങ്കൻ തമിഴ് പെണ്കുട്ടിയുമാണ് ചിമ്പുവിന്റെ വിവാഹ നിശ്ചയം കഴിഞ്ഞത് എന്നായിരുന്നു പ്രചാരണം. ഇതില് വ്യക്തത വരുത്തി രംഗത്തെത്തിയിരിക്കുകയാണ് ചിമ്പുവിന്റെ ഓഫീസ്. വാര്ത്ത നിഷേധിക്കുകയാണെന്നും യാതൊരു സത്യവുമില്ല എന്നും ചിമ്പുവിന്റെ മീഡിയ മാനേജര് ഹരിഹരൻ ഗജേന്ദ്രൻ പുറത്തിറക്കിയ പ്രസ്താവനയില് പറയുന്നു.
ചിമ്പു ഒരു ശ്രീലങ്കൻ തമിഴ് പെണ്കുട്ടിയുമായി വിവാഹ നിശ്ചയം കഴിഞ്ഞുവെന്ന വാര്ത്ത ഞങ്ങള് നിഷേധിക്കുകയാണ്. അതില് ഒരു സത്യവുമില്ല. വിവാഹം പോലുള്ള വ്യക്തിപരമായ വിഷയങ്ങള് വാര്ത്തയാക്കുമ്പോള് ഞങ്ങളുമായി ബന്ധപ്പെടണമെന്ന് അഭ്യര്ഥിക്കുന്നു. വിവാഹം സംബന്ധിച്ച് എന്തെങ്കിലും സന്തോഷ വാര്ത്ത ഉണ്ടെങ്കില് ആദ്യം വിളിച്ചറിയിക്കുക ഞങ്ങളുടെ മാധ്യമസുഹൃത്തുക്കളെയാണെന്നും ചിമ്പുവിന്റെ ഓഫീസില് നിന്ന് പുറത്തിറക്കിയ പ്രസ്താവനയില് പറയുന്നു.
ചിമ്പുവിന്റേതായി ഇനി റിലീസ് ചെയ്യാനുള്ള ചിത്രം 'പത്ത് തല'യാണ്. ഒബേലി എൻ കൃഷ്ണയാണ് ചിത്രം സംവിധാനം ചെയ്യുന്നത്. 'പത്തു തല'യുടെ റിലീസ് മാര്ച്ച് 30ന് ആയിരിക്കും എന്ന് പ്രഖ്യാപിച്ചിരുന്നു. ഒബേലി എൻ കൃഷ്ണ തന്നെ തിരക്കഥയും എഴുതുകയും എ ആര് റഹ്മാൻ സംഗീത സംവിധാനം നിര്വഹിക്കുകയും ചെയ്യുന്ന 'പത്ത് തല'യുടെ ഓഡിയോ റ്റൈറ്റ്സ് സോണി മ്യൂസിക് സ്വന്തമാക്കിയിരുന്നു.
ചിത്രത്തിന്റെ തിയറ്റര് റിലീസിന് ശേഷമുള്ള ഒടിടി റൈറ്റ്സ് ആമസോണ് പ്രൈം വീഡിയോയാണ് സ്വന്തമാക്കിയിരിക്കുന്നത് എന്നായിരുന്നു റിപ്പോര്ട്ട് വന്നിരുന്നു. അനു സിത്താര, പ്രിയാ ഭവാനി ശങ്കര്, കാര്ത്തിക്, ഗൗതം വാസുദേവ് മേനോൻ എന്നിവര് കഥാപാത്രങ്ങളാകുന്ന ചിത്രത്തിനായി എ ആര് റഹ്മാൻ സ്വന്തം സംഗീതത്തില് ആലപിച്ച ഗാനത്തിന്റെ വീഡിയോയാണ് അടുത്തിടെ പുറത്തുവിട്ടിരുന്നു. ഫറൂഖ് ജെ ബാഷയാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. പ്രവീണ് കെ എല് ആണ് എഡിറ്റിംഗ് നിര്വഹിക്കുന്നത്.
Read More: പുതിയ തുടക്കമെന്ന് പൃഥ്വിരാജ്, സസ്പെൻസ് എന്തെന്ന് അന്വേഷിച്ച് ആരാധകരും