Kallan D'Souza : വീണ്ടും ഷഹബാസ് അമൻ മാജിക്; ശ്രദ്ധനേടി 'കള്ളൻ ഡിസൂസ'യിലെ ഗാനം
Synopsis
ദുല്ഖര് സല്മാന് നായകനായ സൂപ്പര്ഹിറ്റ് ചിത്രം ചാര്ലിയില് സൗബിന് അവതരിപ്പിച്ച കഥാപാത്രമായിരുന്നു കള്ളന് ഡിസൂസ.
സൗബിൻ ഷാഹിർ (Soubin Shahir) നായകനായി എത്തുന്ന ജിത്തു കെ ജയൻ സംവിധാനം ചെയ്യുന്ന 'കള്ളൻ ഡിസൂസ'യിലെ(Kallan D'Souza) ഗാനം പുറത്തിറങ്ങി. ഷഹബാസ് അമന്റെ മനോഹര ശബ്ദത്തിൽ പുറത്തിറങ്ങിയ ഗാനം ചിട്ടപ്പെടുത്തിയിരിക്കുന്നത് പ്രശാന്ത് കർമ്മയും വരികൾ എഴുതിയിരിക്കുന്നത് ഹരി നാരായണനും ആണ്.
ദുല്ഖര് സല്മാന് നായകനായ സൂപ്പര്ഹിറ്റ് ചിത്രം ചാര്ലിയില് സൗബിന് അവതരിപ്പിച്ച കഥാപാത്രമായിരുന്നു കള്ളന് ഡിസൂസ. ഈ കഥാപാത്രത്തിന്റെ സ്പിന് ഓഫ് ചിത്രമാണ് ഇത്. സൗബിനൊപ്പം ദിലീഷ് പോത്തന്, സുരഭി ലക്ഷ്മി, ഹരീഷ് കണാരന്, വിജയരാഘവന്, ശ്രീജിത്ത് രവി, സന്തോഷ് കീഴാറ്റൂര്, റോണി ഡേവിഡ്, പ്രേംകുമാര്, രമേഷ് വര്മ്മ, വിനോദ് കോവൂര്, കൃഷ്ണകുമാര്, അപര്ണ നായര് എന്നിവരും അഭിനയിച്ചിരിക്കുന്നു.
സജീര് ബാബയാണ് രചന നിര്വ്വഹിച്ചിരിക്കുന്നത്. ഛായാഗ്രഹണം അരുണ് ചാലില്. എഡിറ്റിംഗ് റിസ്സല് ജൈനി, പശ്ചാത്തല സംഗീതം കൈലാഷ് മേനോന്, പ്രൊഡക്ഷന് കണ്ട്രോളര് ബാദുഷ, കലാസംവിധാനം ശ്യാം കാര്ത്തികേയന്. എഡിറ്റിംഗ് റിസാല് ചീരന്. ബി ഹരിനാരായണന്റേതാണ് വരികള്. സംഗീതം ലിയോ ടോം, പ്രശാന്ത് കര്മ്മ. പശ്ചാത്തല സംഗീതം കൈലാസ് മേനോന്. വിഎഫ്എക്സ് ടോണി മാഗ്മിത്ത്. ഡിഐ ലിജു പ്രഭാകര്.