അജിത്തിനിഷ്ടം ബിരിയാണി ഉണ്ടാക്കാൻ, സൂര്യ സ്വാർത്ഥൻ: തെന്നിന്ത്യൻ താരലോകത്ത് വിവാദത്തിന് തിരികൊളുത്തി പൃഥ്വിരാജ് ബബ്ലു

Published : Jun 08, 2019, 01:46 PM ISTUpdated : Jun 08, 2019, 03:27 PM IST
അജിത്തിനിഷ്ടം ബിരിയാണി ഉണ്ടാക്കാൻ, സൂര്യ സ്വാർത്ഥൻ: തെന്നിന്ത്യൻ താരലോകത്ത് വിവാദത്തിന് തിരികൊളുത്തി പൃഥ്വിരാജ് ബബ്ലു

Synopsis

അജിത്ത് അര്‍പ്പണ ബോധത്തിന്റെ കാര്യത്തിൽ വട്ടപ്പൂജ്യമാണെന്നും സൂര്യയുടെ കാലം കഴിഞ്ഞെന്നും വിമർശനം

ചെന്നൈ: തമിഴ് സൂപ്പർ താരങ്ങളായ അജിത്തിനും സൂര്യയ്ക്കുമെതിരെ അതിരൂക്ഷ വിമർശനങ്ങൾക്ക് പിന്നാലെ തെന്നിന്ത്യൻ സിനിമാലോകത്ത് പുതിയ വിവാദം പൊട്ടിപ്പുറപ്പെട്ടു. ഇരു താരങ്ങളുടെയും ആരാധകർ രംഗത്തിറങ്ങിയതോടെ ഇത് തെലുങ്ക്-തമിഴ് സിനിമാ ലോകത്തെ മറ്റൊരു തലത്തിലേക്കാണ് എത്തിച്ചിരിക്കുന്നത്. അജിത്തിനും സൂര്യയ്ക്കും എതിരെ തെലുങ്ക് നടനായ പൃഥ്വിരാജ് ബബ്ലുവാണ് അതിരൂക്ഷ വിമർശനങ്ങൾ ഉന്നയിച്ചത്.

തമിഴ് മാധ്യമത്തിന് നൽകിയ അഭിമുഖത്തിലാണ് തെലുങ്ക് നടനായ ബബ്ലു വിമർശിച്ചത്. അജിത്ത് അര്‍പ്പണ ബോധത്തിന്റെ കാര്യത്തിൽ വട്ടപ്പൂജ്യമാണെന്നായിരുന്നു അദ്ദേഹത്തിന്റെ പരാമർശം. അഭിനയിക്കണം എന്ന് ഒട്ടും തന്നെ ആഗ്രഹവുമില്ലെന്നും ബബ്ലു പറഞ്ഞു. വളരെ യാദൃശ്ചികമായാണ് അജിത്തിന് താരപരിവേഷവും സ്വീകാര്യതയും കിട്ടിയതെന്ന് വിമർശിച്ച ബബ്ലു അജിത്ത് സ്വന്തം തൊഴിലിൽ ഒട്ടും ശ്രദ്ധയില്ലെന്നും ബിരിയാണി പാകം ചെയ്യാനാണ് അജിത്തിന് ഇഷ്ടമെന്നും പറഞ്ഞു.

അജിത്തിനെ ഇത്രയും വിമർശിച്ച ബബ്ലു, സൂര്യക്കെതിരായ വിമർശനം ഒന്നുകൂടി കടുപ്പിച്ചു. വളരെ മോശം വ്യക്തിയെന്നായിരുന്നു സൂര്യയെ കുറിച്ച് അദ്ദേഹം പറഞ്ഞത്. സൂര്യയുടെ കാലം കഴിഞ്ഞുവെന്ന് പറഞ്ഞ ബബ്ലു സൂര്യ സ്വാർത്ഥനാണെന്നും വിമർശിച്ചു. ഇതോടെ ബബ്ലുവിനെതിരെ സൂര്യയുടെയും അജിത്തിന്റെയും ആരാധകർ വിമർശനങ്ങളുമായി രംഗത്തെത്തിയിരിക്കുകയാണ്. തെന്നിന്ത്യൻ താര ലോകത്ത് വലിയ വിവാദങ്ങൾക്കാണ് ഈ പരാമർശങ്ങൾ തുടക്കമിട്ടിരിക്കുന്നത്.

PREV

സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ

click me!

Recommended Stories

തലസ്ഥാനത്ത് ഇനി സിനിമാപ്പൂരം; ഐഎഫ്എഫ്കെയുടെ 30-ാം എഡിഷന് പ്രൗഢഗംഭീരമായ തുടക്കം
'മനസിലാക്കുന്നു, ഞങ്ങള്‍ സ്ത്രീകള്‍ക്ക് ഇവിടെ ഇടമില്ല'; ശിക്ഷാവിധിയില്‍ പ്രതികരണവുമായി പാര്‍വതി തിരുവോത്ത്