ഈ പോസ്റ്റര് ഡിസൈന് ചെയ്തത് ആര്ട്ടിഫിഷ്യല് ഇന്റലിജന്സ് ഉപയോഗിച്ച്; വ്യത്യസ്തതയുമായി 'അറ്റ്'
Synopsis
പത്ത് കല്പ്പനകള് എന്ന ചിത്രത്തിന് ശേഷം ഡോണ് മാക്സ് സംവിധാനം ചെയ്യുന്ന ചിത്രം
ഹിറ്റ് ചിത്രങ്ങളുടെ എഡിറ്റര് ആയിരുന്ന ഡോണ് മാക്സ് ഒരിടവേളയ്ക്കു ശേഷം സംവിധാനം ചെയ്യുന്ന പുതിയ ചിത്രമാണ് അറ്റ്. ടെക്നോ ത്രില്ലര് വിഭാഗത്തില് പെടുന്ന ചിത്രത്തിന്റെ ഒരു പുതിയ ക്യാരക്റ്റര് പോസ്റ്റര് പുറത്തുവിട്ടിരിക്കുകയാണ് അണിയറക്കാര്. മലയാളത്തിന് അത്ര പരിചിതമല്ലാത്ത ഒരു ജോണര് ആണ് ടെക്നോ ത്രില്ലര്. ചിത്രത്തിന്റെ പുറത്തെത്തിയ ക്യാരക്റ്റര് പോസ്റ്ററും ഏറെ പുതുമ നിറഞ്ഞ ആശയത്തിലാണ് ചെയ്തിരിക്കുന്നത്. ആർട്ടിഫിഷ്യൽ ഇൻ്റലിജൻസ് ടെക്നോളജിയുടെ സഹായത്തോടെ ഒരുക്കിയ പോസ്റ്റര് ആണിത്. തെന്നിന്ത്യന് സിനിമയുടെ ചരിത്രത്തില് ആദ്യമായാണ് ഇത്തരത്തില് ഒരു പോസ്റ്റര് ഇറങ്ങുന്നതെന്ന് അണിയറക്കാര് പറയുന്നു.
ചിത്രത്തിലെ നായിക റേച്ചൽ ഡേവിഡിൻ്റെ ക്യാരക്ടര് പോസ്റ്ററാണ് പുറത്തെത്തിയിരിക്കുന്നത്. അനന്തു എസ് കുമാർ എന്ന യുവ കലാകാരനാണ് ഈ പോസ്റ്റർ ഡിസൈൻ ചെയ്തിരിക്കുന്നത്. മാസങ്ങളാണ് ഈ പോസ്റ്ററിന്റെ ഡിസൈനിംഗിനായി എടുത്തതെന്ന് അനന്തു പറയുന്നു. തികച്ചും കോഡുകള് ഉപയോഗിച്ചുകൊണ്ടാണ് കംമ്പ്യൂട്ടർ എ ഐ സാങ്കേതിക വിദ്യയുടെ സഹായത്തോടെ പോസ്റ്റർ നിർമിച്ചിരിക്കുന്നത്. ഇന്റര്നെറ്റിലെ ഡാര്ക്ക് വെബ്ബിന്റെ പശ്ചാത്തലത്തിലാണ് ചിത്രത്തിന്റെ കഥ പറയുന്നത്. മലയാളത്തില് ആദ്യമായിട്ടാണ് ഡാര്ക്ക് വെബ്ബിനെ അടിസ്ഥാനമാക്കി ഒരു ചിത്രം ഒരുങ്ങുന്നത്. ചിത്രത്തിന്റെ നേരത്തെ ഇറങ്ങിയ പോസ്റ്ററുകളും ടീസറും ഏറെ ശ്രദ്ധേയമായിരുന്നു. മലയാളത്തിലെ ആദ്യ എച്ച്ഡിആര് ഫോര്മാറ്റില് ഇറങ്ങിയ ടീസറാണ് അറ്റിന്റേത്. ഇന്ത്യയില് ആദ്യമായി റെഡ് വി റാപ്റ്റര് കാമറയില് പൂര്ണ്ണമായി ചിത്രീകരിച്ച ആദ്യ ഇന്ത്യന് ചിത്രമെന്ന ഖ്യാതിയും ചിത്രത്തിനുണ്ട്.
പത്ത് കല്പ്പനകള് എന്ന ചിത്രത്തിന് ശേഷം ഡോണ് മാക്സ് സംവിധാനം ചെയ്യുന്ന ചിത്രം നിര്മ്മിക്കുന്നത് കൊച്ചുറാണി പ്രൊഡക്ഷന്സ് ആണ്. ആകാശ് സെന് നായകനാവുന്ന ചിത്രത്തില് ഷാജു ശ്രീധർ, ശരണ്ജിത്ത്, ബിബിന് പെരുമ്പള്ളി, നയന എല്സ, സഞ്ജന ദോസ്, സുജിത്ത് രാജ്, ആരാധ്യ ലക്ഷ്മണ് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ഡാര്ക്ക് വെബ്ബ് പശ്ചാത്തലത്തില് ഒരുങ്ങുന്ന ചിത്രത്തിന്റെ ടൈറ്റില് പോസ്റ്റര് ഏറെ ശ്രദ്ധേയവും ദുരൂഹവുമാണ്. ഡ്രഗ്സ്, ക്രിപ്റ്റോ കറന്സി, സീക്രട്ട് കമ്മ്യൂണിറ്റി തുടങ്ങി നിരവധി ദുരൂഹമായ സംഭവങ്ങളുടെ സൂചന പോസ്റ്റര് നല്കുന്നുണ്ട്.
ALSO READ : പ്രകടനത്തില് വിസ്മയിപ്പിക്കാന് മമ്മൂട്ടി; 'നന്പകല്' ഉടന് തിയറ്ററുകളിലേക്ക്
പ്രശസ്ത ഛായാഗ്രാഹകന് രവിചന്ദ്രന് ആണ് ചിത്രത്തിന്റെ ക്യാമറ. എഡിറ്റിംഗ് ഷമീര് മുഹമ്മദ്, ഹുമറും ഷാജഹാനും ചേര്ന്നാണ് ചിത്രത്തിന്റെ സംഗീതം. പ്രോജക്ട് ഡിസൈനര് ബാദുഷ, പ്രൊഡക്ഷന് കണ്ട്രോളര് പ്രശാന്ത് നാരായണന്, കലാസംവിധാനം അരുണ് മോഹനന്, മേക്കപ്പ് രഞ്ജിത് അമ്പാടി, വസ്ത്രാലങ്കാരം റോസ് റെജിസ്, ആക്ഷന് കൊറിയോഗ്രഫി കനല് കണ്ണന്, ചീഫ് അസോസിയേറ്റ് റെജിലേഷ്, ക്രിയേറ്റീവ് ഡയറക്ടര് റെജിസ് ആന്റണി, അസോസിയേറ്റ് ഡയറക്ടര് പ്രകാശ് ആര് നായര്, പിആര്ഒ പി ശിവപ്രസാദ്, സ്റ്റില്സ് ജെഫിന് ബിജോയ്, പബ്ലിസിറ്റി ഡിസൈന് അനന്ദു എസ് കുമാര് എന്നിവരാണ് മറ്റ് അണിയറ പ്രവർത്തകർ.