ജെയിംസ് കാമറൂണിനൊപ്പം ഇനി ജോലി ചെയ്യാനില്ല, ടെര്മിനേറ്റര് ഡാര്ക് ഫേറ്റിന്റെ സംവിധായകൻ
Synopsis
ജെയിംസ് കാമറൂണിനൊപ്പം ഇനി ജോലി ചെയ്യാനില്ലെന്ന് ടെര്മിനേറ്റര് ഡാര്ക് ഫേറ്റിന്റെ സംവിധായകൻ ടിം മില്ലര്.
ലോകമെമ്പാടും പ്രേക്ഷകരുള്ള പരമ്പര സിനിമകളില് പെട്ടതാണ് ടെര്മിനേറ്റര്. ടെര്മിനേറ്റര് ഡാര്ക് ഫേറ്റ് ആണ് ഏറ്റവും ഒടുവില് റിലീസ് ചെയ്തത്. ചിത്രം വലിയ പരാജയമായിരുന്നു. പ്രമുഖ സംവിധായകൻ ടിം മില്ലറായിരുന്നു ടെര്മിനേറ്റര് ഡാര്ക് ഫേറ്റ് സംവിധാനം ചെയ്തത്. ഭാവിയില് സംവിധായകൻ ജെയിംസ് കാമറൂണിന്റെ കൂടെ ജോലി ചെയ്യില്ലെന്നാണ് ടിം മില്ലര് ഇപ്പോള് പറയുന്നത്.
ടെര്മിനേറ്റര് ചിത്രങ്ങളിലെ ആദ്യത്തെ രണ്ടും സംവിധാനം ചെയ്തത് ജെയിംസ് കാമറൂണായിരുന്നു. ഡാര്ക് ഫേറ്റിന്റെ സഹനിര്മ്മാതാക്കളില് ഒരാളുമായിരുന്നു ജെയിംസ് കാമറൂണ്. ജെയിംസ് കാമറൂണിന്റെ കൂടെ ഇനി ജോലി ചെയ്യില്ലെന്നാണ് ഒരു ചോദ്യത്തിന് ഉത്തരമായി ഒരു മാധ്യമത്തോട് ടിം മില്ലര് പറഞ്ഞത്. ഡാര്ക് ഫേറ്റ് സംവിധാനം ചെയ്ത അനുഭവത്തിൽ നിന്ന് എനിക്കുണ്ടായ ആഘാതവുമായി ഇതിന് യാതൊരു ബന്ധവുമില്ല,ശരിയാണെന്ന് എനിക്ക് തോന്നുന്ന കാര്യങ്ങൾ ചെയ്യാനുള്ള അവകാശമില്ലാത്ത ഒരു സാഹചര്യത്തിൽ വീണ്ടും ജീവിക്കാൻ ഞാൻ ആഗ്രഹിക്കുന്നില്ല.സിനിമയെ കുറിച്ച ഏറ്റവും വെറുക്കപ്പെട്ട കാര്യങ്ങള് എനിക്ക് നിയന്ത്രിക്കാൻ കഴിയാത്തതായിരുന്നു- ടിം മില്ലര് പറയുന്നു. ടെര്മിനേറ്റര് ആദ്യം പ്രദര്ശനത്തിന് എത്തിയത് 1984ലായിരുന്നു. ജെയിംസ് കാമറൂണായിരുന്നു സംവിധാനം ചെയ്തത്. അർണോൾഡ് ഷ്വാർസ്നെഗര് പുതിയ ചിത്രത്തിൽ അതിഥിവേഷത്തിൽ എത്തുന്നു. സാറാ കോണറായി അഭിനയിച്ച ലിന്ഡാ ഹാമില്ടണ് ചിത്രത്തിലുണ്ടായിരുന്നു. മക്കെൻസി ഡേവിസ്, ഗബ്രിയൽ ലുന, നതാലിയ എന്നിവരും വേഷമിട്ടു.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ