തണ്ണീർമത്തൻ ദിനങ്ങളുടെ മെയ്ക്കിംഗ് വീഡിയോ പുറത്തിറക്കി അണിയപ്രവർത്തകർ
Synopsis
തിയേറ്ററിൽ നിറഞ്ഞ സദസിൽ പ്രദർശനം തുടരുന്ന ചിത്രത്തിന്റെ മെയ്ക്കിംഗ് വീഡിയോ അണിയറ പ്രവർത്തകർ പുറത്തിറക്കി
കൗമാര പ്ലസ് ടു കാലത്തിന്റെ കഥയുമായി എത്തി തിയേറ്ററിൽ വൻ വിജയം സ്വന്തമാക്കിയ ചിത്രമാണ് തണ്ണീർമത്തൻ ദിനങ്ങൾ. ചുരുങ്ങിയ ദിവസങ്ങള്കൊണ്ട് 45 കോടിരൂപയുടെ കളക്ഷനാണ് ഗിരീഷ് എ ഡി ഒരുക്കിയ ചിത്രം സ്വന്തമാക്കിയത്. തിയേറ്ററിൽ നിറഞ്ഞ സദസിൽ പ്രദർശനം തുടരുന്ന ചിത്രത്തിന്റെ മെയ്ക്കിംഗ് വീഡിയോ അണിയറ പ്രവർത്തകർ പുറത്തിറക്കി.
കുമ്പളങ്ങി നൈറ്റ്സിലൂടെ ശ്രദ്ധേയനായ തോമസ് മാത്യു , ഉദാഹരണം സുജാത എന്ന ചിത്രത്തിലൂടെ വെള്ളിത്തിരയിലെത്തിയ അനശ്വര രാജന് എന്നീ 'കുട്ടി'ത്താരങ്ങളാണ് പ്രധാന കഥാപാത്രങ്ങളെ ചിത്രത്തിൽ അവതരിപ്പിക്കുന്നത്. 'രവി പദ്മനാഭന്' എന്ന സ്കൂള് അധ്യാപകന്റെ വേഷത്തില് വിനീത് ശ്രീനിവാസനും ചിത്രത്തില് എത്തുന്നു. ഗിരീഷ് എ ഡിയും ഡിനോയ് പൗലോസും ചേര്ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ജോമോന് ടി ജോണും വിനോദ് ഇല്ലംപിള്ളിയും ചേര്ന്നാണ് ഛായാഗ്രഹണം. പ്ലാന് ജെ സ്റ്റുഡിയോസ്, ഷെബിന് ബെക്കര് പ്രൊഡക്ഷന്സ് എന്നിവയുടെ ബാനറില് ജോമോന് ടി ജോണ്, ഷെബിന് ബെക്കര്, ഷമീര് മുഹമ്മദ് എന്നിവര് ചേര്ന്നാണ് ചിത്രം നിർമ്മിച്ചിരിക്കുന്നത്
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ