മാര്ക്കോയിലെ വയലൻസ് രംഗങ്ങള് ചിത്രീകരിച്ചതിങ്ങനെ, വീഡിയോയില് ഞെട്ടിച്ച് ഉണ്ണി മുകുന്ദന്റെ മേയ്ക്കോവര്
Synopsis
ഉണ്ണി മുകുന്ദന്റെ മാര്ക്കോ വൻ കളക്ഷനാണ് നേടിയിരിക്കുന്നതും.
ഉണ്ണി മുകുന്ദൻ നായകനായി വന്ന ചിത്രമാണ് മാര്ക്കോ. ഇന്ത്യയില് നിന്ന് മാത്രം 50 കോടി ക്ലബിലെത്തിയിട്ടുണ്ട് മാര്ക്കോ എന്നാണ് റിപ്പോര്ട്ട്. വയലൻസിന്റെ പേരില് ചര്ച്ചയായതുമാണ് മാര്ക്കോ. ആ വയലൻസ് രംഗങ്ങള് ചിത്രീകരിച്ചതെങ്ങനെയെന്നുള്ള വീഡിയോ പുറത്തുവിട്ടിരിക്കുകയാണ്.
ഉണ്ണി മുകുന്ദന്റെ മാര്ക്കോ 82 കോടിയിലധികം നേടിയിരിക്കുകയാണ് എന്നാണ് റിപ്പോര്ട്ടുകള് വ്യക്തമാക്കുന്നത് ഹിന്ദിയുള്പ്പടെ വൻ കുതിപ്പാണ് മാര്ക്കോ സിനിമ നേടുന്നത് എന്നാണ് റിപ്പോര്ട്ടുകള് സൂചിപ്പിക്കുന്നത്. മാര്ക്കോ ഓരോ ദിവസം പിന്നിടുമ്പോഴും കളക്ഷൻ ഉയര്ത്തിയാല് വമ്പൻ ഹിറ്റാകുമെന്ന് തീര്ച്ചയാകുമ്പോള് ആരൊക്കെ വീഴുമെന്നതിലാണ് ആകാംക്ഷ. ഉണ്ണി മുകുന്ദന്റെ ആദ്യ 100 കോടി ക്ലബ് മാര്ക്കോ ആകുമെന്നാണ് പ്രതീക്ഷിക്കപ്പെടുന്നത്.
സംവിധായകൻ ഹനീഫ് അദേനിയായ മാര്കോ സിനിമയില് തെലുങ്കിലെ യുക്തി തരേജയാണ് നായിക . തിരക്കഥയും ഹനീഫ് അദേനി നിര്വഹിക്കുന്ന ചിത്രം മാര്കോയുടെ നിര്മാണം ഉണ്ണി മുകുന്ദൻ ഫിലിംസും ക്യൂബ്സ് എന്റർടൈൻമെന്റ്സുമാണ്. ഛായാഗ്രഹണം ചന്ദ്രു സെൽവരാജാണ്. സംഗീതം നിര്വഹിക്കുന്നത് രവി ബസ്രറുമായ ചിത്രത്തില് മറ്റ് വേഷങ്ങളില് എത്തുന്നത് സിദ്ദീഖ്, ജഗദീഷ്, ആൻസൺ പോൾ, കബീർ ദുഹാൻസിംഗ്, അഭിമന്യു തിലകൻ. യുക്തി തരേജ എന്നീ താരങ്ങളും ആണ്.
ഹനീഫ് അദേനിയുടെ മിഖായേൽ എന്ന ചിത്രത്തിൽ ഉണ്ണി മുകുന്ദൻ അവതരിപ്പിച്ച മാർക്കോ ജൂനിയറെ നായകനാക്കിയാണ് മാര്കോ എത്തിയിരിക്കുന്നത്. പ്രൊഡക്ഷൻ കൺട്രോളർ ദീപക് പരമേശ്വരൻ. വൻ ഹിറ്റായി മാറി കുതിക്കുന്ന ചിത്രത്തിന്റെ പിആര്ഒ വാഴൂര് ജോസും പ്രൊമോഷൻ കൺസൽട്ടന്റ് വിപിൻ കുമാറും ഡിജിറ്റൽ മാർക്കറ്റിംഗ് ഒബ്സ്ക്യൂറ എന്റർടൈൻമെന്റും പ്രൊഡക്ഷൻ എക്സിക്യുട്ടീവ് ബിനു മണമ്പൂറും ചീഫ് അസ്സോസ്സിയേറ്റ് ഡയറക്ടർ സ്യമന്തക് പ്രദീപുമാണ്.
Reaad More: ബജറ്റ് 200 കോടി, വമ്പൻ സിനിമ ഉപേക്ഷിച്ചിട്ടില്ല, നിറഞ്ഞാടാൻ മോഹൻലാല് വീണ്ടും
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക