ഉണ്ണി മുകുന്ദന് ഫിലിംസിന്റെ ആദ്യ ചിത്രം; 'മേപ്പടിയാന്' ഷൂട്ടിംഗ് ആരംഭിച്ചു
Synopsis
നവാഗനതായ വിഷ്ണു മോഹൻ സംവിധാനം നിർവഹിക്കുന്ന ചിത്രത്തില് അഞ്ജു കുര്യൻ ആണ് നായികയായി എത്തുന്നത്.
ഉണ്ണി മുകുന്ദനെ നായകനാക്കി വിഷ്ണു മോഹന് തിരക്കഥയെഴുതി സംവിധാനം ചെയ്യുന്ന മേപ്പടിയാന്റെ ചിത്രീകരണം ഈരാറ്റുപേട്ടയില് ആരംഭിച്ചു. നവാഗനതായ വിഷ്ണു മോഹൻ സംവിധാനം നിർവഹിക്കുന്ന ചിത്രത്തില് അഞ്ജു കുര്യൻ ആണ് നായികയായി എത്തുന്നത്. 
പൂർണ്ണമായും കൊവിഡ് മാനദണ്ഡങ്ങൾ പാലിച്ചാണ് ചിത്രീകരണം .ഉണ്ണി മുകുന്ദന് ഫിലിംസ് ആദ്യമായി നിര്മ്മിക്കുന്ന സിനിമയുമാണ് മേപ്പടിയാന്. 2019 ല് പ്രഖ്യാപിച്ചിരുന്ന ചിത്രം ചില സാങ്കേതിക കാരണങ്ങളാലും പിന്നീട് കൊവിഡിനെ തുടര്ന്നും വൈകുകയായിരുന്നു.
ചിത്രത്തിന്റെ മോഷന് പിക്ചര് നേരത്തേ പുറത്തുവന്നിരുന്നു. അജു വർഗീസ്, ഇന്ദ്രൻസ്, സൈജു കുറുപ്പ്, വിജയ് ബാബു, കലാഭവൻ ഷാജോൺ തുടങ്ങിയവരും ചിത്രത്തിൽ പ്രധാന വേഷത്തിൽ എത്തുന്നുണ്ട്. നീല് ഡി കുഞ്ഞയാണ് ഛായാഗ്രഹണം. എഡിറ്റിംഗ് ഷമീര് മുഹമ്മദ്. സംഗീതം രാഹുല് സുബ്രഹ്മണ്യം. ഷമീര് മുഹമ്മദ് ചിത്രസംയോജനം നിര്വഹിക്കുന്നു. സാബു മോഹനാണ് കലാസംവിധാനം
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ