Upacharapoorvam Gunda Jayan : ദുല്ഖർ നിർമ്മിക്കുന്ന 'ഉപചാരപൂര്വ്വം ഗുണ്ട ജയന്'; റിലീസ് പ്രഖ്യാപിച്ചു
Synopsis
സൈജു കുറുപ്പിന്റെ നൂറാമത് ചിത്രം കൂടിയാണിത്.
നടന് ദുല്ഖര് സല്മാന്റെ(Dulquer Salmaan) നിര്മ്മാണത്തില് ഒരുങ്ങുന്ന പുതിയ ചിത്രം 'ഉപചാരപൂര്വ്വം ഗുണ്ട ജയന്റെ' (Upacharapoorvam Gunda Jayan) റിലീസ് പ്രഖ്യാപിച്ചു. ഫെബ്രുവരി25ന് ചിത്രം തിയറ്ററുകളിൽ എത്തും. അരുണ് വൈഗയാണ് സംവിധാനം. സൈജു കുറുപ്പിന്റെ നൂറാമത് ചിത്രം കൂടിയാണിത്.
വേഫെയര് ഫിലിംസിന്റെ ബാനറില് ദുല്ഖര് സല്മാനും മൈ ഡ്രീംസ് എന്റര്ടൈന്മെന്റിന്റെ ബാനറില് സെബാബ് ആനിക്കാടും ചേര്ന്നാണ് ചിത്രം നിര്മ്മിച്ചിരിക്കുന്നത്. രാജേഷ് വര്മ്മയുടെതാണ് തിരക്കഥ. ചിത്രത്തില് സൈജു കുറുപ്പ്, സിജു വില്സണ്, ശബരീഷ് വര്മ്മ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
ഇതിന് പുറമെ ജോണി ആന്റണി, സാബുമോന്, സുധീര് കരമന, ജാഫര് ഇടുക്കി, ബിജു സോപാനം, വിജിലേഷ്, ബൈജു എഴുപുന്ന, തട്ടിം മുട്ടിം ഫെയിം സാഗര് സൂര്യ, ഷാനി ഷാക്കി, വൃന്ദ മേനോന്, നയന, പാര്വതി, ഷെലജ പി അമ്പു തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
ഹരിനാരായണന്റെ വരികള്ക്ക് ബിജിബാല് ആണ് സംഗീതം പകര്ന്നിരിക്കുന്നത്. ക്യാമറ എല്ദോ ഐസക്, എഡിറ്റര് കിരണ് ദാസ്, സൗണ്ട് ഡിസൈന് വിഷ്ണു ഗോവിന്ദ് ശ്രീ ശങ്കര്. പ്രോജക്ട് ഡിസൈന് ജയ് കൃഷ്ണന്, ആര്ട് അഖില് രാജ് ചിറായില്, പ്രൊഡക്ഷന് കണ്ട്രോളര് മനോജ് കാരന്തൂര്, വസ്ത്രാലങ്കാരം അരുണ് മനോഹര്, മേക്കപ്പ് ജിതേഷ് പൊയ്യ, അസോസിയേറ്റ്സ് ഡയറക്ടര്മാര് കിരണ് റാഫേല്, ബിന്റോ സ്റ്റീഫന്, പി.ആര്.ഒ വാഴൂര് ജോസ്, ആതിര ദില്ജിത്ത്, ഫോട്ടോഷൂട്ട് ഗിരീഷ് ചാലക്കുടി, സ്റ്റില്സ് നിദാദ് കെ എന്, പോസ്റ്റര് ഡിസൈന് ഓള്ഡ് മോങ്ക്സ്
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ