വരുണ് ധവാൻ നായകനായി 'ഭേഡിയ', ഗാനം പുറത്ത്
Synopsis
'ഭേഡിയ' എന്ന ചിത്രത്തിലെ ഗാനം പുറത്ത്.
വരുണ് ധവാൻ നായകനാകുന്ന ചിത്രമായ 'ഭേഡിയ'. കൃതി സനോണ് ആണ് ചിത്രത്തിലെ നായിക. നവംബര് 25ന് ആണ് ചിത്രം റിലീസ് ചെയ്യുക. അമര് കൗശിക് സംവിധാനം ചെയ്യുന്ന 'ഭേഡിയ' എന്ന ചിത്രത്തിലെ ഗാനം പുറത്തുവിട്ടിരിക്കുകയാണ്
ഭാസ്കര്' എന്ന കഥാപാത്രമായി വരുണ് ധവാൻ അഭിനയിക്കുന്ന 'ഭേഡിയ'യിലെ 'അപ്ന ബന ലേ' എന്ന ഗാനമാണ് പുറത്തുവിട്ടത്. 'ഡോ. അനിക' എന്ന കഥാപാത്രമായിട്ടാണ് ചിത്രത്തില് കൃതി സനോണ് അഭിനയിക്കുന്നത്. ജിഷ്ണു ഭട്ടചാര്ജിയാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. സച്ചിൻ- ജിഗാര് സംഗീത സംവിധാനം നിര്വഹിക്കുന്ന ചിത്രം ഹിന്ദി, തമിഴ്, തെലുങ്ക് ഭാഷകളിലാണ് തിയറ്ററുകളില് പ്രദര്ശനത്തിന് എത്തുക.
ദീപക് ദൊബ്രിയാല്, അഭിഷേക് ബാനര്ജി എന്നിവരും ചിത്രത്തില് അഭിനയിക്കുന്നു. ദിനേശ് വിജനാണ് ജിയോ സ്റ്റുഡിയോസുമായി ചേര്ന്ന് 'ഭേഡിയ' എന്ന ചിത്രം നിര്മിക്കുന്നത്. ഹൊറര്- കോമഡി യുണിവേഴ്സില് ദിനേശ് വിജന്റെ മൂന്നാം ചിത്രമായ 'ഭേഡിയ' ജിയോ സ്റ്റുഡിയോസാണ് വിതരണം ചെയ്യുന്നത്. 2018ലെ 'സ്ത്രീ', 2021ലെ 'രൂഹി' എന്നീ ചിത്രങ്ങളുടെ ഭാഗമാണ് ഇത്.
ജഗ്ജഗ്ഗ് ജിയോ ആണ് വരുണ് ധവാൻ നായകനായി ഏറ്റവും ഒടുവില് പ്രദര്ശനത്തിന് എത്തിയ ചിത്രം. അനില് കപൂറും പ്രധാന വേഷത്തില് എത്തിയ ചിത്രം രാജ് മേഹ്തയായിരുന്നു സംവിധാനം ചെയ്തത്. 2022 ജൂണ് 24ന് ആണ് ചിത്രം റിലീസ് ചെയ്തത്. കൃതി സനോണ് നായികയായി ഏറ്റവും ഒടുവില് പ്രദര്ശനത്തിന് എത്തിയ ചിത്രം 'ഹീറോപന്തി 2'വാണ്. ആക്ഷൻ ഹീറോ ടൈഗര് ഷ്രോഫ് ആണ് ചിത്രത്തില് നായകനായി എത്തിയത്. അഹമ്മദ് ഖാനാണ് ചിത്രം സംവിധാനം ചെയ്തത്. എ ആര് റഹ്മാനാണ് സംഗീത സംവിധാനം നിര്വഹിച്ചത്.
Read More: മകളുടെ സംവിധാനത്തില് അതിഥി വേഷത്തില് രജനികാന്ത്, 'ലാല് സലാം' പ്രഖ്യാപിച്ചു