വിജയ് സേതുപതി ബോളിവുഡിലേക്ക്; സംവിധാനം സന്തോഷ് ശിവന്
Synopsis
ആമിര് ഖാന് നായകനാവുന്ന 'ലാല് സിംഗ് ഛദ്ദ'യിലൂടെ വിജയ് സേതുപതി ബോളിവുഡില് അരങ്ങേറുമെന്ന് നേരത്തെ വാര്ത്തകള് പുറത്തെത്തിയിരുന്നു. പക്ഷേ ആദ്യഘട്ട ചര്ച്ചകള്ക്കു ശേഷം പ്രോജക്ടില് നിന്ന് അദ്ദേഹം പിന്മാറുകയായിരുന്നു
ബോളിവുഡ് അരങ്ങേറ്റത്തിന് വിജയ് സേതുപതി. ലോകേഷ് കനകരാജിന്റെ സംവിധാനത്തില് 2017ല് പുറത്തെത്തിയ ആക്ഷന് ത്രില്ലര് ചിത്രം 'മാനഗര'ത്തിന്റെ ഹിന്ദി റീമേക്ക് ആണ് പുതിയ ചിത്രം. സന്തോഷ് ശിവനാണ് ചിത്രം സംവിധാനം ചെയ്യുന്നത്. 12 വര്ഷത്തിനു ശേഷം സന്തോഷ് ശിവന് ഹിന്ദിയില് സംവിധാനം ചെയ്യുന്ന സിനിമയുമാണ് ഇത്. 2008ല് പുറത്തിറങ്ങിയ 'തഹാന്' ആണ് ഹിന്ദിയില് ഇതിനുമുന്പ് അദ്ദേഹം സംവിധാനം ചെയ്തത്. എന്നാല് മണി രത്നത്തിന്റെ 'രാവണി'നും (2010) പ്രിയദര്ശന്റെ 'രംഗ്രേസി'നും (2013) ഛായാഗ്രഹണം നിര്വ്വഹിച്ചത് സന്തോഷ് ശിവന് ആയിരുന്നു.
'മാനഗര'ത്തില് സുദീപ് കിഷന് അവതരിപ്പിച്ച കഥാപാത്രത്തെ ഹിന്ദിയില് അവതരിപ്പിക്കുക വിക്രാന്ത് മസ്സേ ആണ്. സഞ്ജയ് മിശ്ര, രണ്വീര് ഷോറെ, ടാനിയ മണിക്ടാല, സച്ചിന് ഖഡേക്കര് തുടങ്ങിയവര് മറ്റു കഥാപാത്രങ്ങളെ അവതരിപ്പിക്കും. ജനുവരിയില് ചിത്രീകരണം ആരംഭിക്കാനിരിക്കുന്ന ചിത്രത്തിന്റെ പേര് ജനുവരി ഒന്നിന് വൈകിട്ട് മൂന്നിന് പുറത്തുവിടും.
അതേസമയം ആമിര് ഖാന് നായകനാവുന്ന 'ലാല് സിംഗ് ഛദ്ദ'യിലൂടെ വിജയ് സേതുപതി ബോളിവുഡില് അരങ്ങേറുമെന്ന് നേരത്തെ വാര്ത്തകള് പുറത്തെത്തിയിരുന്നു. പക്ഷേ ആദ്യഘട്ട ചര്ച്ചകള്ക്കു ശേഷം പ്രോജക്ടില് നിന്ന് അദ്ദേഹം പിന്മാറുകയായിരുന്നു. അതേസമയം മഞ്ജു വാര്യരും കാളിദാസ് ജയറാമും സൗബിന് ഷാഹിറും പ്രധാന കഥാപാത്രങ്ങളെ അവതരിപ്പിക്കുന്ന മലയാളചിത്രം 'ജാക്ക് ആന്ഡ് ജില്' ആണ് സന്തോഷ് ശിവന് സംവിധാനം ചെയ്ത്, പുറത്തെത്താനുള്ള ചിത്രം. മോഹന്ലാലിന്റെ സംവിധായക അരങ്ങേറ്റമായ 'ബറോസി'ന്റെ ഛായാഗ്രഹണം നിര്വ്വഹിക്കുന്നതും സന്തോഷ് ശിവന് ആണ്.
സിനിമകളിൽ നിന്ന് Malayalam OTT Release വരെ, Bigg Boss Malayalam Season 7 മുതൽ Mollywood Celebrity news, Exclusive Interview വരെ — എല്ലാ Entertainment News ഒരൊറ്റ ക്ലിക്കിൽ. ഏറ്റവും പുതിയ Movie Release, Malayalam Movie Review, Box Office Collection — എല്ലാം ഇപ്പോൾ നിങ്ങളുടെ മുന്നിൽ. എപ്പോഴും എവിടെയും എന്റർടൈൻമെന്റിന്റെ താളത്തിൽ ചേരാൻ ഏഷ്യാനെറ്റ് ന്യൂസ് മലയാളം വാർത്തകൾ